بنت خدر تقول ولى عمرها والحيا فيها ولا جوها الرجال
ماعليها عايشه في خدرها مانقصها قالت الا ابن الحلال
حظها عاثر وهذا عذرها والزمن قاسي عليها مايزال
الجروح استوطنت في صدرها والهموم بقلبها مثل الجبال
ماتلام ان كان ملت صبرها حزنها جاها وسال الدمع سال
السنين تمر وابطا صقرها مايحوم بخدرها حتى الخيال
كلمة الرجال تكفي مهرها ماتفكر قالت بدنيا ومال
قالت المسلم ودينه فخرها حالفه ماهمها بعض الخصال
عندها قالت غنيمة سترها لا بذخ تبغى ولا تبغى الدلال
جوهره ماغاص عاشق بحرها واعتقد ماحرمت عنها الوصال
السؤال تقول حير فكرها والجواب ابطا وعذبها السؤال
يا عسى بالنور يشرق فجرها يا عسى والحال يتغير بحال
اتمنى تعجبكم
تنتظر
العرض العادي
