مستشفى الولاده تأخذ رسوم على توليد السعوديات من 500 إلى 1000

[(الراسي)111]

[[align=center]color=8B0000]هل هذ نظام المستشفى أو ان الموضوع من تحت لتحت دفع الرسوم شئ اكيد

ارجو من لديه علم ان لا يبخل علينا يأخواني [/color][/align]

[الذاهبة]

ههههههههههه

إلا والله .. أنا قد سمعت شي زي كذا

بس خلني اتأكد .. ماودي انصّب عليكم ..

[(الراسي)111]

اقتباس:  المشاركة الأصلية كتبت بواسطة الذاهبة     ههههههههههه إلا والله .. أنا قد سمعت شي زي كذا بس خلني اتأكد .. ماودي انصّب عليكم ..

عجلي علينا بإنتضــــــــــــــــــــــــــــــارك

[ابو ريما الخالدي]

مومعقووووووووووووله
مستشفى حكومي وندفع فلوس
وين حنا فيه في مصر أو سوريا

[ثامر الناصر]

مشكور ..

انا اللي سمعته وهو حاصل بالفعل .. انه اذا اردت ان تولد زوجتك او امك او اختك (_ دكتورة ) وليس دكتور .. ماعليك الا ان تدفع 1000 ريال لكي تحصل على ماتريد .. والا من سيولد حرمك هو ( دكتور ) بالاصل

ودمتم

[إشراق]

السلام عليكم

لا المسأله ومافيها أنه اذا كانت فيه دكتوره معينه بذاتها تبيها زوجتك لتوليدها مثلا ماعليها الا تدفع 1000 ريال عشان تاخذها خصيصا لو يقومونها من نومها نص الليل

عشان تولدها لانه مثل مانت عارف التوليد حظك نصيبك من الدكاتره والدكتورات بالحكومي

أرجوا أني اكون أفدتك

[رمـ المحبة ــز]

اقتباس:  المشاركة الأصلية كتبت بواسطة بنت بريده2     السلام عليكم لا المسأله ومافيها أنه اذا كانت فيه دكتوره معينه بذاتها تبيها زوجتك لتوليدها مثلا ماعليها الا تدفع 1000 ريال عشان تاخذها خصيصا لو يقومونها من نومها نص الليل عشان تولدها لانه مثل مانت عارف التوليد حظك نصيبك من الدكاتره والدكتورات بالحكومي أرجوا أني اكون أفدتك

نعم ،،،،،،،،،،،،،،،، هذا اللي سمعنا عنه ،،،،،،،،،،،، بس ما قد شفت احد مجرب كذا ،،،،، يعني المسألة : يقولون

[ثامر الناصر]

اقتباس: بس ما قد شفت احد مجرب كذا ،،،،، يعني المسألة : يقولون

لا الكلام صحيح .. انا خويي قبل اسبوعين والده زوجته ودفع الف ريال عشان تولد زوجته امرأة وليس رجل

ودمتم

[فارس الميدان]

اقتباس: مشكور .. انا اللي سمعته وهو حاصل بالفعل .. انه اذا اردت ان تولد زوجتك او امك او اختك (_ دكتورة ) وليس دكتور .. ماعليك الا ان تدفع 1000 ريال لكي تحصل على ماتريد .. والا من سيولد حرمك هو ( دكتور ) بالاصل ودمتم

لا حبيبي سلطانكو مو كذا ..

مستشفى الولاده مقسم الاطباء كل استشاري معه مجموعه من الاطباء ويعترون قروب واحد

1000 ريال هذي تدفعها عن طريق مركز الاعمال لاختيار اي دكتور او دكتوره استشاريه مع القروب حقها ..

مع الاسف ان مستشفى الولاده مأخوذ سمعه عن الدكتورتين ( ليلي وسحر ) انهم من افضل الطبيبات وهم مو ذاك الشي .. سمعه ع الفاضي

الالف ريال هذي اذا دفعتها وطلبت دكتوره .. الدكتوره تجي قبل الولاده وتجلس فوق الحرمه وتقولها .. اتحملي اتعوزي من الشيطان ومن هالكلام .. يعني تهديها وتهون عليها بالحكي لين تولد فقط لا غير ..

اذا حدث خطا بالمشيمه او نزيف او غيبوبه او لخبطه في دقات القلب فأنهم يستعينون بطبيب بدون شورك حرصا على سلامة المريض ..

يعني الالف هذي انا ما انصح فيها ابد ابد

وكثير تصدف حالات ولاده عن طريق دكتوره .. لان المستشفى غالبا يجعل الاطباء للحالات الخطره والقيصريه ..








فارس

[الافق]

أحسنت أخي فارس الميدان .. هذا هو الواقع .. وماكنت أنوي قوله..

اقتباس: المشاركة الاصلية بواسطة فارس الميدان مستشفى الولاده مقسم الاطباء كل استشاري معه مجموعه من الاطباء ويعترون قروب واحد 1000 ريال هذي تدفعها عن طريق مركز الاعمال لاختيار اي دكتور او دكتوره استشاريه مع القروب حقها .. مع الاسف ان مستشفى الولاده مأخوذ سمعه عن الدكتورتين ( ليلي وسحر ) انهم من افضل الطبيبات وهم مو ذاك الشي .. سمعه ع الفاضي الالف ريال هذي اذا دفعتها وطلبت دكتوره .. الدكتوره تجي قبل الولاده وتجلس فوق الحرمه وتقولها .. اتحملي اتعوزي من الشيطان ومن هالكلام .. يعني تهديها وتهون عليها بالحكي لين تولد فقط لا غير .. اذا حدث خطا بالمشيمه او نزيف او غيبوبه او لخبطه في دقات القلب فأنهم يستعينون بطبيب بدون شورك حرصا على سلامة المريض .. يعني الالف هذي انا ما انصح فيها ابد ابد وكثير تصدف حالات ولاده عن طريق دكتوره .. لان المستشفى غالبا يجعل الاطباء للحالات الخطره والقيصريه

..



لكم تحياتي ...

[منطقي]

نعم صحيح الكلام وكان لزميلي تجربه وكنت معه حيث ذهب قبل ولادة زوجته لمركز الأعمال واول مادخلنا وسألنا عن الرسوم وطريقة فتح ملف اتضح ان الموجودين لايعلمون أي شئ عن فتح الملف والرسوم واعطونا رقم مدير المركز!!
اتصلنا بالمدير واعطانا رقم الدكتوره للتنسيق معها ويبدو لي أن قيمة العمليه تذهب بينهم!!!
ودفع قيمة العمليه 1000 ريال وقال له مدير القسم ادخلها واتصل على الدكتوره عند الولاده, وعند الولاده اتصل زميلي على الدكتوره وقالت انا بالطريق وبعد مضي نصف ساعه لم تأتي وعذرها ان الاستشاري يقول يجب عمل عمليه ولا يتطلب حضورك وتقول ان الاستشاري أمره نافذ !!
وعملت العمليه في غرفة العمليات العاديه وبعد الولاده أخذ يطالبهم بقيمة مادفعه وبعد شهر من المماطلات إسترجع مادفعه!!!

وسمعت فيما بعد ان الدكتوره تأخذ 600 ريال والـ 400 لانعلم تذهب لمين!!!
واحسبو كم عمليه تجري في هذا القسم الخاص برجال الاعمال!!

[العندليب]

اقتباس: دكتور .. ماعليك الا ان تدفع 1000 ريال لكي تحصل على ماتريد .. والا من سيولد حرمك هو ( دكتور ) بالاصل

أفاااااا قضن الحريم !!!

[(الراسي)111]

الصورة وضحت وشكراً للتفاعل مع الموضوع
ومن عنده إيضاح اكثر لا يبخل علينا
مشكورين

[هادي الطبع]

انا ارى ان يكون فيها دفع ليه لان المريضه تحصل على راحه تامه بعد الولاده وهذا الشي الكل يسعا له مشكورين اخواني عالردود ودمتم تقبلوا مروري

[أبو حكيم]

كما تفضل الأخوة .... أن الدكتورة سحر والدكتورة ليلى بمجرد طلبك لأحدهن لابد لك من دفع المبلغ المذكور .......

ويبقى على مستشفى الولادة التوضيح بهذا الشأن ..... وهل هذا العمل قانوني ؟