تهجير الكفاءات العملية بتعليم البنات بالقصيم

[الصقهاء]

تدرون وش يميز هالمنتدى؟؟؟ ان كل اللي فيه لهم مصالح شخصية بادارة التعليم وغالبا تكون طلب منصب او تسهيلات ما تمت او منعت على غفله. واكيد اكيد فيه اعتقاد ان شخص ما من المذكورين اعلاه هو السبب... عيدكم مبارك

[نقد التعليم]

[align=center]

اقتباس:  المشاركة الأصلية كتبت بواسطة الصقهاء     تدرون وش يميز هالمنتدى؟؟؟ ان كل اللي فيه لهم مصالح شخصية بادارة التعليم وغالبا تكون طلب منصب او تسهيلات ما تمت او منعت على غفله. واكيد اكيد فيه اعتقاد ان شخص ما من المذكورين اعلاه هو السبب... عيدكم مبارك

مهوب على كل حال يصير هالكلام !

احياناً يكون حصل للكاتب ( مظلمة عظيمة ) ممن استغل صلاحياته وظن انه بلغ الأرض وخرق الجبال طولاً فيضطر للتنفيس عما اصابه في أروقة المنتديات !!

إذا صار خصمك القاضي من تقاضي !!!

طبعاً وحدة المتابعة فيها ( عبث ) و ( لعب ) غير عادي لدرجة إنها فاحت ريحتهم !!

ووصلت بهم إلى انهم يتعدون على صلاحيات الإشراف والأقسام المختصة ويبزعون بقرارات لايمكن أن تتخذ إلا بعد الرجوع لأصحاب الشأن !!
بل تعدوا لأكثر من ذلك .. لدرجة وصلت بهم إلى انهم يناقضون التعاميم الصادرة من قسمهم .. !!

وربما اللي خلاهم يوصلون لهالمرحلة المتقدمة من ( التفرد ) هو ارتباطهم مباشرة بسعادة المدير حيث لاحسيب ولارقيب ولامستدرك على قرارتهم !
وبالتالي كثرت وتنامت الثغرات في قرارات وحدة المتابعة .. وبعض قراراتهم - تضرب بالمصلحة التعليمية عرض الحائط - !

وانا اطالب من هالمكان إن القضايا - قبل البت فيها - تحول لــ لجان استشارية تدرس ماتوصلت اليه وحدة المتابعة من مرئيات وقرارات قبل توقيع المدير عليها !
لانه - على بلاطة - بعض الحقائق تــُقلب على المدير من قبل وحدة المتابعة ووقفت على شئ من ذلك بنفسي !

وبرضه انا مثل اللي سبقوني لدي مستند خطير يدين وحدة المتابعة بعدة قضايا تم اللعب فيها بدرجة غبية ومكشوفة ومخالفة للأنظمة !

وشرايكم يصير الوعد ( ديوان المظالم ) <<< ولنا في منوة الزمام خير قدوة !!
عاد وش نسوي بهم اذا خلوني أنا وغيري نمسك عليهم مماسك خطيرة بقراراتهم المزاجية الخربوطية !!

ماقلت لكم من قبل إنهم ( فاصلين الطبلون ) خاصة الحريمات اللي يدربن دمايجهن في القسم وهن مايدرن مع وين هي مفتركة !!
الظاهر يحسبنها سواليف !!

وقسمن بالله إني ناقشت قرار لهم بأحد المنتديات التعليمية ( من قبل محققين ومحققات يعملون بوحدة المتابعة ) وصارت مهزلة ..
والكل عجز يصدق كيف يوصل الجهل بهم لهالدرجة .. !!
بالله قد شفتوا احد يناقض قرارته الصادرة من قسمه ؟!!
بالله قد شفتوا أحد مايفرق بين ( الطرف ) و ( الشاهد ) في القضية ؟!!
بالله قد شفتوا قضيتين ( متماثلتين ) في االحيثيات ( مختلفتين ) في النتائج والقرارات ؟!
والله هذا مافعلته وحدة المتابعة بكل صلف وعنجهية ودباشة << شايفيننا هنود !

والناس معاد هي مثل أول تسكت ولاتدري وش الانظمة ..
بضغطة زر وإلى النظام قايل كلمته !!

عموماً الشكاوى كثرت على هالقسم .. والكل صار يدور عليهم الزلة بما كسبت ايديهم !!


ومن العايدين للجميع


[/align]