-
طيب ليش الانتقاد وليش الحكم من اول شي 
ليش ما نلتفت للايجابيات له
عمل متعوب عليه للغايه وبتكفله عاليه
يكفي انه مترجم لعدة لغات
يعني تاريخنا وسيرة رسولنا يتابعه الغرب
يعني عمر الكل راح يعرفه صح
وراح يكون رد لكلام الشيعه وغيرهم عنه
يكفي الغرب يتكلمون عن تاريخنا ويمثلونه وحنا نتفرج
حنا مفروض نحكي تاريخنا ونمثله صح وعلى ما نبي
مب زي صلاح الدين للاسف سبقونا له
والشخصيات مختاره بعنايه واولها شخصية عمر - رضي الله عنه -
محد يقدر يجيب شبيه لسيدنا عمر ومن المستحيل هالشي
بس هم قاعدين يمثلون وجابوا شخصيه قويه وصلبه وصوت ضخم
عندكم عبدالله بن مسعود - رضي الله عنه - مره مختارين شخصيته صح
كان نحيف وعوده رقيق وكان ابو جهل يتطنز عليه وهذا اللي حاصل
من وجهة نظري مسلسل جداً رائع وجداً ناجح
متابعينه بشغف ونشفق على حالنا وكيف مقصرين بحق الاسلام
جايدين بالقيل والقال والبحث عن السلبيات اسلام كلام بس
شفنا كيف كانوا متمسكين بدينهم وكيف كان ايمانهم قوي
كيف كانوا يعذبون ويضطهدون وهم صابرين
عن نفسي استفدت اشياء كثيره
تحمست ابحث بالسيره وعرفت كثييير اشياء كنت اجهله
عرفت اسماء الصحابه وقرابتهم من بعضهم
عرفت اوائل من اسلم وكيف كان اسلامهم
خلوكم من الانتقاد
بدال ما يشوفون عيالكم خرابيط مخربطه
خلوهم يشوفون السيره والمرجله
بدال المخدرات والاغتصاب والازياء والوقاحه وغيره وغيره
اشياء تقرف الواحد وتتكرر ومامن رادع لهم !
ليت كان رايي هذا من البدايه
العرض الشجري