ردة فعـل تأتـي علـى ردة الغيـر
أخذت أنـا بالضبـط دور المرايـا
لازم أجامـل رغـم الآلام وأصيـر
أكبر من أكبـر كافـرات الرزايـا
و أتظاهر أني كل الأيام فـي خيـر
رغـم الهمـوم الفاجـرات البغايـا
وأجمّع فـصدري صغار العصافير
وأحكي لهـا قصـة مماتـي معايـا
يمكن أكون اليـوم رجـال واكبيـر
لكن بقـى لـي بـالطفولـه بقايـا
أنا حكاية من أنـا طفـل واصغيـر
وفـشجون موتي باقيـات الحكايـا
لاني ولد تاجر ولانيـب أنـا اميـر
أنـا الـذي تعّـبـت ذولا ورايــا
أحب وأكره وأعشق الطهر وأغّيـر
وأن خربت أخلاقي أسـوي سوايـا
أعيـش هـالدنيـا بليـا معايـيـر
وأعلـم الضحكـه حزيـن أخويايـا
وأبذّر أيامي علـى النـاس تبذيـر
وأترك لهم بعـدي صفاتـي هدايـا
لا جيت. جيت أمطار خير و تباشير
وأن غبت .. كني غايبٍ فـالمنايـا
فيني مزايا عدها البعـض تقصيـر
وفينـي عيوب ٍكلهـا لـي مزايـا
العرض الشجري