ليه..هالنظره بعيونك تمتلي قسوه وغرور
....................ليه اشوفك رغم صدقك يلبس احساسك!! كذب
:
:
ليه اواجه في سكونك عاصفة جرح ٍيثور
....................ليه الاقي في رمادك نار .. عطشانه !! حطب
:
:
ليه القى في غيابك داخل اجفاني حضور
....................وليه ادني منك ولقى موعد الفرقا !!قرب
:
:
هاجسي لاوين ترحل وانت حولك الف سور
....................ياضميري لـ مين تشكي وكل من حولك!! هرب
:
:
لو حضوري في عيونك .. ما يمثل أي دور
....................وش يضيره .. قلب مثلك لو افارق!! وانسحب
:
:
صاحبي والوصل يسكن في .. خلايا هالشعور
....................والشعور اللي سكني ..عمر جـده .. !!ماكذب
:
:
من يبي الفرقا يـبـيّـن من عيونه وش يدور
....................ومايهمه للمــوادع لو يـدور أي !! سبب
:
:
صاحبي والليل (ماطر) والفجر (مرزاب) نور
....................من سمـعـتـك وانت مقبل( أنهمر) كلي !!طرب
:
:
من كتبتك جوّه صدري والحنايا لك سطور
....................ومن حضنتك في عيوني وانت أقرب من !!هدب
:
:
من ثواني الصبر عشتك يالغلا كنك شهور
....................لين عـداني زماني والعنا فيني !!أنتسب
:
:
لاتمنيني وتبعد مالي في موعدك شور
....................لا تواعدني وتخلف دام لي قلب ٍ !!يحب
:
:
لاتعاتبني وتقسى يكفي مـ الايام جور
....................يكفي لي قلب ٍ ( أسيف ٍ) صار ما يقوى!!العتب
:
:
ولا تناظرني بعين ٍ كلها قسوه وغرور
....................خايف ٍ من يوم أقسى وأقدر أرفض لك طلب !!
العرض الشجري