ياحول .. ياللي ماله عشيق ..!!

[الذاهبة]

اقتباس:  المشاركة الأصلية كتبت بواسطة عبدالله الحلوه     الذاهبة هناك مثل شائع ينص على : اللي ايده بالماء غير اللي ايده بالنار ومثل آخر يقول : النار ماتحرق إلا رجل واطيها ووووووو ... الخ الحب لعبه بيد البعض وموضه يرتديها البعض الآخر وحقيقة مره يعيشها بعض آخر وشئ ليس ذا قيمة عند مثلك يحق لك الحديث عن العموم بسبب انتشار الصنف الأول والثاني وندرة الرابع وغياب الثالث عن الواجهه او بالأصح اختفائه خلف الصنفين الأول والثاني وضياعه بينهما لكن الحقيقة التي لايمكن تجاهلها ان الحب سيضل محل خلاف واختلاف وموضوع يحرض على الحوار والجدال وحتى الهواش تحياتي

حياك استاذ عبد الله الحلوة

عفوا لا نناقش الحب ..

نناقش : ( حالات المهزلة الحاصلة في كل مكان ..

تحت اسم الحب )



طالبات متوسطة .. ما تتجاوز اعمارهن 16 سنة ..

ويرددن اغاني حزينة .. و يكتبن أشعار تبث هموهن ..


مو بدري على الحب ؟!

[عبد الله الفقير]

ع السريع ..!

الذاهبة حتى فيه بنات يدقون , مرة دق جوالي الفجر الساعه 5

قلت الفجر من المجنون الي داق أن كانه أحد من خوياي بطلقه

دق و سكرها مرة ثانية , دقيت قلت ألو لقيت أغنية تصدح

قلت يا هوه موب رايق لك , شوي و صوت بنت يدندن جوال

محمد ...!!

قلت لا موب محمد .!!

و بعدها خوذي مسجات ..!

شي طبيعي و يحدث كثير هالوقت بس الي مدري ليه ما يغيرونه

الي هو جوال محمد جوال خالد و صلنا القمر و تطورنا و الأسماء

هي هي .. قولوا جوال رامي طيب و لا رازن و لا كاظم

[لمبة شارع]

اقتباس: يعطيك العافية على الموظوع

رويل المميز..الله يجعلك في الجنة...

تكفى ..وتر تكفى تهز الرجال ...شف السولافة اللي خاطمة فوق الضاد شلها يا أخيي ...موديلها مايمشي مع كلمة _الموضوع_ !!

ايو الله يا اخيي... وترى عادي اول ماجيت هنا ما اعرف افرق بين الضاد والظاء...إلين علموني الاعضاء اللي هنا...وصارت العين تنجرح اذا شافت زخارف حنيش الله يمسيه بالخير...فـ ولا عليك امر خفف سالفتها شوي خلها كذا ضـ ...

اقتباس: لمبة شارع بعدالسلام والتحية عساك بخيروصحة لكن وين قلبك راح ولاعلشان قلت كلمتين صارمالك قلب تصدق قلت عشركلمات يعني مالي وجود!!!!!!

انسان ثاني الغالي...

اول مرة بحياتي ما افهمك...

لكن تخبر...لا زم ندندش الصورة والتوقيع والغرام والهيام والرقة .. ونحط لنا كم قلب احمر وكم رسمة من حقات مجلات الشعر الشعبي ...
وما يمنع صورتي وانا افكر بعمق واحاط يدي اسفل ذقني (يعني من زود الرفس) ....كل هذا عشان اصير رومانسي ويصير لي قلب ...

طبعا هذا رد على تعليقك مش مشاركة في موضوع الذاهبة اعلاه..لأنها هي الست الريسة وماسمحت لي بالتداخل حتى تاريخه...

عاد يمكن هي تبي تجمع الرفِّيسة والحبِّيبة وماتنبينا حنا يالشيبان اللي قلوبهم خشب...

خشب خشب خشب..

يارمز باقي للخشب...

خشب خشب يا رفس رافس للابد......

وسيروا على رفس...يا قلوب الرفس.....


نادوا بالغرام بين الخشب ...

.الرافس الهايم ...خشب....

قلبه معه نايم ...خشب...


في السر والظاهر ..خشب...

[انسان ثاني]

[align=center]

اقتباس:  المشاركة الأصلية كتبت بواسطة لمبة شارع     رويل المميز..الله يجعلك في الجنة... تكفى ..وتر تكفى تهز الرجال ...شف السولافة اللي خاطمة فوق الضاد شلها يا أخيي ...موديلها مايمشي مع كلمة _الموضوع_ !! ايو الله يا اخيي... وترى عادي اول ماجيت هنا ما اعرف افرق بين الضاد والظاء...إلين علموني الاعضاء اللي هنا...وصارت العين تنجرح اذا شافت زخارف حنيش الله يمسيه بالخير...فـ ولا عليك امر خفف سالفتها شوي خلها كذا ضـ ... انسان ثاني الغالي... اول مرة بحياتي ما افهمك... لكن تخبر...لا زم ندندش الصورة والتوقيع والغرام والهيام والرقة .. ونحط لنا كم قلب احمر وكم رسمة من حقات مجلات الشعر الشعبي ... وما يمنع صورتي وانا افكر بعمق واحاط يدي اسفل ذقني (يعني من زود الرفس) ....كل هذا عشان اصير رومانسي ويصير لي قلب ... طبعا هذا رد على تعليقك مش مشاركة في موضوع الذاهبة اعلاه..لأنها هي الست الريسة وماسمحت لي بالتداخل حتى تاريخه... عاد يمكن هي تبي تجمع الرفِّيسة والحبِّيبة وماتنبينا حنا يالشيبان اللي قلوبهم خشب... خشب خشب خشب.. يارمز باقي للخشب... خشب خشب يا رفس رافس للابد...... وسيروا على رفس...يا قلوب الرفس..... نادوا بالغرام بين الخشب ... .الرافس الهايم ...خشب.... قلبه معه نايم ...خشب... في السر والظاهر ..خشب...

الاخ الغالي :لمبة شارع


ماشاءالله عليك ياالمتميز ردك الرائع يوضح فهمك المتمكن أقول قلبك موجود الله لايحرمنا منك

أقول تكلمنا العشرات من الكلمات عن المرأة لكن قلوبنا موجودة

تكلم ولا تتوقف لاأني اراك تقول لااريد الكلام

اقول تكلم فلقد تكلمنا قبلك يالعشرات من الكلمات ولم نتوقف

يسعدنا تعليقك واجابتك ولهذا اشرت الى المعنى في الأعلى

دام حرفك


الخ الغالي :رويل المميز يعطيك العافية نداء لمبة هل من مجيب !!!!![/align]

[عيون الصقر]

اتصور مضمون ماطرحتي يالذاهبة يتعلق بامرين

الأمر الاول:

حالة الترف التي لها دور رئيس بالامر فاذا ساد جزء البطن في الجسد اثرت التخمة على القلب والعقل وتميز الفرد بشخصية شمبانزية مشاغبة ملولة لاتقرعلى غصن اوجدار بل تميل للتغيير بكثرة القفز وابراز مواهب العصعص لكنها عندما تجوع تنسى غريزتها كاملة ويطغى الاهتمام الاصلي واتذكر قول الشاعر من مثل " لاصرت بالصمان والقيض حاديك " وقول الشاعر المستاجع:
يا اهل الهوى وشلون ملتك هواكم
بالله عليكم .. كيف جاكم وجيتوه ؟
والله لويبطي عليكم .. عشاكـــــم
ويمركم غض النهد ماعرفتــــــوه

الأمر الثاني:

هو الامتداد الفحولي ان صح التعبير فهم سلالة فحول لهم صولات وجولات في هذا المجال سوى في طق البشت بقصور الافراح واستقبال التهاني او في ردهات الفنادق العالمية او في ازدهار تجارة المنشطات الجنسية ومن نرى هم الآن يعتبرون تحت التدريب وامر فحولتهم ليس وليد اليوم بل جين موروث كابر عن كابر وليس للهيئة والوسامة دور لكن الشبع مايبرز تلك المواهب بالحاح لذا كان بعضهم في قديم الزمان "والعهدة على ابوسامي" لايعرف تلك الامور الا عندما يغترف من وجبة المدودة البقرية مايسد به رمقه لتعتريه بعض المشاعر الفياضه التي يواجهها بجوع الغد حتى يكتب له النصيب ببنية شهباء على سنة الله ورسوله.

ورحم الله محمد القاضي الذي تمنى ان يأخذ راس واحد اسمه حموم وكبد واحد اسمه عكوم عندما واجهه امر لايستسيغه وليس له به طاقة

لو باتمنى ، قلت ابي راس " حمّوم "
بالليل والا بالنهار ابي راسي
ولو بالتمني قلت ابي كبـد " عكّوم "
اللي تصرّف كل ليّن وقاسي

[الـمـهـاجـر]

أهلا بك أختي الذاهبة ....


لا يمكن لــذي عاطفة أن ينكر وجود الحب .. تكمن المشكلة أننا ننسب أشياء كثيرة إليه مع أنها ليست منه فالنزوة العابرة و الشهوة الحيوانية و المرض النفسي وووو كلها يسميها أصحابها حبا .
و أتفق تماما مع قول أخي عبد الله ... كثيرون ممن يتصفون بما ذكرتِ سيرددون معك كلامك و يؤيدونك !!!

[لمبة شارع]

اقتباس: يا اهل الهوى وشلون ملتك هواكم بالله عليكم .. كيف جاكم وجيتوه ؟ والله لويبطي عليكم .. عشاكـــــم ويمركم غض النهد ماعرفتــــــوه

أنا اشهد........

[ابوقش]

كلمات جميله : الذاهبه ..

اسلوب وطرح جميل جدا نتمنى المزيد من الاسلوب

يالذاهبه تميز ليس بغريب منكي وبالتوفيق ..

[الذاهبة]

استاذ راشد

يعز علينا نبقى كذا بدون شي نفخر فيه

خلنا نفتخر إننا شعب الله الحبوب



استاذ صدى صوتها

أعرف ان الحب فطرة .. و الحب طاهر نقي

بس حنا اللي خربناه و استهلكناه

حب اللي تبي بس احتفظ بمحبوبك



استاذ انسان ثاني

ادري بيزعلون بعض الشعراء

خصوصاً الهايمين منهم ..

طيب شرايك بالشاعرات و اللي تكتب ابيات غزل و قلة حيا و تنشر ؟!



أهلا بك طيفة نديمي

أشكرك اختي على الكلام اللطيف الله يسعدك و يعز قدرك

و يشرفني جداً قراءتك و متابعتك لي



استاذ عبد الله الفقير

كأني اقرا تريقة في كلامك .. ياسيدي لست ضد الحب

العفيف الصادق الطاهر

مو حب ابو ريالين !!



استاذ لمبة شارع

ليه شعرتك حمراء ؟ أكيد تحني راسك .. لاتحنيه و انت شايب

و ترى منت بحل لين تجي و تقط في ذا


استاذ عزف الحقيقة ..

و ماهي اسباب الحقيقة ؟؟ أنت خير العازفين لها

ننتظرك



ياهلا بالملتاعة ..

أشكر حضورتك و ردك الجميل بارك الله فيك

عطينا رأيك بأه


استاذ رويال المميز

حياك الله و بياك

طيب شرايك بالموظوع ؟ أنت مع أو ظد

أو بين و بين ؟



استاذ عبد الله الثلاثون

حياك الله وين الغيبات

نعم صدقت كلنا بننقد انفسنا .. مو قال لكم بريداوي 9 حنا الملائكة

تمشي على الأرض ؟!




استاذ عبد الله الحلوة

راسي صدع من ردك يبدو انه معادلة رياضية

بروح أشرب شاهي و أجي هواااااااا

إن شاء الله

[مشعل السلمان]

الذاهـبه



كلامك جميل ورائع وخصوصاً عن كثرة من يتغنى بالحب ليل نهار !!


ولكن هذا مايمنع نقول فيه ناس تحب وإن بعض الناس اخذو الحب بطريقه خاطئه وحبو بطرق غير شرعيه 0

اقتباس: في المنتديات .. بكل ثقة .. يعرض صورته ، و يكتب تحتها بيتين غرام .. يا أخي الكريم .. ماعمر أحد قالك تراك شين ؟! أو تصدق كلام اميمتك إذا قالت : أنت أحلى واحد بالجماعة ..؟! يعني لو وسيم شوي .. مايخالف مايضر .. ولو أنه بيعاني من مسخرة الغيورين .. بس شين و يسوي زحمة كذا .. ليه ياربي !؟

اختي مااعتقد ان كل شاعر وضع صورته بالمنتدى من اجل شيء معين لم نضع صورنا من اجل تأتي ( حضرتك ) وتقول رأيها فينا كشعراء ماوضعنا الصور من اجل ان نقيم هل نحن وسيمين ام لا ؟

وضعنا صورنا من اجل حفظ حقوقنا الأدبيه فقط لاأكثر 0

ومن اجل ان يعرف متابعون اشعارنا من نحن0 والكثير من الشعراء نجدهم في المنتديات يكتبون بأسماء مستعاره ويتواجدون على الشاشات الفضيه ،، وبوضعهم لصورهم يعرفون من قبل متابعيهم .


لااعتقد ان انسان سوي وضع صورته وعرف من هو سيبحث من خلال شكله على ماتتوقيعن او ماذهب إليه عقلك الصغير !!


لماذا لاتفكرين بطريقة الكبار ،، لااعلم ربما فاتك قطار العمر !!


في النهايه اشاهد الموضوع اخذ منحنى آخر فهذه تقول ( دق علي واحد يقول كلام حب ) >> طيب يمكن بنقالي غلطان


وهذا يقول ( دقت علي وحده ) >> طيب يمكن شغاله غلطانه


على فكره اختي الذاهبه انتي مختاره يوزرك الذاهبه بناءً على ايش نقول على اسم اغنيه ( مايصلح الشخص يناقض نفسه ) 0


شكراً لك

[الذاهبة]

حياك استاذ ابو قش

تشرفنا بتواجدك


استاذ سلطان الشوق

هنا ردك .. حبه حبه

اقتباس: الذاهـبه كلامك جميل ورائع وخصوصاً عن كثرة من يتغنى بالحب ليل نهار !!

نعم هذا ما قصدناه في النقاش ..

عمال على بطال ..

اقتباس: ولكن هذا مايمنع نقول فيه ناس تحب وإن بعض الناس اخذو الحب بطريقه خاطئه وحبو بطرق غير شرعيه

صح عليك

فيه كثير يحبون .. و مخلصين و طاهرين

ولا عمرهم جربوا الطرق السخيفة الرخيصة

بل يخافون على المحبوب .. مايذكرونه عند احد ..

وهذا يدل على اخلاصهم و حبهم الصادق و احترامهم

اقتباس: اختي مااعتقد ان كل شاعر

ما جبنا طاري الشاعر اللي حاط صورته ابدا ..

وترى لما أقول : الكل اصبح شاعر ..

ما أقصد فيه الشعراء ذوي المواهب و المبدعين ..

أنا أقصد .. حتى المبزرة صاروا شعار ..

حتى اللي مايفهم بالوزن و القافية صار شاعر ..

الكل شاعر .. و يحب الشعر .. و يتلذذ بالشعر .. ليه ؟!

عشان يقدر يعبر عن حبه ..

و لان القصائد كانت أجمل طريقة للتعبير عن الاحاسيس ..

فهمت أخي ؟ !

اقتباس: وضع صورته بالمنتدى من اجل شيء معين لم نضع صورنا من اجل تأتي ( حضرتك ) وتقول رأيها فينا كشعراء ماوضعنا الصور من اجل ان نقيم هل نحن وسيمين ام لا ؟

عفواً ما أقدر أقيمكم او أقول رأيي فيكم كـ شعراء ..

لاني ما أفهم بالشعر و لا أقرضه ولا أحبه ..

أما بالنسبة للوسامة ..

فبصراحة إذا مرت علي صورة بايخة .. اقول حسبي الله على أهله ورى ما ينصحونه !!

اقتباس: وضعنا صورنا من اجل حفظ حقوقنا الأدبيه فقط لاأكثر 0

بالتوفيق ان شاء الله ..

من حقكم ..

اقتباس: ومن اجل ان يعرف متابعون اشعارنا من نحن0 والكثير من الشعراء نجدهم في المنتديات يكتبون بأسماء مستعاره ويتواجدون على الشاشات الفضيه ،، وبوضعهم لصورهم يعرفون من قبل متابعيهم .

نعم نعم أقدر ذلك

اقتباس: لااعتقد ان انسان سوي وضع صورته وعرف من هو سيبحث من خلال شكله على ماتتوقيعن او ماذهب إليه عقلك الصغير !!

وإلام ذهب عقلي الصغير ؟!

مممممممممم ؟!

اقتباس: لماذا لاتفكرين بطريقة الكبار ،، لااعلم ربما فاتك قطار العمر !!

؟!

أيش الهرجة !

اقتباس: في النهايه اشاهد الموضوع اخذ منحنى آخر فهذه تقول ( دق علي واحد يقول كلام حب ) >> طيب يمكن بنقالي غلطان وهذا يقول ( دقت علي وحده ) >> طيب يمكن شغاله غلطانه

يمكن ؟!

اقتباس: على فكره اختي الذاهبه انتي مختاره يوزرك الذاهبه بناءً على ايش نقول على اسم اغنيه ( مايصلح الشخص يناقض نفسه ) 0

اعجابا بقصيدة الشاعر ناصر القحطاني ..

في حياة زوجته الذاهبة ..

ياهي قصيدة بعد !!

اقتباس: شكراً لك

حياك الله

[فور يو]

عقول فارغه كاذبه

من نظره وحده بالحاره

اظناها السهر وذرف دمعه تافهه

عقول فارغه تكذب و الأخرى تسمع وتقول صادقه ..!

بلا حب بلا بطيخ كل ما يحدث مسرحيه ابطالها ( عقول فارغه ) .

شكرا الذاهبه على هذا الموضوع .

[اسمر ومملوح]

القديره الذاهبه ..


طرح رائع ..



فعلاً في هذا الوقت اصبحت كلمة احبك كلمه عاديه .. والكل يتحدث بها ... واستغلت من قبل البعض لأغراض قذره جداً ..

تحيه وتقدير لــ شخصك الكريم

[شقرديه]

الذاهبه هذي وقفه مهيب رد

لي عودة لهالموضوع الجميل اللذيذ

لكن بذكرك ان اكثر اللي يخطون عبارات الحب مبزرة ما تعدى اعمارهم 16 سنة على الاكثر يكتبو ن كلام ما يعون معانية الا بعد دهر

لذلك يسهل عليهم ترديد هالاشعار والعبارات

ما تشوفينهم عند النخيل يفتحون مسجل اغاني ويرفعون له لآخر شيء وهو كله حبحبه ومشاعر غرام ،،، وهو يكركر وشوشته طايرة وعيونة متنحة تشكين انه صاحي وبعقله ،،،

لي عودة ان شاء الله

[عبدالعزيز عبيد العدواني]

يا سلطان الشوق لا تشره عليها دام جميع الحقوق مسلوبه وش تسوي لازم تحط حرتها بشي



وبعدين يالذاهبه كل شاعر بهذا المكان أو في غير هذا المكان يحط له توقيع وصورته بشكلها التلقائي جدا ماهو عشان تشوفينها انتي واشكالك


لا يا الذاهبه كما تفضل اخوي الشاعر سلطان الشوق عشان حقوقه الأدبيه عشان ما يكون مثلك مسلوبه حقوقه ويسوي مثل اللي سويتي وبعدين



الصوره اللي يحطها الشاعر ماهو متسلفها هذي صورته بزينها بشينها هذا هو لأنه يمتلك شئ أكبر مما تفكرين به وأهم مما تنظرين إليه


في جعبته شئ يريد أن يتناوله الآخرين من هذا الشخص بإسمه وصورته وكل شئ يتعلق فيه


أيضا نحن كشعراء ربما نصور حدث ما يجول بخواطرنا وليس بدليل على أنه قد حدث لنا ولكن بصوره شعريه جميله نصور هذا الحدث


ونتقيد بأذواق الآخرين ولانكتب ما يتعارض مع الحياء والذوق العام


وشرايك نقفل خيمة الشعر احسن


يالذاهبه حنا رجال ونتعامل مع رجال واللي مثلك ما نلتفت له ولا يهمنا بشي


والشرهه ما هي عليك ونقص علي اني احط راسي براسك


الشرهه على الرجال اللي تطبل لك


والظاهر كل هالسوالف عشان تقولين جاني اتصال بالوقت الفلاني طيب درينا وبعدين والمشكله كانه على ماقال اخوي سلطان الشوق


بنقالي ماهو يم سالفه وسويتي زحمه والشارع فاضي


الله يعين على بعض العقول