قديمك نديمك<<لو الجديد أغناك>> دعوة للنقاش

[منصورعبدالله]

المشكلة ليست في التقاليد ...
انما بعضها لايستحق العودة اليها...
ولابد من التطوير...وهذا هو الغالب....

اما بعض الاشياء القديمة تكون وسع الصدر فيها...للتسلية فقط..




شكرا لموضوعك المميز يامميزة....

[بنت البدائع]

اقتباس:  المشاركة الأصلية كتبت بواسطة فيصل...........     بنت البدائع القديم له طابع خاص عند كثيرا من الناس فعندما ينتقل شخص من منزل الى منزل اخر حديث وبعد فتره مثل يمر به الطريق علي بيته القدين تحث له حالة انشراح في صدره لانه تذكر الماضي وربطة بالحاضر. وقديمراو يسبح به خيال لاشياء كان قد نسيها من قبل

أخوي فيصل ....
سبقتني بكلامك عن (البيت القديم والجديد)
معليش تحملوني لكثرة ضرب الأمثله من واقعي.

بخصوص البيت القديم والجديد<<< وياقلب لاتحزن

عشنا في بيت قديم قرابة10سنوات
لعبنا وضحكنا ودرسنا وذكريااااااات حلوة لاتنسى
لكنـ ماهو مؤسف؟
البيت قديم قديم قديم ولاتطاق العيشه فيه (لكن الظروف تُجبر)
الأهل أنواع التضجر والصخب من أثاث وأركان البيت
كل كلامنا
-متى نغيّر البيت
-وه ملينا من القرف
-الناس في تطور وحنا لا
-جتنا حاله نفسيه من كرهنا للبيت
-مافيه قريب لنا إلا عرف معاناتنا مع البيت القديم
-البعض يتمهزأ يقول <أبوكم مدرس وساكنين بهذا البيت

وأشياء اخرى لاتصدق
بالنهايه؟؟؟
أنفرجت من رب العالمين بفله راقيه كبيره فخمه وأثاث منظم وحلو

لــكــن؟؟؟؟
الحنين للماضي لعب فينا دوره
اللي يقول أنا من سكنتنا بهذا البيت مانب طبيعي ومتضايق
واللي يقول بيت يكتم ويضيق الصدر
واللي يقول مايمدينا نرجع للبيت القديم
-واللي يقول أحس أني ألى الآن ماأستقريت بمكاني

قسماً حاله ماتتصورونه

عندي خاطره من أحد أخواتي بخصوص البيت القديم راح أنزله لكم هنا

<<شكلكم بتقولون هذولاء عيال خالد الفيصل على هالشعر والقصايد

[إنسانة غير]

أختي بنت البدائع

أعتقد موضوع التمسك بالأشياء القديمة موجود عند بعض كبار السن
تقريبا...
بالرغم من وجود هذه العادة عند القلة القليلة من الناس ممن هم قد
يعانون من حبهم للروتين وتمسكهم بالنمطية

ولكن الغالبية العظمى نفسه تتوق لكل ماهو جديد

تحيتي لك
إنسانة غيــــــــــــــــر

[بنت البدائع]

اقتباس:  المشاركة الأصلية كتبت بواسطة منصورعبدالله     المشكلة ليست في التقاليد ... انما بعضها لايستحق العودة اليها... ولابد من التطوير...وهذا هو الغالب.... اقتباس: اما بعض الاشياء القديمة تكون وسع الصدر فيها...للتسلية فقط.. شكرا لموضوعك المميز يامميزة....

هلاا أخوي منصور عبدالله
نعم أوافقك الرأي بما ذكرت
اما بعض الاشياء القديمة تكون وسع الصدر فيها...للتسلية فقط..

هذا مصير سيارة أخوي القديمه اللي ذكرتها بأحد ردودي السابقه
أصبحت سيارته القديمه للتسليه وسعة الصدر والبر والكشتات

أخوي منصور شاكررره لك المرور

[بنت البدائع]

جبت لكم الخاطره اللي قالتها أختي بخصوص البيت القديم

عذرآ يابيت الصبرعذرآ
عذرآ يابيتنا فما عدت لنا
كم ليلةقضيناها سويا
بين أسطح أوغرف أو فناء
كم أنت رائع يابيت الكرامةوالإباء
قدتحملت منا الشتم والنكرا
قمنانسبك ونرمي عليك اللؤم
ولو أنك تنطق لطرتنا
عشرسنين مضت لم نرى منك تجاهلآ أوضجرآ
ودعناك يابيت الصبر ونحن نعتصر ألما
أتظن فرحتنا بالجديد تنسينا العشرا
عشرالسنين مرها والحلوا
ولوكان بيدي قبلتك حجرآ حجرآ
ولكني خشيت منهم الكلام واللؤما
ولوتكلموا عذرتهم في كلامهم لأنهم لم يعرفوا لك قدرآ
يابيتنا لاتخشى نسياناً أبدا
ستظل صورتك في ذهني ضمن الصورا

عذراً يابيت الصبر عذراً

[بنت البدائع]

اقتباس:  المشاركة الأصلية كتبت بواسطة إنسانة غير     أختي بنت البدائع أعتقد موضوع التمسك بالأشياء القديمة موجود عند بعض كبار السن تقريبا... بالرغم من وجود هذه العادة عند القلة القليلة من الناس ممن هم قد يعانون من حبهم للروتين وتمسكهم بالنمطية ولكن الغالبية العظمى نفسه تتوق لكل ماهو جديد تحيتي لك إنسانة غيــــــــــــــــر

هلاااااااابك أختي إنسانه غير

بالفعل كبار السن تعلقهم بالقديم بشكل ملحوظ
من ملابس وأواني وغيره من الأشياء الخاصه بهم

ياأنتي ذكرتيني بشايب أعرفه
لوتشوفين كيف عايش تبصمين 100% إنك عايشه زمان الأولين
كل شي قديم في قديم

أختي أنسانه غير أنا شاكرررره لك المرور

[[..عذآري..]]

يسعد مسائك بنت البدائع


من جهة نظري اني لااحن للقديم على اي حال


حتى يوم كنا نبي نرحل من بيتنا الاول كانت الوالده الله يخليه لعين تغليها

تقول اي شي بالمطبخ امانه ترمونه المشكله مانستخدمه اللحين بس مجرد زياده وزحمه وحوسه

بالمطبخ

اتوقع هذا شي بالنفس على مااظن 00

[&نجدية كووول&]

أتوقع الحريم الكبار نفس الطبائع يحبون القديم.....

إلا أمي أستغرب منها بعض الاوقات أنا اللي أرفض ترمي أشياء مو قديمه مره...

[اسم العضو]

بنت البدائع

الحنيين الى الماضي شي جميل له ذكريات لاتنسى

عبق الماضي له رائحة مميزه كرائحة بيتنا الطين أيام المطر ..

ورائحة الحناء ممزوجة بسدر



سلام...

[القرار الإداري]

ما اجمل ذكرياتنا السابقة .. وما أحلى مرها ...

[بنت البدائع]

اقتباس:  المشاركة الأصلية كتبت بواسطة [..عذآري..]     يسعد مسائك بنت البدائع من جهة نظري اني لااحن للقديم على اي حال حتى يوم كنا نبي نرحل من بيتنا الاول كانت الوالده الله يخليه لعين تغليها تقول اي شي بالمطبخ امانه ترمونه المشكله مانستخدمه اللحين بس مجرد زياده وزحمه وحوسه بالمطبخ اتوقع هذا شي بالنفس على مااظن 00

هلا بعذاري
اكيد هذا شي بالنفس
وإلا وش نقول غير كذا ..

نصيحتي:
خلي المواعين القديمه بدولاب خاص <<< ماتعرف تحن
من شان مايخربون الديكور

عذاري أنا شاكررره لك المرور

[§¤~^~¤§ شوكلاته مالحه§¤~^~¤§]

فيه اشياء مانستغني عنها مهما كانت قديمه بس على حسب الاشخاص ناس يحبون التغيير بكل شي بين فتره وفتره وفيه ناس مايحبون يغيرون باي شي وعلى قولة هامه حاجه نفسيه المكان او المقتنيات ترتبط بالذكرى مش في حب الانسان لاقتنائها

[بنت البدائع]

اقتباس:  المشاركة الأصلية كتبت بواسطة نجديه كوول     أتوقع الحريم الكبار نفس الطبائع يحبون القديم..... إلا أمي أستغرب منها بعض الاوقات أنا اللي أرفض ترمي أشياء مو قديمه مره...

هلاااااااا بأختي نجديه
بالفعل كبار السن هم من يفضلون القديم عن غيرة من الجديد
خصوصاً العجز إذا تمسكن بشي هنك أطلقيه من يده

نجديه أنا شاكررره لك المرور

[ღ أحلى غرام ღ]

أعتقد أن النفس البشريه تميل وبصوره أكبر لكل ماهو جديد ..

تعشق التجديد .. وتتناسى القديم كثيراً ..


قد يكون هناكـ من يهتم بكل ماهو قديم ..

ولكن .. أعتقد الغالبيه العظمى يفضلون الجديد عن غيره ..


أشكر لكي روعة الطرح .. بنت البدائع




كل الود

[بنت البدائع]

اقتباس:  المشاركة الأصلية كتبت بواسطة اسم العضو     بنت البدائع الحنيين الى الماضي شي جميل له ذكريات لاتنسى عبق الماضي له رائحة مميزه كرائحة بيتنا الطين أيام المطر .. ورائحة الحناء ممزوجة بسدر سلام...

سلاااااام أخوي اسم العضو
بالفعل الحنين للماضي رمز للأصاله ولالنا غنا عنه

ياسلام بيت طين ومطر<<< قمة الروعه فيما ذكرت من ذكريات
.. جيت البيوت اللي بوسطه تربيت ,,, بيت قديم مأسسينه من الطين..
.. بأطراف ذاك البيت بالفكر سجيت ,,, قمت أتذكر مامضالي من سنين..

أخوي أنا شاكرررره لك المرور