| بنيتي .. وبنياتكم |

[نـدى الـورد]

*

الحسنه في سالفة النوم

إن غرفة نومي مزوده بــ تي في ومشتركه ب الشو تايم

أجلس اقلب ب القنوات الواحده تلو الأخرى لين يهبط النوم وانام بلا إحتضان بنات افكار او اولاد

يختي وشلنا وشل الهم؟

,

[دِيم]

اقتباس:  المشاركة الأصلية كتبت بواسطة نـدى الـورد     * الحسنه في سالفة النوم إن غرفة نومي مزوده بــ تي في ومشتركه ب الشو تايم أجلس اقلب ب القنوات الواحده تلو الأخرى لين يهبط النوم وانام بلا إحتضان بنات افكار او اولاد يختي وشلنا وشل الهم؟ ,

يختي وشلي وشل التلفزيون ..؟

هو صحيح طريقة كويسة لمحدودية الفكر ..
لكن برضو يبقى حل مؤقت ..


ندو~ شرفتِ ..

[طقاقة بدون مايك]

بقولهآ وإن عقدتي آلحجآجآ :@
بقولهآ ثنتين مع أربع و خمس :@
آدري آلجروح آلنازفة تكره آللمس :@

ي بعدي هالي حاطتوه ب توقيعتس أحبوه حيل حيل ... مودتس جآي مقاس ع مودي ي حلوتي :'$


/


بالنسبه ل ترتيلة حروفتس

وشسموه أنا كنت هكآ

بس بعدين تعلمت تمرين يسونه للمخ هو أساسا كان ل طرد الاكتئآب وأنا عاد منه سويت ل نفسي كنترول :'$

بحيث ل بغيت أفكر فكرت .. ولبغيت أنام استحضرت الافكار الجالبه ل النوم ..و هكآ ..!


أنا أشوف فترة م قبل الخمدة فترة ذهبية لي ... أتوقع لو هالفترة مو موجودة تصير حياتي سيدي عيدي !


هالفترة هاذي تصير ب مثابة النوتة الصغيرة ... أرتب ب مخي أعمالي
بكرآ .. وش رأح أسوي و م أسوي
أجدول شغلآتي .. أدبر أموري وأخطط ب هاذي الفترا ... ب حيث
م يبقى علي باتسر سوى ألتنفيذ !



تخيلي مرة نمت و نسيت لا أسوي هكا الشى قبل لا أنوم ... وألله من بأتسر م سويت ولا شى وأصلن هذاك اليوم م أحسبه من حياتي لأنه م أذكر انجزت به شئ :'$


بس وشو ... فقط هالفترة ل ترتيب أوراقي واعادة جدولة اعمالي بعيدن كل البعد عن محاسبة النفس
لانه لو صارت المحاسبة راح تنقلب ل إكتئاب طوالي !
لذا يفضل لي وقت محاسبة الذات في وضح النهار تلافيا ل أي مشاكل
ذهانية أو نفسية :'!



ديمآ ثنكسامنز .

[دِيم]

اقتباس:  المشاركة الأصلية كتبت بواسطة طقاقة بدون مايك     بقولهآ وإن عقدتي آلحجآجآ :@ بقولهآ ثنتين مع أربع و خمس :@ آدري آلجروح آلنازفة تكره آللمس :@ ي بعدي هالي حاطتوه ب توقيعتس أحبوه حيل حيل ... مودتس جآي مقاس ع مودي ي حلوتي :'$ / بالنسبه ل ترتيلة حروفتس وشسموه أنا كنت هكآ بس بعدين تعلمت تمرين يسونه للمخ هو أساسا كان ل طرد الاكتئآب وأنا عاد منه سويت ل نفسي كنترول :'$ بحيث ل بغيت أفكر فكرت .. ولبغيت أنام استحضرت الافكار الجالبه ل النوم ..و هكآ ..! أنا أشوف فترة م قبل الخمدة فترة ذهبية لي ... أتوقع لو هالفترة مو موجودة تصير حياتي سيدي عيدي ! هالفترة هاذي تصير ب مثابة النوتة الصغيرة ... أرتب ب مخي أعمالي بكرآ .. وش رأح أسوي و م أسوي أجدول شغلآتي .. أدبر أموري وأخطط ب هاذي الفترا ... ب حيث م يبقى علي باتسر سوى ألتنفيذ ! تخيلي مرة نمت و نسيت لا أسوي هكا الشى قبل لا أنوم ... وألله من بأتسر م سويت ولا شى وأصلن هذاك اليوم م أحسبه من حياتي لأنه م أذكر انجزت به شئ :'$ بس وشو ... فقط هالفترة ل ترتيب أوراقي واعادة جدولة اعمالي بعيدن كل البعد عن محاسبة النفس لانه لو صارت المحاسبة راح تنقلب ل إكتئاب طوالي ! لذا يفضل لي وقت محاسبة الذات في وضح النهار تلافيا ل أي مشاكل ذهانية أو نفسية :'! ديمآ ثنكسامنز .

هلا بك ...

إحـم .. لا وبعد لو تضغطين على , الجروح بيطلع لك شيّن هوايل ..

/

نجي لردك حبيبتي طقو .. > مادري إن كان يناسبك هالدلع .. :
بصراحة أنا أحس والعياذ بالله من أنا . .
إن التفكير شيء مكتسب وله محفزات ودوافع .. ونرجع هالعامل في بداية حياة الطفل
إلى الأهل .. لأن بيديهم مفاتِح .. مـخ الطفل , من يوم عمرة صـفر ..

وهنا تواجهنا معضلة اسمها كلمة ( أص ) الموقرة ..
أذكر بزمناتي سألت أمّي : يمّه منين جيت .. ؟
طبعاً بالبداية .. سكتت ..
وبالنص .. برضوو سكتت ..
إلى أن جاها وقت ملّت منّي ..
قالت أبد جبتك من فمّي ..
عآد من هذاك اليوم لقيت لي وجبة دسمة .. للتفكير قبل النوم ..
معقول أنا طلعت مـن فم ..؟
أحس عدت علي فترة كرهت فيها أفواه النساء ..
صرت أكره أشرب من سورهن من هذاك الوقت إلى هالوقت ..
(علماً بأني الآن لو أشرب عقب سور أحد مضطرة أحس بالغثيان ..)
شلون اللحمة الحمراء المسماة (إنسان ) تطلع من فم .. .
مالك بالطويلة وأنا أختك ..

صرت أفكر كثير بكل ما يصادفني بدون أن أسأل .. ووالضحية هي فترة ماقبل النوم ..
وصار كل تفكيري ينصب بأحداث يومي ,, أو بالأسئلة اللي مالها أجوبة ..
فـ سامح الله أمي حينما كانت تغنّي ..
ديم تنام ديم تنام .. ونذبح لها جوز الحمام ..
ذبح عآد
فـ صرت أشوف حمام ينذبح وناس تضحك .. عليهن ..



برضوو مالك بالطويلة أختي طقّو ..
حلو تفكيرك إن الفترة اللي نحكي عنها هي مجرد تنظيم ليوم جديد مو للبحث عن شيء مفقود .. ليوم سبق ..





قسمبالله حبيتك عآد ..

[تَمَرّدْ]

ديم

وربي احبكِ

+

كنت قبل فتره مستحيل اني افكر قبل ما انام لدرجة اني انام بأي مكان

بالصاله بأي غرفه اهم شيء انام

بس قهر صراحه راح الحلوه وجانا المر

صرت اروح للفراش واجلس فيه قرابة الساعتين ما انام

مشكلتي ما أفكر زي البشر

مادري تمرد صايره لمخبطه ومو على بعضها هالايام بالذات

,’

[دِيم]

اقتباس:  المشاركة الأصلية كتبت بواسطة تَمَرّدْ     ديم وربي احبكِ + كنت قبل فتره مستحيل اني افكر قبل ما انام لدرجة اني انام بأي مكان بالصاله بأي غرفه اهم شيء انام بس قهر صراحه راح الحلوه وجانا المر صرت اروح للفراش واجلس فيه قرابة الساعتين ما انام مشكلتي ما أفكر زي البشر مادري تمرد صايره لمخبطه ومو على بعضها هالايام بالذات ,’

إحم ..

وأنا بعد أحبك .. بالرغم من كلمة أحبك في هالوقت صارت زي (التفلة ) وأنتي بكرامة ..
كلن يقولها ..
فـ مسألة الحب كبيرة غديني في يومٍ مـا أكتب عنها القول الفصل ..


+


آوبس .. ساعتين ..
أنا لو أجلس ساعتين بسريري أطق وأموت ..
نصيحة لك وأنا أمّك .. :
لاتروحين لسريرك إلا وأنتِ منتهية ماتشوفين الدرب ..
وإذا مالقيتي شغل قبل تنامين أو شيء تقرأينه ..سوي تمارين تأمل .. مـع تلاوة آيات السكينة .. أو تمتمي بكلمات .. تعطيك تفاؤل .. زي :
تتنفسين بعممممممق ... وتقولين .. أنا أفضل أنثى في الكون ..
أنا أحب ذاتي ..
أنا إنسانة منجزة ..
ومن هالخرط الفاضي اللي ممكن تضحكين فيه على حالك . .
وتبعدين هواجس الفشل عن مخيخك ..



,
تمرد (قلب + وردة )

[قـتـالـه]

ديم تدرين كيف انام ؟
لازم حولي صوت شي يبدد عني الوجع
خبرتس المواجع ماتشتد الا بالليل
كنت انام على اي شي مترجم
انام بسرعه وغبطه ..,
يعني يغطرف النوم اجفاني واشوف من بين رموشي
الهوليودي يترجل عن فرسه ويقول لخويه السماء ملبده بغيوم الشر ياصاح

بس خوفوني واستبدلتها بشي اقراه
والحين قليبي مايخليني يالديم
اهب تسن له يدين شايب جابوا له دواه
مايبيني اقرا ولا اتابع ..,
خبرتس بالظهره لاصارت خفاس ابد تسذا قليبي

هقوتتس وش بلاه ..؟
او هن قلوب الحريم ارهافي ..؟

[دِيم]

اقتباس:  المشاركة الأصلية كتبت بواسطة قـتـالـه     ديم تدرين كيف انام ؟ لازم حولي صوت شي يبدد عني الوجع خبرتس المواجع ماتشتد الا بالليل كنت انام على اي شي مترجم انام بسرعه وغبطه .., يعني يغطرف النوم اجفاني واشوف من بين رموشي الهوليودي يترجل عن فرسه ويقول لخويه السماء ملبده بغيوم الشر ياصاح بس خوفوني واستبدلتها بشي اقراه والحين قليبي مايخليني يالديم اهب تسن له يدين شايب جابوا له دواه مايبيني اقرا ولا اتابع .., خبرتس بالظهره لاصارت خفاس ابد تسذا قليبي هقوتتس وش بلاه ..؟ او هن قلوب الحريم ارهافي ..؟

هلاا بالطربة ..



عآد بيني وبينك كل مشاعرنا إرادية .. وخلي عني كل خرط الدكاترة الفاضي .. إلا هنري هه ..
يعني بهالوقت المشاعر صارت بيدينا , يعني حتى الوجع الروحي نقدر نتحكم به ..
:
لكن
وش اللي يوجع الروح ياعمّه ..؟
وش تتوقعين كيف يتسلل الوجع للروح و يساهرها تباريح .؟
مممم .
الظهر إني هونت .. يمكن المشاعر مش ارادية لكن التحكم بها إرادي ..
/



عمّه وخري ماعرف أرد عليك .. تقولين كلام كبير ..

[فينيسيا]

انا تجيني حالات التفكير واحيانا اجد الحلول لبعض المشاكل والأسئلة اللي تدور براسي بالذات اذا نويت انام.

[دِيم]

اقتباس:  المشاركة الأصلية كتبت بواسطة فينيسيا     انا تجيني حالات التفكير واحيانا اجد الحلول لبعض المشاكل والأسئلة اللي تدور براسي بالذات اذا نويت انام.

وبعضهم لا جآ يصلي .. لقى اللي مضيع وتذكر وين حاط المفاتيح .. و متى ولد ولد فلان ..
ومتى تطلق علان ...


بسم الله كلش يطري بلحظة وحده ..

ليت شيطان الوسوسة بالصلاة يسير علي لو نوبة .. قبل أنووم

[جلوي العتيبي]

ديم

من وجهة نظري هي مرحلة عمريه او ضغوطات نفسيه تمر بنا جميعاً

والله من ليل راح نصه وحنا تقلب وخيالات وأفكار ومخططات ويجي الصبح وينسينا الليل السرمدي .

الله لايطيل ليلك إلا بالسعاده

[دِيم]

اقتباس:  المشاركة الأصلية كتبت بواسطة جلوي الشقير     ديم من وجهة نظري هي مرحلة عمريه او ضغوطات نفسيه تمر بنا جميعاً والله من ليل راح نصه وحنا تقلب وخيالات وأفكار ومخططات ويجي الصبح وينسينا الليل السرمدي . الله لايطيل ليلك إلا بالسعاده

مممم ...
وهل التفكير له مرحلة معينة ..؟
,
بصراحة الطاقات تتفجر في تلك اللحظات , لازم نشبك أسلاك بروسنا ونحطهن .. بمخزن كهرب ..
شكل السعودية ماراح يطفي عنها الكهرب إلى أن يرث الله الأرض ومن عليها .. .

شرفت ..

[نجداوي]

مشاكل النوم بالغالب نفسيه

لان الجسم يحتاج للراحه الجبريه ف فسيلوجيه الانسان تتبرمج نحو ذالك

خاصه البالغين لتعديهم مراحل الحياه الاولى

واذا حبيتي يكون نومك سلسل وحلو
فيه خطوات برائئي انها الاكمل

النوم ليلآ + تعويد النفس على عدم اتقان الافكار او مراجعه الحسابات قبل النوم + توفير المكان المناسب بقدر الامكان

ولاتنسين ذكر الرحمن

تحياتي

[دِيم]

اقتباس:  المشاركة الأصلية كتبت بواسطة نجداوي     مشاكل النوم بالغالب نفسيه لان الجسم يحتاج للراحه الجبريه ف فسيلوجيه الانسان تتبرمج نحو ذالك خاصه البالغين لتعديهم مراحل الحياه الاولى واذا حبيتي يكون نومك سلسل وحلو فيه خطوات برائئي انها الاكمل النوم ليلآ + تعويد النفس على عدم اتقان الافكار او مراجعه الحسابات قبل النوم + توفير المكان المناسب بقدر الامكان ولاتنسين ذكر الرحمن تحياتي

يؤ ..
يعني أنا فيني مـرض نفسي .. ؟
لأني بصراحة ما أنام ثلاث ساعات على بعضهم إلا وأنا صاحية وأرجع أنام مرة ثانية ..!

/


صح أهم شيء ذكر الله ..


شكراً ..

[الأرجوانه]

والله انا مثلتس كذآ قبل

لآزم اهوجس واعذرب بروحي قبل مآأنام

بس اللحين لقيت شئ يوسع صدري بعد مآأنبطح على سريري

استلم جوآلي واقعد اتصفح لين اصير مآأناظر الشاشه همن ينآم جنبي الجوآل !

ههههه مهنا حل إلا كذآ ) =