يا حبي [ للبنيَّات ] ..!

[هلاوين]

قال رسول الله صلى الله عليه وآله وسلم :

" من عال جاريتين حتى تدركا دخلت الجنة أنا وهو كهاتين - وأشار بإصبعيه السبابة والوسطى - وبابان معجلان عقوبتهما في الدنيا البغي والعقوق " .


اذا علمنا ان البنات سبب لدخول الجنه مايكرهن غير جاهل .

حبهن وتربيتهن والعطف عليهن من الدين والاخلاق


شكرا لك

[طايرتن بوهته]

احببك الله الذي احببتنا فيه خخخخ



سبحان الله اللي حط خف الدم بالبنات وثقله بالعيال

والدليل البنت قامت تفتح من خف دمه لهله والولد ماقام يفتح مثقلن عليه دمه

[فسقــان]

اقتباس:  المشاركة الأصلية كتبت بواسطة طايرتن بوهته     احببك الله الذي احببتنا فيه خخخخ سبحان الله اللي حط خف الدم بالبنات وثقله بالعيال والدليل البنت قامت تفتح من خف دمه لهله والولد ماقام يفتح مثقلن عليه دمه

تدرين وشو الي يقرهن بالبنات الصغار .. بعضهن كده
الي يقهرن لشورت بزر بنت قلت صح ولا خطاء ثم تنضرك بطرف عين وبعده بدقيقه تقول صح .. تحس كانه تعطيك على قد عقلك هههه

[طايرتن بوهته]

اقتباس:  المشاركة الأصلية كتبت بواسطة فسقـــــان     تدرين وشو الي يقرهن بالبنات الصغار .. بعضهن كده الي يقهرن لشورت بزر بنت قلت صح ولا خطاء ثم تنضرك بطرف عين وبعده بدقيقه تقول صح .. تحس كانه تعطيك على قد عقلك هههه

<<<<<1234567890111213141516
تبي تحسب دقيقه وتقولك صح خخخخخ بنت <<< بقهرك

[قـتـالـه]

ماكل البنات جنه !
واذا جتك بنتن وطبه يالله تنجح بدراستها
ومن مدرسه خاصه للثانيه تبيها تستعز ويصير بيدها شهاده
ويمنها صارت بالكليه واثرك وراها تدف
هذي حصة مصريه وذي حصة سوريه
اذا حسبت حسبتك يمديك شاري بخسايرها طياره
وهي همها المطاير وشرا البلايز وأغرب انواع الحلا لخوياتها
وبعضهن تجيب لك الزنقبوط يمنها أعرست
كل يوم شارده ومتهاوشه مع رجلها وتقوله بيت ابوي أولى بي :|
مادري وش سانده ظهرها عليه
الابو يموت والاخو يبان نابه وهي لايد ولاظهر حتى وظيفه ماعندها
الحياة ياناس ماهي حلا او عشا تجيبه البنت بين عشاوين
ولاشلونك يايبه تقولها بالجوال
البنت هم وكسرظهر ان ماوفقها ربي بوظيفه او برجل يرفعها هي وبزارينها
عن مواطي اخوانها وحريمهم

[طايرتن بوهته]

^^^^^^^^^^^

ماتبتلين ياقتاله طلعة الصدزه اثرك تحبيننا ولا تكرهين السحا من جدك

[الفتى السمنسي]

ياحبي للبنوته الصغينونه منتهى البراءه والطهر والصفاء والنقاء الروحي .
البنت معروف عنها أنها حنونه وذات مشاعر جياشه عكس أبوصناديح الله يصلحه ويهديه .
العرب مع الأسف كثير منهم مازالت الجاهلية تعشش برأسه بخصوص البنت فهو يعتبرها مشكله ومن الممكن تجلب له العار ولهذا الكثير من هؤلاء الجهله عقدوها في عيشتها من كثر مايراقبونها .
البنت زهرة الحياة وريحانة الفؤاد لمن يعرف قدرها ويحسن تربيتها ويخاف الله فيها ويزرع الثقة فيها ويقدرها ويحترمها .
نبينا الكريم ذكر في مامعنى الحديث أن من عال جاريتين حتى تبلغا كنت أنا وهو كهاتين واشار بالسبابة والوسطى .أي يكون رفيقا للرسول صلى الله عليه وسلم في الجنة
يكفي البنات فخرا أنهن سبب لدخول والدها وأمها الجنة .
لكن البنت عموما في بلادي حاليا تتعرض لهجوم شرس ومدروس ومنظم يقوده العلمانيين والغرض من هذا الهجوم هو (كسر حيائها والعبث بعرضها وجعلها سلعة بمتناول الجميع ) .


والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايب اهلها هملوها

الأم نامت والابو صار تمثال .. والبنت راحت وين ما يسألوها

بالليل تسهر بين هاتف وجوال .. والا على دش الفلس سهروها

اقفاي هي ما بين الاسواق واقبال .. بلا غرض راحت ولا انشدوها

اللبس تلبس كل ما يطرب البال .. وفلوس لو تنقص عليها عطوها

من شافها باللبس يا ساتر الحال .. يسبها ويسب من خلفوها

كومة لحم وعيون والرمش قتال .. ويلا مشت كل الشباب اتبعوها

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوها

البنت زين البنت لا زانت الحال .. ما هو بلبس ولا علوم خذوها

وين المراجل ما بقى غيره ارجال .. ليت الشوارب واللحى حلقوها

اللي على عاره رضي الذل ينقال .. ليت الكرامة ليتهم يرفعوها

ما عاد ينفع قول فيها ولا قال .. لا الأم والله ولا الأبو انفعوها

اصبح ضياع البنت بسباب جوال .. البنت ضاعت والأهل ضيعوها

[قـتـالـه]

اقتباس:  المشاركة الأصلية كتبت بواسطة طايرتن بوهته     ^^^^^^^^^^^ ماتبتلين ياقتاله طلعة الصدزه اثرك تحبيننا ولا تكرهين السحا من جدك

قليبي قليب سمكه بس ماعرفنلي السحا

[قلب الأسد]

احسن شي البنات الصغار بهن جذب رهيب .

بس لايكبرن ههه

[تَـرفْ ♪]

اقتباس:  المشاركة الأصلية كتبت بواسطة قلب الأسد     احسن شي البنات الصغار بهن جذب رهيب . بس لايكبرن ههه

صااااااااااادق هههه

[قـتـالـه]

اقتباس:  المشاركة الأصلية كتبت بواسطة قلب الأسد     احسن شي البنات الصغار بهن جذب رهيب . بس لايكبرن ههه

ياويليييييييه ياوغيدات المصريات اللي عندنا
وقسم بربي ودي آكلهن بثيابهن لذيذات
وكله كوم ويمنها قالت ياطوووونط العيون زرق تقل قزاز
والشعر أجعد اصفر ومعها قلم تشخبط بورقه وهي تحاكين
ويمني قربت بشوف وش تكتب تغطي الكتابه بيدها اللي ودك تاكلها
دبيبه وبها غمازات بمفاصل الكف
اذا جا الظهر بدت هالتوبيسات تنزل عيالهن عندنا بالدوام
ابلش بروحي ماادري من أبدي :|
مهلقمات يعرفن يحتسن وياكلن القلب
نايمات كل الليل ورايقات مو مثل بنات موظفاتنا
يجن معهن فيشار ياكلن وهن يبحن بعيونهن
ولقلتلها ياحلوتس حلواااه هجت مالت على السحا الصغنبوطات:|

[طايرتن بوهته]

اقتباس:  المشاركة الأصلية كتبت بواسطة قلب الأسد     احسن شي البنات الصغار بهن جذب رهيب . بس لايكبرن ههه

الجذب يبتل لو كبرن بس هماهن يتغطن عنك تحسبه يروح الجذب

[هلاوين]

اقتباس:  المشاركة الأصلية كتبت بواسطة قلب الأسد     احسن شي البنات الصغار بهن جذب رهيب . بس لايكبرن ههه

انا اشوف ان الولد الصغير انعم واجمل من البنت بالصغر

لكن تغير الموازين في الكبر

[shahd2007]

البنت اذا اصلحه ربي احسن من الولد
حنيته على اهلها تستمر حتى لو تتزوج
قريبه من ابوها وحنينه على امها
عسا عدو عيني ماعنده بنت بالبيت

[طايرتن بوهته]

اقتباس:  المشاركة الأصلية كتبت بواسطة shahd2007     البنت اذا اصلحه ربي احسن من الولد حنيته على اهلها تستمر حتى لو تتزوج قريبه من ابوها وحنينه على امها عسا عدو عيني ماعنده بنت بالبيت

شوفي عاد بعض المرات عقلي ماادري وش يحسبه
ان بليس وقالي :

البنت لو توفق برجل تسان تنسى العدل والمايل
بس هما اغلب الرجل ذكور تبدى تحن لهله كثير لإنه فقدت الحنان همن يقولون البنت حنونه

الولد ينسى اهله لإن اغلب الحريم تنسي اللي خلفوه

ونادر اللي يلطف بأهله تلقين عنده مره متمرده ويهج منه ويروح لأهله
همن يقولون بار


الله يقطع ابليسي