(عيل) .. من عيال الهيئة يمد يده على بنت في اليوم الوطني

[ابو-زياد]

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ (النور : 19 )

[اللبيـب بالإشارة]

السلام عليكم

سؤال كيف يتم التعامل مع مثل هذه البنت والبنات قليلات الادب ؟؟؟؟
طيب ليش ما يكون فيه نساء تابعات لرجال الهئية(!) خاصة في المجمعات التجارية

[شمعة امل]

رجل الهيئة لم يخطى بما فعله لو كنت مكانه لفعلت مثل فعله...

والله لو ترون الفاظهن بنات فسخن الحياء نسأل لهن الهداية....وبنات لاينفع معهن الا الضرب

أخي شخصية كنت أنا من ضمن الحضور للأسف تمنيت أني لم اذهب رأينا العجب العجاب من تصرف الفتيات والشباب هداهم الله...والادهى والامر عند نصحهم تجد منهم استخدام ألفاظ سوقية اترفع عن ذكرها بينكم....

رجال الهيئة ندعو الله أن لايحرمنا من تواجدهم بيننا ...فما فعلوه مع تلك الفتاة هداها الله هو عين الصواب ...

.

.
أحترامي وودي للجميع

[Fatin]

اقتباس:  المشاركة الأصلية كتبت بواسطة وليد الطريقي     لعلك لم تشاهد شي بل ولم تحضر لتشاهد الفضائح على اصول نساء باعن الحياء في يوم لم تشاهد التي تضحك مع الرجال ولم تشاهد التي ترفع تحية لهذا ولهذا باسم الوطن وعلى فكره اهلى لا اتي بهم الى مكان وزمن تجتمع فية قلة الحياء والسخرية والتجمع الفاسد تحياتي

ما صار النخيل
صار night club
و بـ لاس فيغاس بعد
صكوا على بناتكم و حريكم و عقدوهم
حتى و هم متسترات و محترمات بعد صكوا عليهم
:

و الا الثاني اللي يقول لو إني مكانه ضربت البنت
أنا كنت أشيل حواجبي أيام المتوسط
نصحوني كثير أستاذات و حريم بس بأسلوب قاااااسي
و ماهتميت لهم بس جتني وحدة بأسلووب حلو و هاادي
خلتني أستحي من نفسي و الحمدلله ربي هداني الحين
و صرت أنا أنصح البنات زي ما نصحتني هي
و حمدلله سمعوا لي كم وحدة
العيب في الأسلووب

[الخيّال]

حلللللللوه النادي الليلي

[باونتي]

كلهم غلطانين .........................

[نسيم الشمال]

ياهي كبيرة مدة اليد
من رجل يدعي الحسبة
ماهكذا تورد الأبل ياصاحب الحسبة
البنت اخطئة لا تعالج الخطى بخطى أكبر

[رحّــال]

اقتباس:  المشاركة الأصلية كتبت بواسطة شخصية     ليبادر المسؤلون ( الكبار) من جهاز الهيئة بالاستعانة بدوريات الشرطة ومكافحة الشغب كي يأتوا ويفكوا الاشتباك [/size]

مكافحة الشغب !!!!!!
اقول وش السالفة يوم عدى من عندي عشر جيوب من الطوارئ مع كذا باص وبرضه سيارات الدفاع المدني والمرور .....

[شمس بريده]

الله المستعان هذولي بنات بريده كيف تغيرت الدنيا
صدق رسول الله صلى الله عليه وسلم حين قال من يعش منكم فسيرى اختلافا كثيرا...الحديث
والله البنت تستاهل خيزرانه تلاح به لما تنسى الدنياوالله يعافي المبتلى
وخلوكم من رجال الهيئه اله يحرسهم ويخليهم لنا والله يقويهم على نكار المنكر

[ابوقش]

بصراحه غلط واكبر غلط من رجال الهيئه وخاصه ( الطافين )

صحيح انهم رجال خير ولكن لو كانت تلك البنت احد محارمي وربي

ان يشوف شي ماقد شافه بحياته والظاهر مافيه احد مايغار على محارمه الا الديوث

وحتى لو البنت اخطاءت وقالت مالك دخل هي صادقه لانه ماهو محرم لها ولا له خص فيها

لكن من واجب عمله ان ينصحها بأن تتستر بس خلاص ما استجابت لكلامه مايقعد ويطولها بالكلام

وبصراحه ( بعض ) رجال الهيئه هداهم الله اخذين الشيئ بالقوه يعني كلامهم الصحيح وانت الكاذب

لا و ( بعضهم ) يظلمك عينك عينك والكلام طويل عنهم لكن الله يستر على المسلمين اجمعين ..

[معذب الجرابيع]

اف اف اف بس لوموجود قسم بالله لدخل فيه قصاص كل شي الا مدة اليد وش يحسب نفسه الحقير [COLOR="Blue"][/COLOR

[ليتك وفيت]

بصراحه الهيئه ماقصروا وجزاهم الله الف خير بحرصهم الزايد بس المفروض النصيحه ماتجي بمدت اليد او التلفظ الخاطئ احيانا البنات يصيرن يعاندن اذا طول صوته عليه او فشله لابد يجي بالنصيحه بهدوء والله راح تفشل من نفسه علطول هذي من ناحيه اما من ناحية البنت فهي غلطانه ليش ترد عليه عيب البنت ترد على الرجال شوفوا العصبيه بينهم ايش وصلتهم وهذي المواقف كثيرة والله يستر من هذا الزمان صرنا نشوف العجب............

[أماسي كاملة]

الله يستر على بنات المسلمين
والله ان البنات اليوم مايستحن ولا يحترمن احد الله يهديهن بس
لوكانت البنت مؤدبه ومحترمه نفسه كان ماصارله كذا وش كان بيضره لو ماردت عليه
بس بعض البنات يحبن لفت الانظار وفيهن جرائه ماله داعي


ورجال الهيئه بعضهم الله يهديهم ماعنده اسلوب للنصح
خاصه مع البنات المراهقات المفروض انه جايه باسلوب زين والله لو انه بنت ناس كان تستحي من نفسه ولا تسوي كذا مره ثانيه.....
( وجهت نظر)

[شموع تحت المطر]

والله لو اني بمكان رجل الهيئة مهب بس سطرته كف الا وطيته تحت رجلي

اذا هي وقحة وقليلة ادب..ماتستاهل من يتكلم معه بذوق...!!!!

المفروض جارينه مع شوشتة للقسم عشان تأدب وماتسوي من نفسة مسخــــــــــرة..

[بندر بن عبدالعزيز]

اقتباس:  المشاركة الأصلية كتبت بواسطة شموع تحت المطر     والله لو اني بمكان رجل الهيئة مهب بس سطرته كف الا وطيته تحت رجلي اذا هي وقحة وقليلة ادب..ماتستاهل من يتكلم معه بذوق...!!!! المفروض جارينه مع شوشتة للقسم عشان تأدب وماتسوي من نفسة مسخــــــــــرة..

والله يا شموع اذا انت رجل فالشرهه عليك ولا تشتغل خلك ببيتك احسن
واذا انتي مره ناقصات عقل ودين
قال جارينه قال