الخطأ على راعي ((البقــــــالـــــة)) 100%.

[صـاحي و رايـق]

اقتباس:  المشاركة الأصلية كتبت بواسطة صريح جد     هلا اخوي صاحي وين الغيبات ياليتك بس حطيت لنا دليل على ان السحر للضرورة يجوز

موجود يـ غالي
بس تعرف إذا صار عندك أم قناصيع هي وبصابيصه
ترغم على الإنشغال
والدليل الشيخ العبيكان في يوم من الأيام حلل هذا السحر

[خالد2007]

اقتباس:  المشاركة الأصلية كتبت بواسطة عجوز سمنسي     [align=center]هلابقصة سندريلا[/align][align=center] بكره تروح لزواج ان شاء الله باحد القصور وتنسى احد حذيانها وتتزوج سيد سيد زوجة ابوك لاتخاف فالله لايضيع اجر الصابرين[/align]

مرحبا بعجوز . مافهمت كلامك والله بس اللي اقدر اقوله الله يخلي لك امك ان كانت عايشه وتعيش معاها وتضمها وتضمك واذا جاك مرض لاقدرالله تلاقيها حولك وحواليك .مشكور وماقصرت

[خالد2007]

اقتباس:  المشاركة الأصلية كتبت بواسطة الفتـ الذهبي ـى     الله موجود .. وأهل الخير بكثره ,, العين بصيره واليد قصيره .. مالك إلا الدعاء والتيقن بالأجابه وان شاء الله بتفرج ازمتك وتكون حالتكم من الأسواء للأفضل .. والله يكتب لكم اللي فيه الخير

ونعم بالله وهذا اللي مصبرني والا كان صار علوووم لهالملعونه .
الحمدلله دايم ادعي ان الله يفرجها اولا لاختي وهمن انا وربك كريم .مشكور اخوي الفتى الذهبي

[خالد2007]

اقتباس:  المشاركة الأصلية كتبت بواسطة engel     فيه منظمه حقوق الإنسان سبق قريب لي أعطاني عناوينهم لما أبو بنتي ما سجل بنته وما أعطانا وثائق رسميه تثبت انها بنتي ... لكن أنا رفضت قلت صلاة الليل والدعاء أقرب من فتح باب للمشاكل ولو ما نفعت هالوسيلة بيكون أنا أتحمل ما كسبت يدي واستغفر ... وللآن ما فيه إثبات أنها بنتي .. ومن القراده ما تشبه لي أبدا . لكن لو تريد العناوين والرقم أرسلها لك

الله يكون بعونك ياختي الظلم شين وزين ماسويتي اتكلي على اللي عينه ماتنام .واثبات نسب بنتك امره بسيط بالحيل والله يفرجها لك ولي ولكل مظلوم .

[خالد2007]

اقتباس:  المشاركة الأصلية كتبت بواسطة صاحيـ و رايـقـ     الله يعينك يـ قلبي بـ أمكانك أنت من يسطر الحلول في هذه الأوضاع بما أن أهالي الخير في هذه المدينه لديهم القدره على المساعده لمن يحتاج فكري يـ قلبي وبعدها قرر أكيد أبيك له قريب أو صديق يثق فيه ويؤثر فيه تأثير كلي متأكد أنا أن فيه حلول راح تفتح لك أبواب الخير لك ولـ أختك بما إنك قادر على تحمل المسؤوليه , , , الله يوفقك ويفرج كربتك

هلا بالصاحي كلامك حلو بس جربته وزي ماقلت يتعاطف معنا بالبدايه وهمن مجرد مايجي للبيت ترجع حليمه لعاتها القديمه .
هلحين خفت المشكله من ناحيتي لاني كبرت بس اختي هي مشكلتي واللي رابطتني مااقدر اشوف نفسي الا انا مطمن عليها .
تخيل رحت لمدينة جده ابجلس اسبوع بعد يومين اتصلت اطمن على اختي لقيتها منطويه على نفسها وبكت بالتلفون تبيني اجي .قلت وشفيك مضايقينك بشي قالت لا . شي يقهر وانا عارف وش قاعده تسوي فيها .قطعت سفرتي وجيت علطول . شفت وشلون معاناتي . اختي مو حاسه بالامان بالبيت وماتكون مبسوطه الا لما اكون موجود عندها . تخيل ابوها موجود وتعتبره كانه ميت . كارثه .

[خالد2007]

اقتباس:  المشاركة الأصلية كتبت بواسطة عجوز سمنسي     [align=center]شفت ياخالد ؟ [/align][align=center] يوم انا احط على السعالوه وانتم تقولون اعقل تراك ظالمهن شف السعلوة وش مسوية فيك عساها لصاروخ سكود يفقع كرشتها مو انت فقط الضحية الضحية ايضا ابوك والضحية كل رجل على هذه البسيطة يعيش في كنف امرأة [/align]

والله مو كلهم سعالوه بس فيه الطيبه والشريره ونصيبنا طلع (((شريره)))وماتخاف الله كل اللي هامها الفلوس والحلال وبس وتقل انا واختي لاقيننا بالشارع علشان مالنا سند تسوي كذا .ليش هالمعامله الله يلعن الفلوس والحلال .مشكور عجوزالسمنسي

[خالد2007]

اقتباس:  المشاركة الأصلية كتبت بواسطة رزه,,مرتزه     كــأني اشووف مــسلسل... حلووه منك خالد عرفت تلعبهااا صوووح ..

مشكوره على العموم والله يخلي لك امك وحطيها جوات قلبك وبوسي راسها كل شوي .
آآآآآآه لو كانت عايشه قسم بالله لبوس رجليها ونفسي احط راسي على صدرها واصيح بصوت عالي .

[خالد2007]

اقتباس:  المشاركة الأصلية كتبت بواسطة مج ـرد إحـساس     حرااام عليــكـ احمــدي ربكـ لايـــبلاكـ>>>اللـــه يعينه يبي يجيه هوشه ربي يكــــون بعــونكـ اخــوي

مشكوره على شعورك الصادق وصدقيني اللي يكذبني مالومه لان اللي ماجرب حالتي يقول اكثر بس تكفون لاتقصرون مع امهاتكم والله ماتعرف قيمتها الا لما تجي للبيت مهموم وضايق صدرك وماتلاقيها حولك ..والله احيانا اقعد اصيح من القهر اذا احتجت للوالده ومابالكم باختي اللي هي تحتاج امي اكثر مني .
صبر جميل والله المستعان

[خالد2007]

اقتباس:  المشاركة الأصلية كتبت بواسطة صاحيـ و رايـقـ     مالك يـ خلودي إلا تسحرها بدل ما تكون فرعون معك راح تكون عون لك والسحر للضروره مباح

مرحب ياصاحي . اخاف من ربي ومستحيل اسويها لان السحر يخرجك من الاسلام .
اول مره اسمع ان السحر مباح ((معلومه جديده)) والله شكلك تبي توهقني واروح لساحر استغفرالله .مشكور قلبي

[خالد2007]

اقتباس:  المشاركة الأصلية كتبت بواسطة سيف وفيصل     خالد لابد أن تعلم أن أمثالك ليسوا قلة بل ما أكثرهم وإن لم يقولوا ويفصحوا ! الصبر الصبر الصبر لايوجد حل آخر ! ولتعلم ~أن الله يبتلي من يحبهم وكن على ثقة بأن الله يراقبك كيف تفعل وكيف تتصرف؟ ولتعلم أن جزاء من يتجاوز هذا الابتلاء والامتحان خيرا كثيرا ورزقا وفيرا في الدنيا والآخرة وسوف ترى ذلك بإذن الله. نصيحة حاول أن تبحث عن زوج مناسب لأختك بل أخطب لها !!! بقي أن أقول اللجوء إلى الله مطلب أساسي واحرص على أوقات الدعوة المستجابة بين الأذان والاقامة أو آخر ساعة يوم الجمعة أو بعد الوضوء أ~و بين السجدات والسجود ، واحرص على اختيار الألفاظ المناسبة للدعاء لتكون أ~قرب استجابة وانصحك بأن تقول أ~نت الله لا إ~له الحي القيوم بديع السموات والأرض ذو الجلال والاكرام ياقوي ياعزيز ياجبار وتقول ماتريد، أما زوجة أبيك فسوف تندم صدقني الأيام سلف ودين فقل ياربي اللهم أنها قد بلغت حد المدى وتعلم مافي نفسي ولا أعلم مافي نفسك إنك أنت علام الغيوب اللهم اكفيناها بما شئت. أما أخوتك فاحرص على المعاملة الحسنة وحاول أ~ن تكون محور تفكيرهم مثلا اعطف عليهم ودهم للبقالة وحاول تشري لهم بعض الأشياء ولا تتعجل النتائج ،،، كل حديثي عن تجربة ونصيحة مخلصة لأخ يعاني،،،تحياتي

الله يجزيك الجنه والله بردت كبدي بهالكلام ومعاملتي لاخواني من ابوي زينه واعطف عليهم بس هم بصف امهم بكل شي . تصدق لو ادخل معي كيس لازم يعرفون وش هالكيس . حصار غزه .
مرة جبت لاختي اغراض وبالخفيه بعد وبعد يومين صارت مشكله ليش ماجبت لخواتك الثانيات وصارت مشكله وخواتي صدقن كلام امهن اني افرق بينهن وبين اختي . وحرمت اجيب شي الا لهم جميع او مافيش . والغريب انها تجيب كل شي وماعمرها عبرتنا .

[خالد2007]

اقتباس:  المشاركة الأصلية كتبت بواسطة نبراس القصيم     أخوي خالد أنتبه أنها تزوج أختك واحد يقرب لها الشيء الثاني منيتي بس أني أعرف وش لون رجل بطوله وعرضه يخاف من أمرأه الله يكون بعونكم ويفرج همكم اللهم أشغل هالمرأة الظالمة بنفسه اللهم أشغل هالمرأة الظلمة بنفسه ومن هم على شاكلتها نبراس

موضوع زواج اختي من قرايبها محسوم ومنتهي لاني مهددها بعيالها وخافت واول مره تخاف وشالت موضوع الزواج من راسها عساه للفضخ .
بس قلبت عليها وكرف فيها .
تصدق تصحي اختي الساعه ثمان الصبح وهمن ترجع تنام وتخليها تشتغل لحد الساعه احدعش وبعدين تصحى هي وتقوم تسوي الغداء لانه اصلا جاهز والبيت يلمع لمع واذا جاء ابوي من الدوام كل الشكر لهالعقرب مسكين يحسبها هي اللي تشتغل .
يمكن تقول طيب ليش ماتقول لابوك هالشي . انا معندي مشكله بس اختي ترفض لاني لو قلت هالشي اللي يبي يلعن خامسه هي اختي . ماسكينن مع ايدي وهذولي حريم مشاكلهن ماتخلص واللي يقهر ابوي يقول لي تحط عقلك بعقل حريم .

[فركي]

معقوله في ناس كذا

[دانتيل]

يا خي انت صرت رجال تصرف وامانه لاتغيب عن اختك خللك الاب والام والاخ والصديق مسكينه ياليتي اعرفه قرب له عطه وقتك لا تطلع بلاستراحه وتهيته وابوك اي نوع من الرجال هو ؟؟؟

[خالد2007]

اقتباس:  المشاركة الأصلية كتبت بواسطة وحيدة وحزينة     وانا اعرف بنت طردها زوج امها... وزوج يضرب زوجته ... يعني هالشئ مو بس من الحريم حتى الرجال بهم حقهم....

صدقين ودها ومنى عينها نموت ولو تشوفين يوم كنا صغارين انا واختي ماتنادينا الا بدعا علينا بالموت والمرض والغريب اننا ننفذ كل اللي تبي .وان كان على الطرد من البيت يما وياما لما يسافر ابوي بالعطله وكنت صغير انها تجلدني وتطلعني مع الباب وتسكره واجلس على العتبه وودي اصيح بس استحي من عيال جيراننا.
الشر مو مخصص بس للحريم فيه رجال اشد من زوجة ابوي بس اللي مريحني ان مافي شي يضيع عند ربي .

[خالد2007]

اقتباس:  المشاركة الأصلية كتبت بواسطة صريح جد     اختي الكريمة اذا كنتي تنعمين بوجود الاب والام وتعيشان تحت حنانهما وقد وفرو لكي كل شي فهناك الكثير من فقد هذة النعمة ولاتاخذي كل امور حياتك با الهزل وسوء الظن با الاخرين اخونا خالد طرح مشكلتة لكي يجد من يطرح لة حل لمشكلتة لا ان نضحك علية ونشكك فية

ورب البيت يوم كنت صغير انا واختي لما نشوف احد مع امه وتضحك معه ان دموعنا تطلع وكل واحد مننا يخفيها عن الثاني .
ياناس مافيه شي بالدنيا يعوضك عن امك . مره من المرات رحت للمقبره وجلست عند قبرها وقعدت اصيح والله اني حابن القبر وضامه من المغثه وضيقة الصدر . قسم بالله اكتب هذا ودموعي تتناثر ومابي منكم الا تدعون لي انا واختي ان الله يفرجها لنا من عنده هذا هو طلبي منكم .مشكور صريح