الخطأ على راعي ((البقــــــالـــــة)) 100%.

[خالد2007]

السلام عليكم وعيدكم مبارك لو انها متاخره بس عاد احسن من ((مافيش)).
موضوعي يالربع ويالربعات ليش الضعيف المسكين واللي ماوراه ظهر يوطى بطنه ويلعن جدفه و الحق له أصلا .
وين ديننا ؟ وين الخوف من الله ؟
تذكرت ((زوجة ابوي )) الله لايحللها موريتني نجوم الليل بعز القايله .تدرون ليش ؟
اي شيء يسويه اخوي من ابوي ((ولد زوجة ابوي)) تحطه برأسي وابوي دايما مصدقها وخذ تكفخ وطراقات والمشكله انها جالسه تشوفني وانا انضرب ظلم .
ليش مانملك الجرأه ونعترف بأخطائنا ولا نرميها على خلق الله واللي مالهم سند في هالدنيا غير رب العالمين .
تذكرت قصة راعي السياره اللي كان سكران وصدم بقاله ودمرها تدمير وصاحب البقاله دخل بغيبوبه شهرين .وبعد ماصحى من غيبوبته قال له العسكري : الخطأ طلع عليك ياراعي البقاله 100%وليش تبني البقاله في هالمكان بالتحديد .((السكران وراه ظهر وسند)) ياسعده ليته أنا .
الخلاصه يااخوان وياخوات الى متى الضعيف اللي مثلي يشيل ويتحمل اخطاء غيره وهو بريء منها .والله اني احيانا اجلس ابكي لما يضربني ابوي مو علشان الألم علشان الظلم والقهر.
الظلم ياناس حرمه ربي على نفسه فكيف نرضاه حنا للاخرين .
تراي اكتب الموضوع وانا مقهور من زوجة ابوي ...تصدقون انها حرمتني اشياء كثيره واخوي اللي اصغر مني كل شيء متوفر معه والسبب انها دايما تسبني عند ابوي وتلفق علي كلام وافعال انا ريء منها .
انا خلاص كبرت وماعندي مشكله لاني صرت ماجلس كثير بالبيت بس اللي قاهرني ومحطمني اختي ((من امي الله يرحمها وابوي)) هي اللي ذايقة الغرابيل والاهانات وصايرة بالبيت ملطشه وتعاملها العقرب((زوجة ابوي)) معامله قسم بالله ولا معامله اليهود للمسلمين .
تصدقون اختي ماتعيدت هالسنه مثل باقي الناس والسبب ان اختي شروله ملابس رخيصه ومهب حلوه بعكس خواتي من ابوي كانهن عرايس يوم العيد .
والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس

[shahd2007]

معقوووووله فيه ناس كذا الى اللحين مابعد هلكوا عسى الله يهلكهم ...

ياشيين الظلم وانا اختك

واختك عسى الله يعوضها خير .. وابوك لازم يعرف اللي يصير ببيته

اقتباس: والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس

والله القهريين بعد ...... بس ابوك لازم يعرف صدقني الضعييف ماكول حقه واختك توصل هالشي لابوك باي طريقه .

[فنتآستك]

[align=center]
||

مؤسفٌ حقاً هذا الظلم وهذا القهر

وظلم ذوي القربى أشد مضاضة /// على المرء من وقع الحسام المهند

احتسب الأجر , وبما أنك كبرت وتخلصت من بعض القيود , فينبغي عليك أن تقوم بدور الأم لأختك الصغرى (شقيقتك) التي لازالت تذوق الأمرين .

,,
وهذا رسالة للأباء والأمهات بأن يتقوا الله في أنفسهم , وأن يعدلوا بين الرعية .

خالد .. أسأل الله لك التوفيق

||
[/align]

[خالد2007]

اقتباس:  المشاركة الأصلية كتبت بواسطة shahd2007     معقوووووله فيه ناس كذا الى اللحين مابعد هلكوا عسى الله يهلكهم ... ياشيين الظلم وانا اختك واختك عسى الله يعوضها خير .. وابوك لازم يعرف اللي يصير ببيته والله القهريين بعد ...... بس ابوك لازم يعرف صدقني الضعييف ماكول حقه واختك توصل هالشي لابوك باي طريقه .

جزاك الله خير .بس زي مايقولوا ((الشق اكبر من الرقعه))وزوجة ابوي مسيطره على ابوي سيطره كامله .
المشكله امي ميته وخوالي بالشرقيه وعمومتي كلموا ابوي بس مافيه فايده .
انا زي ماقلت ماعندي مشكله بس مقهور على اختي وادعي الله انها تتزوج اليوم قبل بكره عشان تتخلص من ظلم هالعقرب مستعبدتها استعباد .
ولو تشوف اختي تكلم بالتلفون علطول راحت لابوي تقول ان ((ردينه)) تكلم بالتلفون ومادري مين تكلم وياخوفي انها تكلم شباب .
شوفوا البهتان والظلم ..وياما وياما انضربت بسبب التلفون والمشكله انها تكلمني او تكلم بنات خوالي ..بس خواتي من ابوي يكلمون ويطلعون ويسوون كل شي ومافيش مشكله .
مشكور اختي

[oldman]

[align=center]مادامك كبرت ليش ماتشوف ناس يستحي منهم ابو ك وتعلمهم الحقيقيه وتخليهم يكلمون ابوك
ولاتنسى تمعط لي شعر مرت ابوك وانت طالع ولا تفكها إلا عند عتبة الباب
ياخوي والله إنك ضيقت صدري بسالفة أختك ..
وللا انت علم ابوك خربانه خربانه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
يمهل ولا يهمل
[line]-[/line]

سبحان الله وبحمده
....عدد خلقه ... ورضا نفسه.... وزنة عرشه .... ومداد كلماته....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه[/align]

[بسومة بريده]

اسمح لي اقول ان ابوك مهكاكه....ولا هو عمى مايشوف...

ابدأ قبل بأبوك ولا بنت الناس الله لايوفقها بتلقى جزاه من رب يمهل ولا يهمل...

خلك قريب من ابوك واكسبه ولا تخبون عليه شي مما يصير من زوجته....

واختك لازم تحتويها ولا تترك زوجة ابوك على كيفها والله لاسطرها بنت قريح ....عساه للعقوبه...

تحسبوا عليها وهي تسمع وكان له قلب وتخاف ربه بتوحش وتعقل...

الله ياثركم عليه...قهرني هالوضع هذا جهل وتخلف...

[خالد2007]

اقتباس:  المشاركة الأصلية كتبت بواسطة fantastic     [align=center] || مؤسفٌ حقاً هذا الظلم وهذا القهر وظلم ذوي القربى أشد مضاضة /// على المرء من وقع الحسام المهند احتسب الأجر , وبما أنك كبرت وتخلصت من بعض القيود , فينبغي عليك أن تقوم بدور الأم لأختك الصغرى (شقيقتك) التي لازالت تذوق الأمرين . ,, وهذا رسالة للأباء والأمهات بأن يتقوا الله في أنفسهم , وأن يعدلوا بين الرعية . خالد .. أسأل الله لك التوفيق || [/align]

جزاك الله خير .الحمدلله انا كبرت وتوظفت والامور بالنسبه لي زينه نوعا ما بس اللي مضيق صدري هالمسكينه اختي صايره خدامه . والله دايم اتخيل ان عندي بيت خاص لي واخذ اختي ونختفي بس الظروف ماتساعد .مشكور على النصيحه

[eivl girl]

[align=center]

اقتباس: انا خلاص كبرت وماعندي مشكله لاني صرت ماجلس كثير بالبيت بس اللي قاهرني ومحطمني اختي ((من امي الله يرحمها وابوي)) هي اللي ذايقة الغرابيل والاهانات وصايرة بالبيت ملطشه وتعاملها العقرب((زوجة ابوي)) معامله قسم بالله ولا معامله اليهود للمسلمين . تصدقون اختي ماتعيدت هالسنه مثل باقي الناس والسبب ان اختي شروله ملابس رخيصه ومهب حلوه بعكس خواتي من ابوي كانهن عرايس يوم العيد . والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس

اذا انت اخوها مانفعتها كيف تبغاهم هم ينفعوها
مرت ابوك حرمه مهما كانت تقدر تخليها تحت رجليك لو كنت رجل قد الكلمه
هدد ابوك انكم بتطلعون من عنده لماكن ثاني اذا ماعدل بينكم ووقف حرمته عند حدها
واذا هي متساويه عنده دبر حل فعلي واطلع كلم خوالك احد تعرفه ياخي اقل شي الشؤن الاجتماعيه
اماااااا حرمه تقواك هذي كبيره بعيني سراحه طلع رجولتك يويمن قادمها وقدام ابوك وشف وشلون بيتعدلون واكثر معكم
ترا انا ماحب الي ماياخذ حقه اذا تبي اأدبها لكم ماعندي مانع[/align]

[سمر العبدالله]

حسبي الله عليك من زوجه اب ظالمه وين بتروحين من رب الناس . والله كسرتوا خاطري . الله يفرج لك ولاختك آمين .
بس لازم تتحرك انت وبالعقل وكلم زوجة ابوك وذكرها بالله وبعذاب القبر وعذاب النار وخل حدى قريباتك من الملتزمات تتدخل وتلين قلب زوجة ابوك وانشاءالله ربي بيحلها .تقبل مروري

[ROZA]

سبحان الله ...بعض البشر على بالهم مافيه حساب وعقاب
عايشين الدنيا طول بعرض وكأنهم يبي يطاولونه العمر كله
الظلم شين ...وربي ماشفت أقسى منه على النفس ...ألم نفسي شديد.
صبر أختك وقولها دوام الحال من المحال
وربي يعوضها بزوج يكون الأم والأب وكل شئ بدنيتها..والله الزوج الحنون يعوض زوجته عن كل شي فاقدته.
وربي يمهل ولايهمل بس عليكم بحسبي الله ونعم الوكيل ..والله ربي يدبركم أحسن دبره.
الصبر ..الصبر ..واللي طلعك من ولايتها قادر يطلع أختك ..وإلى الله المشتكى.

[الورده النديّه]

[align=right]حسبي الله ونعم الوكيل

الله يكون في عونك وعون اختك 0[/align]

[صريح جد]

مافية اي مشكلة في الحياة الا لها حل وفية ناس عندهم مشاكل اكثر من هذي لكن استطاعو ان يحلو مشاكلهم ليتك تكلم احد المشائخ مثل الشيخ الونيان وتعرض علية مشكلتك وان شاء الله سوف تجد حل لعلة يجلس مع ابوك ويشوف حل لهذة المشكلة

[خالد2007]

اقتباس:  المشاركة الأصلية كتبت بواسطة سلمان عبدالعزيز     [align=center]مادامك كبرت ليش ماتشوف ناس يستحي منهم ابو ك وتعلمهم الحقيقيه وتخليهم يكلمون ابوك ولاتنسى تمعط لي شعر مرت ابوك وانت طالع ولا تفكها إلا عند عتبة الباب ياخوي والله إنك ضيقت صدري بسالفة أختك .. وللا انت علم ابوك خربانه خربانه حسبي الله ونعم الوكيل حسبي الله ونعم الوكيل حسبي الله ونعم الوكيل يمهل ولا يهمل [line]-[/line] سبحان الله وبحمده ....عدد خلقه ... ورضا نفسه.... وزنة عرشه .... ومداد كلماته.... --------------------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه[/align]

صدقني ياسلمان ماخليت شي وشكل زوجة ابوي على مايقولون بعض اقاربي انها مسويه له سحر العطف وانا صدقت هالشي لاني لما اشوفه قدامها يصير طيب وحبوب معاها وينفذ كل اللي تبغاه منه والمشكله لمانصير مع بعض انا وابوي واختي ردينه يجلس يتأسف لي ولاختي ويقول لنا اعوضكم كل شيء ومجرد ماتجي عساها للموت يقلب 180درجه وكأنه خايف منها .
الود ودي مو اجرها مع شعرها الا اسحبها بالهايلوكس وامسك فيها طريق الرياض القصيم . بس خوفي من الله واحترام للوالد هو اللي خلاني اصبر وامسك العصا مع النص .مشكور على هالدرر

[خالد2007]

اقتباس:  المشاركة الأصلية كتبت بواسطة بسومة بريده     اسمح لي اقول ان ابوك مهكاكه....ولا هو عمى مايشوف... ابدأ قبل بأبوك ولا بنت الناس الله لايوفقها بتلقى جزاه من رب يمهل ولا يهمل... خلك قريب من ابوك واكسبه ولا تخبون عليه شي مما يصير من زوجته.... واختك لازم تحتويها ولا تترك زوجة ابوك على كيفها والله لاسطرها بنت قريح ....عساه للعقوبه... تحسبوا عليها وهي تسمع وكان له قلب وتخاف ربه بتوحش وتعقل... الله ياثركم عليه...قهرني هالوضع هذا جهل وتخلف...

شكرا بسومه على تعاطفك . تصدقين اختي رقدت بالمستشفى قبل سنتين والسبب في البدايه قالت اني طحت من السلالم وصار عندها رضوض في اليد والاضلاع وبعد ماطلعت من المستشفى وجلسنا شهر خبرتني اختي باللي صار .
اللي صار ان خوات زوجة ابوي جايات زياره لنا وزوجة ابوي طالبة من اختي تكنس البيت وترتب الحديقه وطبعا اختي راحت عليها نومه .تصدقين ضربتها بعصا المكنسه وهي نايمه مع ايديها وضلوعها ويوم شافت انها ورطانه هددتها لو قالت الحقيقة وقالت لها قولي طحت من السلم .
يمكن تقولون يبالغ لكن والله انها الحقيقة وبعد فيه اشياء العن من كذا بس الشكوى لله .

[خالد2007]

اقتباس:  المشاركة الأصلية كتبت بواسطة eivl girl     [align=center] اذا انت اخوها مانفعتها كيف تبغاهم هم ينفعوها مرت ابوك حرمه مهما كانت تقدر تخليها تحت رجليك لو كنت رجل قد الكلمه هدد ابوك انكم بتطلعون من عنده لماكن ثاني اذا ماعدل بينكم ووقف حرمته عند حدها واذا هي متساويه عنده دبر حل فعلي واطلع كلم خوالك احد تعرفه ياخي اقل شي الشؤن الاجتماعيه اماااااا حرمه تقواك هذي كبيره بعيني سراحه طلع رجولتك يويمن قادمها وقدام ابوك وشف وشلون بيتعدلون واكثر معكم ترا انا ماحب الي ماياخذ حقه اذا تبي اأدبها لكم ماعندي مانع[/align]

لو كان العنف معاها هو الحل كان لعنت ابو خامسها وماعندي مشكله بس انا شخصيا مااحب الضرب والعنف لان سبق وضربتها واللي دفع الثمن انا واختي سوا .يعني يهددوني باختي ..تخيلي لما اضربها وابرد قلبي واطلع للاستراحه .مين اللي يدفع الثمن هي اختي يلعنون خامسها.بالله كيف احلها ؟ علموني