مطبخ الشيف ((ابوغرام))

ابوغرام · 29-03-12, 01:32 am

السلام عليكم ورحمه الله وبركاته

مساكم وصبحكم الله بالخير

اخواني واخواتي

طول الله اعماركم على عمل صالح ويرزقني واياكم من واسع فضله

طبعا اجازه وعادي جدا تروح لبيتكم يومين ماتلقى احد منهوله رايحين مادري

الموهم ونا طالع من العمل قلت مهب انا الي امر مطعم

المهم ونا افسر ذرعاني وادخل المطبخ عاد وش بسوي قلت ياولد

دام اغلب الناس تطبخ المقلوبه بكاتم نطبخه لكم بقدر

طبعا مهب زي طبخ خواتنا له قلي لا طبخنا له بالكاتم بس بقدر.

بسم الله ونتوكل على الله

اول شي المقادير

ملح بهارات زبده

بصل طماطم

بطاطس باذنجان

كوسه وقرع <<<اهم شي

اول شي نجيب القدر ونحط بالاول البصل والطماط

بعد كذى نصف الخضار بالطريقه هذي

بعدين نحط عليه الدجاج ونضيف الملح والبهارات بالطريقه هذي ويكون الملح ناعم

بعدين سلمكم الله نسلق الرز بماء وملح

والي يبي يضيف شوي زبده خير وبركه علشان مايتماسك الرز

بعد ماسلقت الرز ولان الرزشوي اضفته على الخضار والدجاج وحط عليه الزبده مع اني بضيف حبحر بس منعدم من الثلاجه

همن سلمكم الله احط قبل الغطاء قصدير واسكره لان الخضار والدجاج ماطبخ والقدر مايمسك البخار تصير القصديره تساعد شوي على كتم البخار وطبعا نخليه على نار هاديه لمد 30دقيقه

عاد الحين مع الطبق الرئيسي ماسنه مابه الا هو

وزي ماانتم شايفين نتيجه الوقفه بالمطبخ

وصحه وهناء على قلوبكم

وان شاء الله يعجبكم

كروومه · 29-03-12, 01:41 am

وعليكم السلام ورحمة الله وبركاته !!!

مشالله تبارك الله وش هالزين طول عمرك شيف ياابو غراام

تسلم الايدي على هالطبق الشهي الله يعطيك العافيه

وشرفت المطبخ !!

تقييم +تثبيت

المنغره · 29-03-12, 01:46 am

طبعا اجازه وعادي جدا تروح لبيتكم يومين ماتلقى احد منهوله رايحين مادري
<<هههه خلهم يستانسون

ماشاءالله شكله لزيزه<بعذرك مستحيل تذوقه زينه مع ربعك ذذذ

بنتظارابداعك

سلطانة الغيد · 29-03-12, 01:55 am

ماششاء الله عليك ياخوي أبـــــــوغراااااام

طبـــــــاخ درجه أولى
عافاك ربي يوم صنعت
وهناك يوم أكلت
تسلم يمينك يالشقردي

ابوغرام · 29-03-12, 01:56 am

اقتباس:

المشاركة الأصلية كتبت بواسطة كروومه


	وعليكم السلام ورحمة الله وبركاته !!! مشالله تبارك الله وش هالزين طول عمرك شيف ياابو غراام تسلم الايدي على هالطبق الشهي الله يعطيك العافيه وشرفت المطبخ !! تقييم +تثبيت

الله يسلمك ويعافيك يارب

هذى من ذوقك وحسن ذاتك

والف شكر لك

ابوغرام · 29-03-12, 01:58 am

اقتباس:

المشاركة الأصلية كتبت بواسطة المنغره


	طبعا اجازه وعادي جدا تروح لبيتكم يومين ماتلقى احد منهوله رايحين مادري <<هههه خلهم يستانسون ماشاءالله شكله لزيزه<بعذرك مستحيل تذوقه زينه مع ربعك ذذذ بنتظارابداعك

يستانسون بس ينتبهون للي يدامون من الفجور منلويه زقومهم

الله يسلمك من ذوقك الف شكر

شـــــويـــــب · 29-03-12, 01:58 am

الطاااالب تفوق ع أستاذة
يسلام عليك يابوغررررام
مقلوووبة شكلها تجنن
عوااافي عليك

ابوغرام · 29-03-12, 02:02 am

اقتباس:

المشاركة الأصلية كتبت بواسطة سلطانة الغيد


	ماششاء الله عليك ياخوي أبـــــــوغراااااام طبـــــــاخ درجه أولى عافاك ربي يوم صنعت وهناك يوم أكلت تسلم يمينك يالشقردي

الله يسلمك ويرفع قدرك ويوفقك ويصلح لك النيه والذريه

وهذى من ذوقك وحسن ذاتك

الف شكر اختي ام في

ρяєѕтιgє gιяℓ · 29-03-12, 02:06 am

أوخس يا أبو غرام
ما تلعب

ما شاء الله شكلهه يشهي
تسلم الأيادي
ولا تحرمنا من طبخاتك
عوافي

ابوغرام · 29-03-12, 02:06 am

اقتباس:

المشاركة الأصلية كتبت بواسطة شويب المنتدى


	الطاااالب تفوق ع أستاذة يسلام عليك يابوغررررام مقلوووبة شكلها تجنن عوااافي عليك

منكم نتعلم ونستفيد

الله يعافيك ويسلمك من ذوقك

الف شكر نوورت الموضوع بطلك

ابوغرام · 29-03-12, 02:08 am

اقتباس:

المشاركة الأصلية كتبت بواسطة طآبتن بآلبرتسه


	أوخس يا أبو غرام ما تلعب ما شاء الله شكلهه يشهي تسلم الأيادي ولا تحرمنا من طبخاتك عوافي

الا العب بلياردو

الله يسلمك ويعافيك يارب

من ذوقك وحسن ذاتك

الف شكر

تااج الورد · 29-03-12, 04:46 am

وش عنده اسامه السيد مدهر

من قبل لا ادخل الموضوع داريه ان السالفه

رز وقرع وكوسه

وراه مريسه يصلح لشيبان ذا يكيفون عليه ماغير يجرعونه جرع

مير وين الدجاج مااشوفه او لاخفه وانت تنتسب عجزت تصبر