أشين موقف قابلته بحياتك ..... أرجو التفاعل

[عاشقة الطير]

السلام عليكم ورحمة الله وبركاتة
هذا موضوع جى على بالي وحبيت أطرحة لكم فيعني أبي كل واحد يكتب أشين موقف أو محرج طبعا مانبي كلمات غير مشروعه فيجب أحترام شروط المنتدى مع خالص التحية

[وليد الطريقي]

اشكرك على تلك الفكره النيرة والمسلية

اما عن نفسي فقبل ايام ......... الله لا يعيده

زرت احد اباء اصدقائي بالمستشفى وعند وصولي سلمت وقلت الخال ابو احمد قالي نعم تحمدت الله له بالسلامة وعطيته هدية وباقة ورد وسالت عن ابنه الي هو

صديق وينه قال وصل مشوار المهم من بكره اخبرت ابنه انني زرت الوالد وشكرني يوم صار بالليل اتصل صديقي على قال ان الوالد يقول ما زارن رفيقك

اثري غلطان رايح للمريض اخر لاني ما عمري شقت ابو احمد والد زميلي احمد ولعل الهدية كسبها الرجال

وانا كسبت انني اتهمت بالكذب لولا معرفة صديقي بي ولما شرحت له الحكاية تفهم

الحقيقة موقف مرررررررررره مخجل ولكن رب ضره نافعة هههههههههه

[البراق999]

والله موقف رهييب يابو عبدالله

اما موقفي انا

قبل فتره صار لي موقف وش اقول اقوى من محرج ... كانت ام احمد زوجتي طبعا معزمه عند ناس المهم وصلتها هناك وبعد تقريبا الساعه الثانيه عشر اتصلت على علشان اخذها . الصدفه انه كان فيه عزيمه عند جيران اللي عازمين ام احمد .. طبعا جيت ووقفت السياره وجلست انتظر ام احمد تطلع شوي والله العظيم الى الحين وانا اتخيل الموقف طلعت حرمه من البيت الثاني وشوي وتفتح الباب وتركب قسما بالله تفاجاءت وقلت وش تبي هذي الله يستر المسكسنه من شافت وجهي انحرجت ونزلت وهي تركض .. عاد انا قلت بشوف وين تروح طالعت من المرايه واثر زوجها معه نفس سيارتي وواقف وراي في نفس الشارع .

بصراحه موقف كل ماتذكرته جلست اضحك . ... مع اني وقتها كنت خايف يكون على طلعت ام احمد وتقول وش تبي اللي راكبه معك عاد وش يفكنا من الحريم

الغريبه والله العظيم صار نفس الموقف في الرياض بس هالمره مصريه كنت واقف عند مستوصف والى هذي تفتح الباب وتركب

انا بصراح بديت اشككك بروحي قلت يمكن اني جميل وانا ماادري .ههههه مافيه امل

للمعوميه هذي الموافق حقيقه وليس خياليه وقسما بالله انها صارت لي والله ستر منها

عاشقه الطير : سلمت يمينك على هذا الموضوع ومشكوره
دمتي لنا بالف خير وعافيه

تحياتي

[دموع رجل]

احم احم نحن هنا


ابو عبد الله
ثاني مره قل انت فلان الفلاني بالاسم (( مو الكنيه))


ابو احمد

الله ياجميل يا قاهر الصبايا اللى ها الدرجة الوسامه

يا عيني يا كا بدهم


موقفي

إذا ذكرت الموقف انقهر

يوم كنت في الابتدائي خصوصا صف ثالث

كان لدي شقيق قاهر المدرسين ومصرقع بالمدرسه صرقعه ما راحت ولا جت
ضعيف بالدراسه
ومعي في نفس الفصل
وانا على العكس تماما هادي وجيد ولا لي من الشيطان طريق

حصل مره ازعاج في الفصل مثير المشكلة اخي وواحد من الطلاب (( المهابيل )) خويه

اصوات وتصفيق وتصفير وقلب الفصل فوق تحت
حتى ان المدرس راح ونادى المدير
وقاله والد الفلان ( اخي ) وولد الفلان ( صديقه)

هم مصدر الازعاج ويجب طردهم من المدرسه

المهم
جاء المدير زعلان وهو اذا زعل وخر عنه

وحصلني واقف امام الفصل
بكل براءه

وبدون مقدمات

عطاني ذاك الكف يوم صفرت اذني
وانا ما ادري وش السالفه
\وخذ الدمووع اربع اربع

حتى الدرس الاخير وانا ابكي

واحضرم واقول مارايح ادرس ابدا

واخوي
احم احم
فزعتي بالمدرسه
ماجاء يسألني وشف فيك
بالعاده يحب الهوشات

على قولة العجز (( خبر عيده عنده))
المهم يوم طلعت الطلعة واروح لامي وابكي عندها واقول لها خلاص مارايح اروح للمدرسه
جائت امي لاخي وسألته وش السالفة
وقالها من طق طق للسلام عليكم

وقالت مالقى يضرب الا هالمسكين

الكلام هذا يوم الاحد
الاثنين والثلاثاء والاربعاء غياب

تصدقون حتى الان حاقد على المدير من تلك الفترة
اشوفه احيانا ودي اخذ بالثأر للظلم ؟؟؟؟؟







.

[دموع رجل]

عاشقة الطير


تسيت

<<< حتى الان متاثر بالكف
الف شكر على الموضوع

جددتي احزاااني

[عاشقة الطير]

أفا هذا سويا الرجال تروح ولا تاخذ حقك على العموم الله يسامح اللي ما يتسامح وبالنسبة لك يا وليد هديتك أنشاء لك فيها أجر والبراق بصراحة موقف محرج أشوى أن زوجتك ماشافتك كان ياساتر أستر على العموم مشكورين كلكم على الأطلاله الحلوة مع خالص التحية والتقدير

[هادي الطبع]

انا حصل لي موقف محرج مع اهل زوجتي طلبت زجتي البرغر الي يحط في التبوله ورحت افتكرته برجر ياعيني وطاير جايبه له
يوم اخذته جاملت وماقصرت بس ارسلت اخوها والله والعالم اني انكشفت مااعرف ماقالت شي هي لي