قمركم بيسافر كندا صفقوا له ..

[the-moon]

[align=center]السلام عليكم ورحمة الله وبركاته

يالله حيهم كلهم

حبايب البي أنا قدر الله علي >> بدا دوامه
أقولكم يالحبايب أنا طالب خبركم وقسم إنجليزي وبإذن الله جازم بروح لكندا بالإجازة
خبركم الواحد هناك يبدا يعرف يرطن ويستفيد منهم وبالمره يستانس ويكحل عيونه بعد
ومعليش لا أحد يقعد يحاول بي ماعندي نيه أقعد رايح يعني رايح الله لا يعوق >> مشكله
المهم لا تضيق صدوركم منب مطول عليكم وبتواصل معكم من هناك لا تخافون
لكن انا حطيت هالموضوع للي قد راح أو عنده خبر بالبرا
يعني يفيدنا نصايح فوائد تنبيهات اللي يجي منكم حلو

ولا تنسون تدعون لي بعد

وعلى فكره لا احد يجي يمارس حقه القانوني بقوه يصير متأثر بطابورهم لأني أقشر
وايضا بهذه المناسبه احب أهدي هالأغنية للغالية عفواً إنقطع الإتصال

المهم شباب وصبايا
لا أحد يبخل علي بأي معلومه عن كندا أو فائده أو نصيحه أو كم قرش يساعدن بهن والأجر بإذن الله مهب ضايع وبعد اللي عنده وظيفه مسائي ولا يبي نقل معلمات

حبايب ألبي شدو حيلكم وإبن إبوه اللي يدخل ولا يرد هنه
وبعدين بما إنكم داخلين داخلين فرصه أقولكم راجعوا هالموضوع يمكن يفيدكم


الرابط[/align]

[عبدالله بن سلمان]

الاخ/ the moon وفقك الله
ارجو لك رحلة سعيدة موفقة واذا احتجت اى معلومات عن البلد سوف اقوم بتزويدك بها
من المطار وحتى السكن والخارطة السياحية والمعاهد والجامعات ....
لك تحياتي / عبدالله بن سلمان

[the-moon]

إيه تكفى حبيب ألبي

كل اللي عندك هاته تراي أدور وجازم

[العصامي]

لاتنس تأخذ جهازك معك لأنك تجد إتصال لكن لن تجد جهاز يكتب عربي
والدراهم أبشر ياخلفهم عطني رقم حسابك وأبشر إن وصل المؤشر لــ 20000 عشرين الف
لأحول لك اللي تبي
وبعدين إنتبه لاتكحّل عيونك بكحلهم تراه خطر يصيبك رمد أو تراخوما

يسر مقلته ماضر مهجته 00 لا مرحبا بسرور جاء بالضرر

[the-moon]

العصامي

هلا والله بك
زين والله مادام الدعوى به دراهم بدعي إن المؤشر ياصل بس ياخي واجد 20000 وراه ما يصير لين ياصل 10000 لأنه ذيك يبيله مسك سرا زي حق البنك العقاري وربي يوفقكم إن شاء الله ويعوض خسايركم

وأمزح حبيب ألبي عاد من زينهم هالحمص يعععععععع

[العصامي]

المهم خذ جهازك معك

[the-moon]

العصامي

قصدك الاب توب ؟

[العصامي]

نـــــــعم

[the-moon]

العصامي
يامن الثانكيو والله على هيك تنبيه
وبإذن الله منب ناسية

وش غيره شباب من النصايح

[عتال]

النصيحه لاتنسي الورد بعدكل صلاه فجر وعصر والله الله لاتنسي امك ماتكلامه ( قلبي على ولدي وقلب ولدي على حجر)

وترجع سالمآ غانم انشاء الله

وحفظك الله مع السلامه

[the-moon]

عتال

مشكوور وبإذن الله الورد بنستمر عليه
والوالده أنا أقدر أبطي عنه

وشكرا

[راشد الصليحان]

الله يحفظك ويستر عليك ويرجعك لأهلك سالم غانم

[لمبة شارع]

مون....

يعني تبي تروح لكندا وتجي مشخص وتنزرق بالقلينزي اللي (يبي) يصير معك!!!

المهم شوف

خذ جهازك معك...

وخذ اغراض وضوء طاسة ولي...

وخذ قهوة وهيل اذا كنت من اهلهما او من المارين بهما...
واترك الانزراق بشوارع الانزراق اللي في الديرة اللي بتروح لها..لاتقعد تصير مثل البنقال اذا شخصو يوم الجمعة بشارع الخبيب...
واحرص على دينك لا يضيع واحرص على قراءة القرآن تراها تجلي الهم...
وخذ معك قواميس مناسبة خاصة المطبوعة على ورق..لأن الالكتروني مايخدم إلا اذا صرت عجل.او رايح مشوار لكن في المراجعة والمذاكرة المطبوع احسن...لأنه يحط لك الجذور والاشتقاقات قدامك في الصفحة..
وبعدين تعال هنا... :

اقتباس: المهم لا تضيق صدوركم منب مطول عليكم وبتواصل معكم من هناك لا تخافون

ايه هين!!

والله ماندري عنك!!

بكرى تسجل دخول من كندا وتناظرنا من فوق لتحت وتقول : اخوكم مون ..مونتريال...وتبدأ تتريق علينا وعلى تخلفنا...

[ابوسليمان22]

الفكه غنيمه وبعدين ما خبرت احد يبي يتعلم انجليزي يروح لم كندا .
بعدين اعرف واحد راح لكندا يقول ما فيه أمن الوضع خطير .

[هين هين]

المهم لاتنسى تاخذ معك (رز)

انتبه لاتنحرق الكبسة

والله ماتدري بس خمس دقائق والدفاع المدني باالمطبخ
ابلش تحقيق
لكن فيه طريقة امكع سلك جرس الانذار


خوش نصايح

تحياتي