اخبار الهلال من المطار الى الفندق ؟؟؟؟ ودمعة سامي

[{ آإلبدر }]

بسم الله الرحمن الرحيم

اخواني الزعماء

السلام عليكم ورحمة الله وبركاته

سأحكي لكم ماذا حصل اليوم من قبل وصول البعثه لي قبل قليل بالفندق .

الساعه الخامسه وصول ( منصور ) إلى مطار الكويت الدولي لإستقبال البعثه الهلاليه .

وعندما وصلت كنا في الاستقبال انا وعدد لاباس به من جمهور الهلال .... لأن في فترة وصول

البعثه كانت في اوقات الدوامات ( الحمدلله ماخذ إجازه )

تأخر خروج اللاعبين ...... وتأخر اكثر ؟!!! .... استغربت انا ومن معي ؟

لين خرج شخص وقال البعثه في قاعة التشريفات ..... ( الكل انصدم ) وعلى طووول على القاعه

المهم انا طلعت على الفندق على طول لان الفتره اللي انتظرنا فيها طولت وقلت اكيد البعثه

راحت الفندق ... دقيت على الفندق ابي اشوف وين مكانه !! وقلت البعثه وصلت ردوا وقالوا

ايه وصلت تبي تكلم احد منهم !!!!!

رديت على طول ( الكابتن ياااسر القحطاني ) شوي الا ياسر وياي على الخط .
رحبت فيه وتحمدت له وللبعثه على الوصول وتنويرهم للكويت
رحب فيني واشاد بوقفت الجماهير الهلاليه كاافه والكويتيه خاااصه ماراح اقولكم وش صار

بيني انا وياه بالضبط ( خااااااص )

وفور وصولي للفندق والقى الدعيع وعزيز والغامدي براا يسولفون سلمت عليهم وقلت لهم

نورتوا الكويت ومن السوالف قلت حق الغامدي والدعيع بالحرف الواحد ناديكم يناديكم والكل

عارف المقصد ردوا وقالوا لا ان شاءالله حنا من ابناء النادي ...

دشيت الفندق وعلى طول الدور الثاني الا قدامي العنقري واسلم عليه وقلتله ابيك تنسينا الدوخي

رد وهو يضحك وقال ان شاءالله . واسلم على المفرج والياس والصويلح

شوي الا نواف التمياط واسلم عليه يا جماااعه الشخص هذا قمة الاحترام سلمت عليه وكانه

يعرفني من 10 سنوات وعلى فكره بنروح انا وياه بكره الصبح نزور ابو واحد من الربع في

المستشفى .
شوي الا القحطاني واسلم عليه وقلتله انا اللي كلمتك قبل شوي رحب فيني وسولفنا وصورت

معه وقلتله ذبحت الخروف للتايب ورد ضاحكآ وقال ( لا بذبحه هو )

شوي الا الاسطوره سامي والله هذا الشخص عجيب وحساس الا ابعد حد

ويوم شفته وشافني قلتله ( أخيرآ تحقق الحلم ) واسلم عليه وصورت معه

وجينا للدمعه ليتني ماقلتها ( سامي جيت الكويت مرتين وبكيتنا والله( يوم خسر الهلال البطوله الخليجيه وكأس آسيا السنه الفائته ) والحين فرحنا يوم التأهل
قرب بكيتنا للمره الثالثه بخبر إعتزالك ويوم انك تقول مر تاريخي علي يوم انا بأطلع ويدش مالك بكأس العالم مر علي انا تاريخي مع سامي خلال 14 سنه شجعت فيها الهلال والسبب اللي حببني بالهلال هو انت يا سااامي والله يا جماااعه يوم قلتله الدمعه بعيني
لو قاعد اسولف معه شوي كان بكااا لان الدمعه بعينه )

الحمدلله الشباب متفائلين لأبعد حد وكلهم وعدوني بتقديم اداء مشرف

هذه احداث معسكر الهلال اليوم في( فندق الرايه ) وليس كما قال الاعضاء فندق ماريوت

وان شاءالله نغطي تمرين الغد مع الصور

نأسف على الاطاله

اخوكم المحب للهلال وجمهوره ///// منصور من دولة الكويت الحبيبه ....,,,,


م
ن
ق
و
ل
من شبكه الزعيم

[خبوبي ضاربها]

حشى هذه قصه من قصص الف ليلة وليلة
على العموم ان شاء الله نفرح بهزيمة الهلال حتى تصير دموع الهلاليين اربع اربع

[&رحـــال العــمــر &]

[align=center]ألاخ منصور
مبروك فوزالهلال مقدماً وإن شاء الله الليلة ( هلاليه) ؟؟
وعقبال مانباركلك بكاس آسيا ؟
ــــــــــــــــــــــــــــــــــــــ
تحياتي لك بالتوفيق هلالي صميم ..[/align]

[ابو متعب]

شكرا لك والله عجيب هاالهلال سيد اسيا

[مجنون بهبالي]

مشكوور ياهلالي

[{ آإلبدر }]

اقتباس:  المشاركة الأصلية كتبت بواسطة خبوبي ضاربها     حشى هذه قصه من قصص الف ليلة وليلة على العموم ان شاء الله نفرح بهزيمة الهلال حتى تصير دموع الهلاليين اربع اربع

وين الوطنيه الله المستعان

[ابوقش]

نفرح بالكاس ان شاء الله رغما عن الحاقدين

[ابوقش]

اقتباس:  المشاركة الأصلية كتبت بواسطة خبوبي ضاربها     حشى هذه قصه من قصص الف ليلة وليلة على العموم ان شاء الله نفرح بهزيمة الهلال حتى تصير دموع الهلاليين اربع اربع

هههههههههههههههه تبطي عظم ...

ماهو حنا اللي نخسر لاننا زعمائك وزعماء الانديه هع هع هع