جرذي فيه عزة نفس.....

[الراية البيضاء]

كل شخص له أعداء لكن أحد أصحابي كان عدوه جرذي كان هذا الجرذي مخرب
بيوت كان دائما كل يوم نأتي للإستراحه نجد عشة الحمام محفرها وكاب الماء يعني
خلها على ربك أو يحفر الثيل(النجيل) أو داخل المطبخ حدث ولا حرج !

المهم جاء خوينا وحط له غراء فإران يوم صار بكرا جاء إلى مكانه وجد الغراء في
جهه وجحره في جه يعني فر .. قال خوي لنا آخر انا اللي ابقضي عليه فجلس فوق
الغرفه ومعاه ام صتمه (بارود)فجلس ينتظر هذا المجرم حتى يخرج من جحره
فأول ماخرج رمى صاحبنا جمبه وكل مره نفس الطريقة فقلت أنا اللي سوف يقضي
عليه ....

فجمعت الواح خشب وشبك حديد ومسامير وو أغراض الشغل كلها ..
المهم جلسنا في الدكه اللي في الإستراحه والشباب جالسين يضحكون ومبسوطين
وأنا جالس أطق في هذه الحباله أو المصيده فجلست يومين وأنا اصلحها المهم ..
خلصت منها وأنا أطق آخر مسمار سمعت شي يتحرك في زاوية الدكه وبيدي مطرقه
فخرج الجرذي من يمين الدكه أول ماشفته حلت المطرقه بشكل سريع ولولبي فأصبت
الهدف فاجتمعنا عليه وتأكدنا أنه مات .
فالجرذي يفكر ويقول أموت بحادث ولا أموت وأنا ممسوك ..... واللي سوته
حطيناه توالف للحمام .... هذا والله أعلم

فهذه القصه حقيقه حاصله لي قبل 4 سنوات