حرامي لابس بشت

خطاوينا · 08-02-08, 04:43 am

[align=center]:
<<<<<< هذا المعرف الماثل أمامكم كان اسمو جيفارا..
وغير اسموووو لدواعي امنية وعرقية..
:
عندي صديق مصري مقيم في السعودية..
ويعمل معي في نفس الشغل.. وما بيحبش الريس ديالهم..
بعكسي أنا اللي اموت في الرئيس ديالنا ودياله اللي يعزوون عليه وديال الديال كلهم..
:
سعه البيه صديقي حكى لي قبل سنة..
أن جمال مبارك..
نجل الرئيس المصري حسني مبارك..
استدعى وكيل سيارات (بيجو) في مصر وطلب منووو يشاركه..
صديقي المصري يقول ان وكيل بيجو قال له وكم بتدفع للشراكة..
قال له جمال: ولا جنية.. بصير معك شريك ففتي ففتي على الارباح..
وكيل بيجو راح لحسني مبارك يبغى منه الفزعة..
وقال له القصة..
قام الرئيس المصري وقال: كم عندك ولد..
قالو وكيل بيجو اثنين..
رد الريس: طب ما تخليهم تلاتة..
دا جمال زي ابنك..
اعطية ثلث الربح..
انا يوم قال لي القصة..
قلت الحمد لله احنا ما عندناش زي اللي عندكوووو..
:
بعد السالفة ذي بسنة.. يعني قبل اسبوعين..
اتصل علي تاجر عقار كبير..
وقال تعالي لي في الشركة ابيك في بزنس..
عاد البزنس اللي بينا وبينهم.. فقط إعلان للجريدة..
ياخذ منو الصحفي نحو 15 %..
انا طرت له بصراحة محتاج فلوس مواعد عضو في المنتدى يسافر وياي في مارس..
بوسع صدري وأخربه..
:
رحت له وقال انا عندي مشروع ضخم في الشرقية..
المشروع انا املك فيه 40% و40% لمستثمر اجنبي خليجي داخل معي شريك..
وابي منك دعم لوجستي اعلامي علشان نسوق المشروع..
وإعلانات تسويقية بننشرها عندكم في القرنان (الجريدة)..
:
انا بفضولي قلت وين العشرين الباقية لمنووو..
قال لا ذي حصة اللي ما يتسمااااااش علشان يمشي المشروع..
عاد انتو دورو اسم اللي ما يتسماااااااش..
قلت له.. أأأأأف داخل معكم شريك.. قال لا ذي اسمها إكرامية..
قلت نعنبو بليسك وتقولها ببساطة رجال ياخذ حقك.. وانت عااادي..
قال لا ذي تصير في اي مكان في المملكة..
ما يمشي مشروعك الا معك شريك..
قلت في نفسي اااااوف وانا اقول ليش رااااح فيها الدريبي (النزية) اثره ما شره أحد..
طيب ليش الشراهة.. دا عندهم براميل النفط...
عاوزين ايه تاني..
الأمل في ابو متعب يوقف الحرامي عند حده..
تقبلوووو ودي....
:[/align]