موضوع هام للمقبلين علي الزوج

[عابر القارات]

حبت اقولكم الي صار لي قبل زواجي علشان تخذون حذركم
القصه وما فيها اني رحت احجز قصر افراح لزواجي ومثلكم عارفين زحمت قصور الافراح تجبرك انك تحجز بدري ورحت لـ........... ببريده وحجزت عندهم قبل زواجي بفتره والموضوع كله مرتبط با الحجز
المهم اتفقت انا وراعي القصر علي يوم محدد ويكون علي حسب تقويم ام القراء
وكتبنا الكلام ذا با العقد وركزو اخواني دايم علي العقد اكتبو كل شي فيه با التفصيل احسلكم
وبعدها عطيته العربون الي طلب ومشيت وقمت ارتب اموري علي هذا اليوم
ونسقت مع اهل العروس وطبعت الكروت وعزمت الربع وكل شي تمام التمام.
وبدت المشكله معي قبل العرس بسبوع يوم دق علي راعي القصر وقالي
عرسك تقدم يوم انصدمت من كلامه ومفهمت شي من الي يقوله
وقلتله انا جايك اتفاهم معك ورحتله القصر علي شان اعرف السالفه
وقابلته وبعد ما سالته قالي زواجك قدمناه لئن الشهر ناقص
حاولت اني افهمه ان اتفاقي انا وياه كان علي تقيم ام القراء وموعدنا ماله دخل
في نقص الشهر او زيادته ولاكن ما فيه فايده وجبتله العقد وخليته يشوف كتابته وانه مدون ملاحضه فيها الكلام ذاء ولاكن لاحيات لمن تنادي.
عرفت بعدها ان الكلام معه ماراح ينفع .
والمصيبه ان الزواج مابقاله شي ولا ادري وش اسوي ورحت للجهات المختصه وقدمت شكوا فيه وقمت اطارد المعامله من دائره الي دائره لين جبته بس بعد تعب اهلكني واجبرو راعي القصر باالقانون انه يلتزم با الاتفاق وفعلن صار عرسي با اليوم المحدد ولاكن بعد ماتفلت العافيه
والي فهمت من السالفه ان واحد دافع لراعي القصر اكثر واخذ هذا اليوم
واختلق قصه الشهر الناقص والله اعلم .وماقلتلكم سالفتي الي علشان تنتبهون ولا يصيرمعكم الي صارلي

[شال رجال]

الحمدلله طاح قلبي اول ماقريت القصة احسبك تورطت مع الناس لكن الحمدلله على السلامة
لايكون الموضوع فيه اجنبي بس

[محمدm7md]

الحمدلله على تمام زواجك عابر القارات واللهم اجمع بينكما بخير

وليت من يحجز قصر لفرحه انه يأخذ التاريخ بالميلادي مع الهجري

[أبو حكيم]

أولاً مبروك ..... وعقبال الذرية الصالحة


ثانياً تجربتك هنا هي تعليم لمن سيسلك هذا الطريق ,,,,,

الحمد لله جت سليمه ,,,, موفق أخي عابر القارات


تحياتي لك ....