[align=center][grade="8B0000 B22222 A0522D DC143C DEB887"]كل منا له ذكرياته التي لا ينساها سعيدة كانت أم حزينة
ولكل منا مواقفه التي غيرت في حياته الشيء الكثير
أما أنا فلا تزال صورة والدي ( رحمه الله ) في مخيلتي منذ أن فارقنا قبل سنوات .. تلك الصورة التي غيرت فيني الشيء الكثير والكثير
ولأن صورته لا زالت باقية فإن لدموعي وحزني خربشات على ورق الألم أنثرها بين أيديكم لتدعوا له بالرحمة والمغفرة[/grade]
.................................................. ........
باكتب أوجاعي على رمل النفود
حتى أنساها وتروح
واكتب أفراحي على صم الجبال
لجل تبقى .... وما تروح
بس ..... ما اقدر
إيه ما اقدر
والألم بالقلب عمَّر
وصرت أبكي
واسمحوا لي لو بكيت
***
صرت أتذكر جراحي لا غفيت
عندها دموعي تسيل
وصرت أبكي
واسمحوا لي لو بكيت
***
ما لي بعد الله سوى هذي الدموع
لجل أنسى هالطعون
ويبقى عندي
للفرح عيد وشموع
***
آآآآآآآآآآآآآه يا دنيا المواجع
كل ما فيها فواجع
ومن فقدتك يا يبه
والحزن للقلب رااااااجع
وصرت أبكي
واسمحوا لي لو بكيت
***
كيف أنسى يا يبه
يوم إني جيتك
وآنا كلي شووووووق لا اقبِّل يدينك
وصرت غافي وانتظرتك
بين عينٍ تفتدي ماطاة رجلك
وبين قلب يدعي الله
يا عسى بلطفه يعينك
وصرت أبكي
واسمحوا لي لو بكيت
***
دقت الساعة ثمان
للأسف يا زاير ارحل
انتهى وقت الزيارة
وصرت أبكي
واسمحوا لي لو بكيت
***
كيف أرحل
وانا بعدي ما سألته
يا يبه بشرني عنك؟؟
يا يبه طمني عنك؟؟
كيف حالك؟؟
المرض زلزل كيانك
يا عساه يكون فيني ولا فيك
وصرت أبكي
واسمحوا لي لو بكيت
***
كيف أنا بصبر لباكر
وآنا متعود أشوفه
يبتسم ثم يحمد الله
ليه يا عيالي تجون
ما أبيكم تتعبون
أنا طيب
يعني باطلع
واجتمع معكم في بيتي لما أرجع
وصرت أبكي
واسمحوا لي لو بكيت
***
يالله يا وليدي مشينا
ما لنا بها الديرة مقعد ...انتهينا
والله يمه !!!
يانا مشتاق لْـ بريدة
إي نعم مشتاق حتى لمزرعتنا
وبيتنا اللي به تربينا وجمعنا
مع ابوي
على فكرة .. وين ابوي ؟؟
هو طلع وإلا بنمرَّه
ناخذه ويروح معنا
وصرت أبكي
واسمحوا لي لو بكيت
***
الله يمه !!!
ياهو مشتاقٍ لبيته
أتذكر يوم جيته
قال :اسمع يا وليدي
لا يجي في بالك إنك
تترك بريدة وتروح
وصار حب بريدة يمه
جزء من حبي لبوي
وصرت أبكي
واسمحوا لي لو بكيت
***
بس يمه
ليه دمعاتك بعينك؟؟
يا عساني ما انحرم لمسة يدينك
صار شي وما أعرفه ؟؟؟
قولي يمه
وين ابوي ؟؟
أسألك بالله يمه .. وين أبوي؟؟
جاوبتني وهي تبكي
الله يغفر له توفى
وما قدرت أحكي خلاص
وصرت أبكي
واسمحوا لي لو بكيت
***
كيف يمه !!!؟
جيته البارح وهو غافي يا يمه
وما قدرت آحب راسه .. خفت يصحى
يا عسى نومه عوافي
قلت باكر لما اجيه
راح أضمه حيل من شوقي عليه
وصرت أبكي
واسمحوا لي لو بكيت
***
آآآآآآآآآآآآآه يمه ..وش بقى لي
غير إني
أدعي الله في جنانه
يا عسانا نلتقيه
وصرت أبكي
واعذروني لو بكيت
.................................................. ..........
أيها الأحبة أستميحكم العذر في الإطالة و عدم ارتقاء الأسلوب لما يرضيكم
ولكم التحية والتقدير
محبكم
ابو هليـــل[/align]
صرت أبكي ........ واعذروني لو بكيت
العرض الشجري