تجيناالخادمه من بلدها
نلبسها العبايه والطرحه
ونحرم عليها كل انواع الترفيه
وكثير منا تحبسها بالبيت بحجة
(لجل ماتخربها شغالات البيوت الثانيه
ولجل ماتطلع اسرار البيت)
وعود وتهديد لاتمرين من عند زوجي
لاتكلمين عيالي
لاتلفزيون لامسجل ولاحتى راديوا صغير
ولاشتاقت لهلها ودمعت عيونه قلنا اعوذ بالله ياكثر شكواها
ولما تختلق اي عذر لجل ترجع ديرتها نقول هذي ماجت تشتغل
جايه تلعب كم يوم وتروح ونندب على الخساير وضياع الفلوس
وهي هربانه من سجن وسجان
ونرجع نقدم على شغاله ثانيه من اول وجديد
ونعيش نفس الدائره
استغرب واتعجب
نسينا انها في ديرتها مثلها مثل الرجال
تسوق سياره
تطلع حتى دون حجاب (لبعض الديانات)
كيف نسجنها ونطالبها تشتغل
حتى دون ان تشتكي؟
صحيح هي جايه تشتغل وتستلم راتب
بس تراها اولا واخرا بشر
فلاإفراط ولاتفريط
العرض الشجري