كل عــــــــــــــــــــام !

[بدر بن عبدالله الدخيل]

.

.

الشموع ..

وكيكة العام الجديد ..

وطيبتك .!

والدموع ..

وضيقة الحلم البعيد ..

وغيبتك .!

والدخون !!

اللي يسولف للغضا ..

والسكون !!

اللي رضيته .. ما رضا .!

يا فضا ..

ليه رايق ؟

تو عامك ما بدا ..

ليه فايق ؟

والألم ما له مدى ..

والصدى !!

آااه يا طول الصدى ..

لو يفضفض لك عن اللي في حشاي ..

ودَلـْوَك اللي ما تشبَّث في رشاي ..

وقشة المعروف ..

وظلوع البعير .!

والرحى .!

والسعير اللي جرح خد السعير ..

والنجوم !!

اللي توضَّاك الضحى ..

والغيوم !!

وحرفي اللي لو محيته ..

ما انمحى ..

والعريش اللي رسمتك فيه همسة ..

والظِلال اللي تعكَّز متن شمسه ..

والشبابيك الكذوبه !

والمراجيح اللعوبه !

والزوايا اللي ملاها ..

الغل ..

والعجوز اللي بلاها ..

الذل ..

واصْفَقَت خمسه بخمسه !!

وانا وانتي ..

والغلا اللي دوم يكبر ..

واعذابك ..

كيف اصدق ؟

والبس الثوب الجديد !!

في غيابك ..

كل يوم يمر ينقص ..

من حياتي ما يزيد .!

ما عليه ..

ما اقدر اخيب ظنونك ..

ما عليه ..

بضحك لخاطر عيونك ..

وامسح الدمعة واقول .!

يا بعد دنياي كلي ..

يا بعد عمري وملّي ..

كل عام وحبك اكبر ..

كل عام وحبك اكبر ..

كل عام وحبك اكبر ..

كل عام وحبك اكبر ..

كل عام وحبك اكبر ..

بـ دم / بدر الدخيل !