يحكي لي احد الشباب قبل كم يوم قصة عجيبة.. يقول انها حصلت له يوم الشباب قبل اكثر من 10 سنوات
القصة فيها عظة وعبرة ودرس .. قلت شي طيب ان نتامل فيه جميعا
يقول هالشاب انه قبل الزواج كان على علاقات مع بنات.. وانه مبتلي بهن
ساعده في ذلك وسامته من جهة وسهولة تواصله معهن من جهة ثانية
يقول في يوم من الايام عشت ارهب لحظة في حياتي .. خلتني اعيد حساباتي من الصفر
يقول في يوم من الايام كنت متواعد مع وحده من اياهن.. بشيلها من السوق وتقضي مع وقت
يقول بعد ما تأكدت من الموعد.. وانه نصف ساعة وتكون في مكان تواعدنا
رجعت للبيت بسرعة عشان اتروش واغير ثيابي واتعطر واتضبط..
يقول دخلت غرفتي.. وجلست اتزكرت واتضبط.. وفجأة الا والتلفون يرن
ويبدو ان هناك من رفع السماعة قبلي.. لكن رفعتها.. لاستمع لصوت اختي التي تصغرني بعام
وهي تتحدث مع شاب في الهاتف ودار بينهم الحوار التالي
هو : هلا .. وش صار علينا ؟؟؟
هي : جاهزة.. ومشتاقة لك مووووت
هو : طيب وين ومتى..؟؟
هي : أنا قلت لامي اني مواعدة صديقاتي بعد المغرب باسواق....... ومن هناك باطلع معك
هو: يعني أكيد..؟؟ تراي ميت شوووق
هي : أكيد.. أنت ماعليك الا بعد صلاة المغرب مباشرة تجي وتاقف عند السوق
هو: يابعدك يالمغرب.... ساكون بانتظارك
رفيقي يقول من هول الصدمة صرت ما أدري وش أسوي..؟؟؟
اضحك.. والا اصيح..؟؟ وألا اروح لاحتي واطب بطنها..؟؟ يقول قعدت وقت وأنا ساهم
فكرت اني انزل لاختي .. اهزئها.. واهوشها... بس....
بس فكرت اني انا قاعد استعد عشان موعد مع وحده لاتحل لي....
يقول وانا في خضم هالجو.. رن جوالي واثاريها رفيقتي ....
يقول نظرت اليه.. وشعرت بغصة كبيرة تخنقني.... وماشعرت الا وأنا ارمي بالجوال بالجدار
وجلس ابكي.. وابكي.... حتى دخلت علي امي.. واستغربت من وضعي
يقول: ولاني عارف ان ماجاء اختي كان بسببي انا.... قررت اني اتغير عشان احافظ على اختي
ومن يومها غيرت الجوال.. وغيرت حياني .. وقطعت كل صلة لي بالبنات
أما اختي فكان لازم اوقفها عند حدها.. وافهمها اني عارف سلوكها..
والحمدلله انه بعد حواري معها من دون مايدري احد.. عرفت ان علاقتها مع ذاك الشاب سطحية
وانه ماوصل لامور قذرة معها... وعشان احميها منه رحت وقابلته بعدين ونصحته.. وقدرت اني احمي اختي منه
صراحة قصة ممكن تصير بمكان ثاني.. لكن الجميل فيها انها كانت سبب في توبة الشاب
وهي درس بليغ وأكيد عن ان من يدنس أعراض الناس.. سيأتي من يدنس عرضه
ومثل ماقالوا: العرض دساس أو مثل ماقال الشاعر
من يزني يزنى ولو بجدراه.... نسيت البيت..
والشاهد ان الانسان لابد ان يكون حذر في تعامله مع نساء الغير..
لان محارمه قد تتضرر من الرجال الآخرين.........!!!!!!!!