قصة المعلمات مع زواج المسيار

[عادل الحبيتر]

أبتسم مع المدرسات السعوديات

قصة مديرة سعودية:-

تدور القصة حول مديرة مدرسة عزباء غابت عن المدرسة يومين وحين عادت لمدرستها قابلنها المدرّسات بالسؤال والسلامات وينك يا مديرة ؟
قالت لهم : باركولي تزوجتمسيار!!! .
قالوا المدرّسات : ألف مبروك .. بس مين سعيد الحظ ؟؟
قالت لهم : بصراحة زوجي هو زوج وحدة فيكم !!
المدرّسات : تكفين علّمينا أي وحدة منا ؟
قالت المديرة والله ما أعلمكن .
المهم لزّموا عليها .. قالت : أنا ماني متكلّمة .. لكن اللي تبي تعرف هو زوجها وإلاّ لا تجيب بكرة معها 500 ريال

وإذا جت توقّعالصبح تحط ال500 على الطاولة .. واللي آخذ فلوسها معناه زوجي ما هو زوجها .. واللي أخلّي فلوسها على الطاولة وما آخذها فهو زوجها ... عيب عليّ أتزوج زوجها وآخذ بعد منها 500 ريال !!
وافقت المدرّسات على هذه الطريقة .
ويوم جاء بكرة .. وكل وحدة مزهّبة معها الدراهم ..
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت الم درّسة الـ 11 بدت المديرة تتأفف .. المهم حطت الدراهم على الطاولة .. قالت لها المدرّسة : تكفين خذيها يالمديرة قالت المديرة : اعذريني قالت المدرسة كانّها قليلة حطيت ألف بدال الخمسمية ..

قالت المديرة : أووووووووووووه معليش أثرك أنتي جواهر والله إنّي آسفة غلطت !!

تنفست المدرّسة وقالت : الحمد لله يعني بتاخذين الفلوس ؟؟ المهم أخذتها المديرة ..
ودخلت بقيّة المدرّسات حتى الـ 23 والمديرة تلعب بأعصاب كل وحدة وفي النهاية تأخذ الخمسمية ..
المهم بقي مدرّسة واحدة ماجت .. اتصلوا عليها المدرّسات : هاه وينك يا أستاذة ؟؟ قالت : والله إنّي تعبانة وماني جايّة .. هاه من صار زوجها اللي متزوج المديرة ؟
قالوا لها : لين الحين مابيّن شي والمديرة عيت تاخذ الفلوس لين نحضّر كل المدرّسات ( يلعبن عليها بس يبونها تجي عشان يطّمّنون إنها هي لأنه ما بقى إلاّ هي ) وقالوا لها المدرّسات : لازم تجين تكفين ..
المهم جت تسحّب رجليها بالقوة ويوم جت تدخل .. المدرّسات كل وحدة مبسوطة إنه ما هو زوجها ,, المهم قالت لهم المديرة:

الدراهم ( 12000 ريال ) ما راح ترجع .. وأنا والله لا تزوجت ولا شي لين الحين عزوبية .. !! بس كنت مريضة هاليومين .. ولكني أطلبكن قبل شهر تدفعن على 100 ريال نصلّح المصلّى ولا وحدة منكن دفعت .. قلت والله لأدفّعكن 500 ريال نصلّح المصلى ونشتري مصاحف وقف للمسجد .

قالن المدرسات : بالعافية فداك الدراهم ولو تبين زود عطيناك هو صدق بس رجالنا ماتزوجوا علينا00؟؟

[رانســـــــــّي]

حللللللوه||||| يالله نفع بهن,,,

[الياسمينه]

حققن الرقم القياسي بالطمع هالسعوديااات ههه
مشكوور

[عادل الحبيتر]

مشكور يارانسي ويا ابجوره

[خربشآت نآعمه]

آوووووووووووشت..

وربي الحريم ضعيفات .. يآآعومري ياللي جآية تتسحب..!

>>شفتوآ قد ايش نخاف عليكم انتم ووجيهكم..<<

[مخرج تلفزيوني]

خربشات
دايم ماشالله عليك تدافع عن الرجال
قمة الإنصاف الله يسلمك

[عادل الحبيتر]

خربشات ناعمه انا اشهد انهن بعضهن ضعيفات
وصح هن يخافن على رجالهم بس اذا سمعوا طاري زواج
الاخ مخرج تلفزيوني اشكرك جزيل الشكر

[SoMe'One]

.

.


حلوووهـ

بالله ماتعرف لنا أحد يزوجنا ذا المديره

[عادل الحبيتر]

الاخ/ some one
المشكله غيرت رقم جوالها هههههه امزح

[جرحي أكبر أسبابي]

يا ضعف الحريم مسكينه والله

[تاجا بريده]

الحمدلله والصلاة والسلام على رسول الله وعلى آله وصحبه أجمعين يا عالم يا اخوان ترا السيار مو زين تكفون لا احد يزوج مسيا اذا هو متزوج ويبي يتزوج يتزوج خل مرته تدري عادي تزعل شوي بعدين ترضا عادي جدي متزوج 3 ولا احد قال شي حتا الام

[عادل الحبيتر]

ناجا بريده
الله يوفقك

[علشانك بس]

خوف الزوجات على زوجاتهن لهالحد بينقلب ضدهن بيوم من الأيام ,,
معروف ان الرجال اذا عطيتيه وجه ودللتيه قلب عليك وتزوج وحده ثانية ,,
واذا وريتيه العين الحمراء بدا يضرب لك ألف حساب ,,
واذا احد فتح له سيرة الزواج استغفر وتعوذ من الشيطان ,,
مع ان رجال الحين ماتآمنينهم بسبة الدشوش والبلاوي المتلتله اللي يشوفونها كل يوم ,,
لكن حنا نسوي اللي علينا والباقي على الله ,,

[الشاطئ]

اقتباس:  المشاركة الأصلية كتبت بواسطة علشانك بس     خوف الزوجات على زوجاتهن لهالحد بينقلب ضدهن بيوم من الأيام ,, معروف ان الرجال اذا عطيتيه وجه ودللتيه قلب عليك وتزوج وحده ثانية ,, واذا وريتيه العين الحمراء بدا يضرب لك ألف حساب ,, واذا احد فتح له سيرة الزواج استغفر وتعوذ من الشيطان ,, مع ان رجال الحين ماتآمنينهم بسبة الدشوش والبلاوي المتلتله اللي يشوفونها كل يوم ,, لكن حنا نسوي اللي علينا والباقي على الله ,,

علشانك بس

الزوجه الحشامه لايمكن أن يفرط فيها زوجها إطلاقا

أما راعيات الهذر والمذر والكلام الطويل والقوانين

فأعتقد أن تداوى بأخرى وعساها تزين بعد

ياحوووول يارجال الطيبين اللي يقدرون الزوجه

يتعبون وراهن وما كو فايده !!!

[oldman]

اقتباس:  المشاركة الأصلية كتبت بواسطة علشانك بس     خوف الزوجات على زوجاتهن

واحد يسولف عليّ وهو متحمس يقول أخو زوجتها

ومن الحماس مالخبط
**
[line]-[/line]
سبحان الله وبحمده
....عدد خلقه ...ورضا نفسه.... وزنة عرشه ....ومداد كلماته....
---------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه