حذروا نساءكم من........؟

[رععد]

حذروا نساءكم من........؟

السلام عليكم ورحمة الله وبركاته
لقد لاحظت ولاحظ غيري أن كثير من النساء ببريدة وغيرها من المدن الاخرى بدأن يأخذن لاستشارات الطبية والنصائح الزوجية واليومية والتوصية بالاعشاب ولادوية والفتاوى الشرعية من اناس غير معروفين ولاموثوقين ولربما بعضهم يرشد شخص بقصد الاساءة الاوهي الشات بالقنوات الفضائية ممن لايعلم بمن يقوم عليها

[شميساوي]

[align=center] وعليكم السلام ورحمة الله وبركاته

أشكرك اخوي على اهتمامك بحال الناس ...

والله انك صادق كل من هب ودب بدا يوصف للناس علاجات شعبيه وماتدري منهوا ...

خاصة اللي يجيك ببعض القنوات التجاريه البحته اللي تبي قروش الرسايل (( بس ))

ومايهمها صحة الناس ... اللي يرد على أسئلة الناس بشريط الرسائل اللي يطلع دايم اسفل

شاشة التلفزيون .... والله يحفظنا والمسلمين اجمعين ........[/align]

[رحّــال]

عاد شعبنا مايكذبون خبر


وماعقب مكينة سنجر شي ,,,



كل الشكر ,,,

[لبيه]

وهي غريبه حريمنا الله يرحم حالهن دورهن عند تفسير الاحلام والفتاوي ودويات صخاين الحريم والخربطه توصف علاج للناس وهي معتله وش نحذر ووش نخلي يامغسل الموتى من يغسلك بعض الرجال اخس من بعض الحريم ايلا جيت لموجبات التحذير

خذ العينات الزينه للي يبن تحذير

ام عبدالله

معه ثمانية خمس بنات وثلاثة عيال وضايق صدره ماحملت وله سنتين يادافع البلا ماخلت شين ما جربتوه غرفة نومه ولا دكان عطارة التسريحه كله أصرة سفوف ومخلوط عشردز وصبر وحلتيت وفايحة ريحة بيته ولو تسمع بطاري الشات بالقنوات سنترت .. ياميمتي تعوذي من الشيطان وارضي بالقسمه ابيّكم من الديون جته النفاضه ومن ملاحق بزارينتز جاه ضغط وسكر وكونزون بالتوفي

وام سليمان

ماهنا اكثر من حلومه وحلوم تصدق كل يوم تزهم على المشايخ مرة شايفة بسه بصالة بيتهم تمخش ابوهم وطلع تفسيره الشغالة خاينة ومرة عليه اسواره وانقطعت وطلع تفسيرة تبي اتعور بالبنية التاسعة ومرة شايفتن بعير يودز على بيت جيرانهم وطلع تفسيره ابو جيرانهم يبي يموت والمشكله ولا حلم طلع صح تدبج بلم من رز ابو كاس لحاله وتنبطر تقل بقرة ميته وهات ياخذاريف وتشغل الناس اما تبي تفسير حلم ولا تفسر للناس

وام ريناد

عاد لحاله ياااربيه انا لازم اسوي دايت من بعد ريناد زايد وزني ثلاثة كيلو ياربيييه وكل وقته قدام القنوات والانترنيت وصفات الدايت حافظتهم ومهتمه فيهم وتوصفهم للناس وتشارك بالشات وتبلع من حبوب النحافه واثمه مدود يصرع الطير فرشي سنونتس ياخيتي لايعرس عليتس ابو ريناد هاجتن من الجرف وتطيحين بالدحديرا.

ام افنان

مهملة بيته ورجله وعياله الصبح مدرسه والظهر نيمه والعصر بالحلقه والمغرب ساعة اجابة تروكع وعقب العشاء تاكل مكرونه وتكلم بالتلفون مع اخت في الله حش بخلق الله وتختمه بمكالمة للشيخ فتوى تصبيره ايلا باتسرويلاه صايرتن الساعه احدعش قامت بعصا على عياله كلاً يقرأ ورده وينام وفتحت قناة المجد تشارك بالتشات بعبارات دعوية ولاصارت ثنعش فهذا هو النصف الاول من الهزيع فرشت مصلاه وروكعت الي يقسم الله همن الساعه وحده تدخل منتدى المرأة المسلمه تناقش مواضيع مثل كيف تقسمين وقتك بما يرضي الله وكيف تحافظين على زوجك وابناءك وتسترسل بحقوق الزوج والاود ولا صار الاربعاء راحت تعلل عند امه خواته مجتمعات ولا تجي الا الساعه وحده مرهقه وتطيح الا ظهر الخميس وترتب شراب الايدين والرجلين ناوية تغزي السوق كالعادة كل عصر خميس تسان اخوه مبارك ماعزمهم باستراحته والجمعه روكعه استغلال لبركة هذا اليوم بما ينفع وتقول وراه ابو أفنان ماله خلقي انها العين ورب الكعبه كاثر الحسد من هالشغالات وسحرهن

خلجات لو ابتل بهالمسيكينات ما قضيت ولو اطمع ان حقين المنتدى مايحذفون تسان جلدتهن جلد

ياخيي الشق اكبر من الرقعه

[عبدالله الحلوه]

وماذا يجدي التحذير مع عقول فرغت حتى من الاتعاض بالغير

الناس تتهافت على اشياء يثقون بانها غير صحيحة ولا اعلم ماسبب ذلك

تحياتي

[سحايب نجد]

وصارو الناس الناس اقرب لزوجه من زوجها لانها تفضفض وتطلع بلاويها بحكم انها مسكينه ومظلومه وتكفيكم قسم الاستشارات تشرشح زوجها وتقول ساعدوني
بالاضافه الى نسبه الغباء المنتشر بينهن وهوس تفسير الاحلام

[العبرى]

اللي ماعندها سالفة..
تروح هناك تسوي لها سالفة..!

وطبعاً كل ليلة تكرر العادة..!!



تحيتي,,,

[علشانك بس]

وليه تاخذ من ذا الوصفات الشعبية والعلاجات .. !!
مو كلله عشان زوجها .. !!
شوفو شلون الحرمة تدور رضى زوجها ووناسته حتى بمضرة نفسها ,,
لكن هالرجال مايفيد فيهم ابد ,,
قطيعة تقطعكم رجال ,,

[محب الأشجار]

بسم الله الرحمن الرحيم


جزاك الله خير على الطرح الجميل والمثمر .

موفق بإذن الله ... لك مني أجمل تحية .

أخوك في الله / محب الأشجار

[(*§ حـــــور §*)]

اقتباس:  المشاركة الأصلية كتبت بواسطة لبيه     وهي غريبه حريمنا الله يرحم حالهن دورهن عند تفسير الاحلام والفتاوي ودويات صخاين الحريم والخربطه توصف علاج للناس وهي معتله وش نحذر ووش نخلي يامغسل الموتى من يغسلك بعض الرجال اخس من بعض الحريم ايلا جيت لموجبات التحذير خذ العينات الزينه للي يبن تحذير ام عبدالله معه ثمانية خمس بنات وثلاثة عيال وضايق صدره ماحملت وله سنتين يادافع البلا ماخلت شين ما جربتوه غرفة نومه ولا دكان عطارة التسريحه كله أصرة سفوف ومخلوط عشردز وصبر وحلتيت وفايحة ريحة بيته ولو تسمع بطاري الشات بالقنوات سنترت .. ياميمتي تعوذي من الشيطان وارضي بالقسمه ابيّكم من الديون جته النفاضه ومن ملاحق بزارينتز جاه ضغط وسكر وكونزون بالتوفي وام سليمان ماهنا اكثر من حلومه وحلوم تصدق كل يوم تزهم على المشايخ مرة شايفة بسه بصالة بيتهم تمخش ابوهم وطلع تفسيره الشغالة خاينة ومرة عليه اسواره وانقطعت وطلع تفسيرة تبي اتعور بالبنية التاسعة ومرة شايفتن بعير يودز على بيت جيرانهم وطلع تفسيره ابو جيرانهم يبي يموت والمشكله ولا حلم طلع صح تدبج بلم من رز ابو كاس لحاله وتنبطر تقل بقرة ميته وهات ياخذاريف وتشغل الناس اما تبي تفسير حلم ولا تفسر للناس وام ريناد عاد لحاله ياااربيه انا لازم اسوي دايت من بعد ريناد زايد وزني ثلاثة كيلو ياربيييه وكل وقته قدام القنوات والانترنيت وصفات الدايت حافظتهم ومهتمه فيهم وتوصفهم للناس وتشارك بالشات وتبلع من حبوب النحافه واثمه مدود يصرع الطير فرشي سنونتس ياخيتي لايعرس عليتس ابو ريناد هاجتن من الجرف وتطيحين بالدحديرا. ام افنان مهملة بيته ورجله وعياله الصبح مدرسه والظهر نيمه والعصر بالحلقه والمغرب ساعة اجابة تروكع وعقب العشاء تاكل مكرونه وتكلم بالتلفون مع اخت في الله حش بخلق الله وتختمه بمكالمة للشيخ فتوى تصبيره ايلا باتسرويلاه صايرتن الساعه احدعش قامت بعصا على عياله كلاً يقرأ ورده وينام وفتحت قناة المجد تشارك بالتشات بعبارات دعوية ولاصارت ثنعش فهذا هو النصف الاول من الهزيع فرشت مصلاه وروكعت الي يقسم الله همن الساعه وحده تدخل منتدى المرأة المسلمه تناقش مواضيع مثل كيف تقسمين وقتك بما يرضي الله وكيف تحافظين على زوجك وابناءك وتسترسل بحقوق الزوج والاود ولا صار الاربعاء راحت تعلل عند امه خواته مجتمعات ولا تجي الا الساعه وحده مرهقه وتطيح الا ظهر الخميس وترتب شراب الايدين والرجلين ناوية تغزي السوق كالعادة كل عصر خميس تسان اخوه مبارك ماعزمهم باستراحته والجمعه روكعه استغلال لبركة هذا اليوم بما ينفع وتقول وراه ابو أفنان ماله خلقي انها العين ورب الكعبه كاثر الحسد من هالشغالات وسحرهن خلجات لو ابتل بهالمسيكينات ما قضيت ولو اطمع ان حقين المنتدى مايحذفون تسان جلدتهن جلد ياخيي الشق اكبر من الرقعه

ماخليت شي ماقلته بهالمسيكينااات
لا وريضن بهن ماقضيت بس خايفن من المشرفين
قلهم يقشعونه للاستراحة <<<<واعتقد انه هذا هو الانسب للموضوع
وخذ راحتك وش وراااك هههه

[شموع تحت المطر]

وش حارقكم..!!

خل يتابعن وياخذن اللي يبن ويدهرن

هن اللي بينضرن اوب انتم.. وش عليكم..

[مشعل باسكلاني]

الله يرحم ايام عجزنا صافات عند محلات العطاره وتقعد تجمع من هالاعشاب وترجع للبيت تضبط انواع الخلطات الكيميائيه

الحين تطورت منفوحه قنوات وتشاتات والوصفه توصلك وانت جالس تفنجل

جد بنات اليوم مدلعات حتى على مستوى الوصفات

والوحده بدال ماتقعد تدربي راسه ورى هالقنوات وهالوصفات تمسك جدته ولا كبيرة سن بالعائله وتقعد تساله عن التركيبات القديمه ..اكيد بتكون محتفظه بالميموري ببعض الوصفات

وبكذا نكون ضربنا عصفورين بحجر...استفدنا من خبرات العجائز المهمله...وابعدنا عن القنوات النصابه

شطحت عن الموضوع كثيرا

عوافي