اوووووف طفـــــش
مدري وش اسوي بنفسي من بدت الامتحانات وانا صايره حالتي حاله مع النوم
كل شي جربته علشان انام
مرة وانا طالعه لغرفتي مروقه وادخل غرفتي وانا من عادتي اني ادخل غرفتي وبعدين اعطي
الباب كعب قوي واصكه واقفل غرفتي
<<< سلامات ...
واطلع جوالي وارميه على المخده مع انه دايم يطيح ورى السرير وابلش ادوره
>>> معااناات انا وياااه
وعااد صرت انط نط واسوى هبالات الله لا يوريكم
ورحت قدام المرايه اتميلح مع نفسي واكلم روحي وانكت شوي مع نفسي...
>>> منتهيه
والعب كراتيه مع صورتي بالمرايه .. واكلم نفسي بالمرايه وارفسها برجلي خخخخخخخخ
<< ولا جاكي شان
وبقية الحركات اللي انا دايم اسويها بشرط ما يكون عندي احد
عاد انا دايم انهي حركاتي هذي بقفزه على السرير وجلست نص قعده على السرير
يعني رجل على السرير ورجل على الأرض << يقال انه شرح الحين
وطالعت بجوالي العزيز ولقيت الساعه 11
ومن الساعه 11 وانا بفراشي وجنبي زمزميه(اللي هيا القاروره ) عبيتها شراب دوا الكحه يقولون
انه ينوم واصب واشرب واصب واشرب
نامت الزمزميه وانا مانمت >>> تهئ تهئ
تقلبت على السرير ,, انسدحت على الارض ,, تمددت فوق الدولاب ...نفس الحاااله ما قدرت انام
افففففففففففففف
قلت اجرب زي مايقولون أعد الخرفان لين انام عديت خرفان ..عديت بقر ..عديت بعارين !!!!
قعدت اعد واعد... لين طلعلي × بعير × فيه شد عضلي قالي ورى ما
تاكلين تبن وتخلينا ننام تراك ......ابلشتينا وابلشتي عيالنا بالركض والمطامر
المهم اني قررت اواصل وما انام زي العاده
واقوم وارمي البطانيه بحركه خطيره و قويه .... اعجبتني ... لدرجة اني سويتها اكثر من مره...
واقوم واجيب الكمبوطر قصدي أروح له وانسدح قدامه <<< انواع العجز والكسل
وادخل النت وادخل المنتدى اللي احبه
xxبريـــــــــــــــــــدهـxx
المهم دخلت وياليتني ما دخلت تدرون ليه
لقيت نفسي وحيده بالمنطدى
ولا فيه من يجسرني ويوسع صدري
بصراحة والله مالكم خاتمه تخلوني لحالي
وازعل زعل ولولا اني تعوذت من ابليس والا بغيت اشخمط على جدران المنتدى
بس تعوذت من الشيطان ...واصك النت وقلت احسن شي الحين اني
اني اممممممممم اني .... يؤؤؤؤ ولا لقيت شي اسويه
وتجيني الصيحة
وتقوووطر دموووعي ..
وتخنقني العبرهـ..
واقعد على السرير ومن الفضاوه ... مسكت جوالي وقعدت اعد الاسماء اللي فيه واذا وصلت
لرقم خمسة ما اقول خمسه اقول بووووم واسوي كذا مع مضاعفات الخمسه
<<<< ادري حالتي صعبه
بعدين احسست بالجوع قلت فله اقوم اوسع صدري واسويلي اكل
ولاني من زماااااااان مادخلت المطبخ سويت لنفسي احلى عشاء
وعلشان الكثير منكم بيسألني عن المقادير فراح انا اقولكم علشان ما تبلشوني بعدين
المقادير :-
** ترمس فيها شوي شاهي مصلح من امس
** كوبايه <<< بفهم بس هذي مقادير خخخخخخخخخخخ
** جبنه أبو بقره مدري أم بقره يفضل ان تكون البقره الضاحكه بس تأكد انها ذبح اسلامي خخخخخخخخخخخخ
** قطعة خبز بر <<< قطعه .. ترا كان قرص كامل الله يصلحك
الطريقه :-
اقطع قليلا من الخبز
ثم ضع بالقطعه قليلا من الجبنه واذا كنت مثلي تحب الغط (التغميس) فيمكنك تغميس
الخبز بالشاهي لتحصل على طعم ألذ
ثم كلها بالهناء والعافيه
مطرح مايسري يمري
’’ما يستفاد من القصه:
1_ شراب الكحه يجيب حرقان ...
2_ اكبر غلط تاكل البقره الضاحكه وانت في الاجااااااااااااازهــ..
3_اللي يواصل وما ينام بتضرب فيوزه وبيكتب موضوع مسل مسل هزا
ماكني طولتها وهي قصيره ...
ترا من جد التفث مو زين ويخرب النفسيه والامتحانات هي السبب
وصلااااااااااااااااااااامتكم
...
العرض العادي
