هذي حلالالاة المسياااار... وبس ...!!

[مدير خبرة]

نبتلش حنا يالرجاجيل بأرواحنا قبل الزواج ..من زود الفراغ..
وعشان كذا.. تلقى الواحد عضو باكثر من شلة.. واستراحة..
يطلع من هذي.. ويدخل ذيك.. وبينهن يسير على ذولاك...

وكله مهب حب لذيك الوجيه... لكن مالنا باليد حيله..
ونقعد نحسب للزواج الي بيفكنا من هالشلل..وبنية الحلال ..اللي تبي تنسينا زيد وعبيد..
ولاحط الواحد راسه على الوسادة .. خذ ياحلوم وياتخيل..
وعادي تخطم نانسي .. وبنت وهبي .. مع زينة الطبايع والاخلاق ..

وبعد مايتم المقسوم .. ونلقى بنت الحلال .. ونتزوج.. الله لايوريك ..
نحذر جميع خويانا بعدم الإزعاج .. وأن الوجه من الوجه أبيض (يعني لاتجي)
كله نحتري هالعسل ينكب علينا ويغرقنا... حتى يطلع مع آذاننا ..

وبس هي أيام أو أسابيع .. تطف المرة بنا .. تحس انه لقت شي تتلسى به..
نتفاجأ أن أكره شي للزوجة هو البيبت .. مرة خواته مجتمعات ..ومرة خالتهم زايره.. وثالثة أمه عليه قل صح..ومره ..ومره ..إلخ
حتى إذا شفت الوقع وأثره تقعد ببيت أهله أكثر من بيتك ؟

ويالله رح دور ربعك اللي تحللت منهم وقلت لا أحد يوريك وجهه..
حتى جوالك من زود القرادة غيرته.. عشان مايلقونك...
وأعز واحد منهم لك أول ..يبي يقولك رح للمعزبة خله تنفعك ؟

عاد إذا حملت.... هذي علووووووم ...
ياساتر ..أول الأشهر (متوحمة) ..وياويلك إن كانت عليك..
وآخر الأشهر (ثقيلة) ومالي خلق أشتغل لك..وزانت العلثة عشان تقعد عن أهله..
وأنت.. عندك المطعم والمغسلة ..و(تراي يالله اتحمل اللي في بطني )..

عاد إذا ولدت... 40 يوم ماتكفي عشان تخيط الجروح ‍‍؟
ويالله.. حتى إذا حسبته لقيت أنك أنت الضحية..
وعشانه مسيكينة.. وتعبانه.. أهله كل يوم عندك.. خاصة اذا كان البزر بكريه..
والا ماغير عند اهله وامه.. وعذره انه ماعنده خبره بالبزران.. ولازم امه تساعده..!!

وأنت الله مير يخلف...!!
أهلك متصورين إنك ببيتك ..وعند أم عيالك، ومغرقتك بالحشيمة والدلال..
وحالك مثل معيد القريتين ‍‍؟؟

أقول..
ولاتزعل الحريم منا..
ياحلالاة يالثانية وبس؟ على الأقل لاراحت الوحدة..
هذا إذا راحت وماصارت (باتكس) بالبيت عشان ماتروح للثانية ..إذا راحت عندك بيت ثاني.. يضفك ويهتم فيك
بس مشكلتنا يارجال هالوقت إننا نخاف إن المرة تتزوج علينا .. وندعي الله إنه ترضى بنا ..
خاصة إن كانت مدرسة ورافعة خشمة فوق ؟ ..بس ماتتصورون لو الواحد سواها (مسيار) كان ريح وارتاح .. وسلامتكم ...

[انســ حالم ـــآن]

عزيزي : أي شيء

يعني تتوقع ان الزواج متعه فقط

اكيد ان الزواج فيه مسئوليات والتزامات مترتبه عليه

واللي مو قده لا يقرب له

[بسومة بريده]

عاد ابلش بالحريم كل وحده تجرك شوي وجوالك مايوقف وينك وليش تأخرت يعني مافيه فكه...

[مدير خبرة]

اقتباس:  المشاركة الأصلية كتبت بواسطة انســ حالم ـــآن     عزيزي : أي شيء يعني تتوقع ان الزواج متعه فقط اكيد ان الزواج فيه مسئوليات والتزامات مترتبه عليه واللي مو قده لا يقرب له

الحين من قال ان الزواج متعة..؟
يعني على بالك الزوجة وهي مطيحة عند اهله
مسوية ام المسؤوليات..؟؟

عاد كلامك الاخير سنع وعجنبي
وصدق ماضرنا الا ان كثير من شبابنا
تزوجو وهم مو قد الزواج..

[مدير خبرة]

اقتباس:  المشاركة الأصلية كتبت بواسطة بسومة بريده     عاد ابلش بالحريم كل وحده تجرك شوي وجوالك مايوقف وينك وليش تأخرت يعني مافيه فكه...

احس ان التعقيب
لافن شمال شوي..

لكن شي حلو ان الحريم
يتنافسن عليك

صح الثانية غثا
بس يكفي انك تحس انك ملموم
اذا هيتتك زوجك الاولى
باجتماعات ومناسبات اهله

[نور سينM]

:1احس انك كاتبه من قلب..

ياسيدي..لاتاخذ ثانيه..وبس صفهم اربع وراح ترتاح...

[مدير خبرة]

اقتباس:  المشاركة الأصلية كتبت بواسطة نور سينm     :1احس انك كاتبه من قلب.. ياسيدي..لاتاخذ ثانيه..وبس صفهم اربع وراح ترتاح...

حلوة من قلب
لا وانتي الصادقة
من كبد

وعلى صفهم اربع ...
اوووووه بس لو يحصل

بس وحده
وقعدنا نحشذ من الي يسوى ومايسوى
وتبرعات جمعيات
واجار بيت وتاثيت..

وشلون لو صارن اربع

لا..
ومن بيوكلهن ذولي ؟؟؟

[تكرونيه كووول]

السلام عليكم ورحمة الله وبركاتة
اخي <اي شيء
المره السنعه سننعه حتى لو جاابت عشر تبقى سنعه وتقووم بواجبااته
صح مرااح تكوون مثل الاياام اولى في الزوااج لكن تبقى مره سنعه مؤديه كل حقوقه

ام المره الرفله (غير سنعه)
تطف صح للكن بعديين تبين على حقيقته

(لكن في هذا الزماان نادر تلقى مره سنعه)

يعني حتى لو تزووج اربع مااغير غثى ووجع رااس


شكرا

[مدير خبرة]

اقتباس:  المشاركة الأصلية كتبت بواسطة تكرونيه كووول     السلام عليكم ورحمة الله وبركاتة اخي <اي شيء المره السنعه سننعه حتى لو جاابت عشر تبقى سنعه وتقووم بواجبااته صح مرااح تكوون مثل الاياام اولى في الزوااج لكن تبقى مره سنعه مؤديه كل حقوقه ام المره الرفله (غير سنعه) تطف صح للكن بعديين تبين على حقيقته (لكن في هذا الزماان نادر تلقى مره سنعه) يعني حتى لو تزووج اربع مااغير غثى ووجع رااس شكرا

هلابك اختي تكرونية
وكلالالالالالامك سليم

واكيد بعد الرجال فيهم كثير ماعندك احد
والمشكلة اذا توافق رجل ارفل ومرة قليله سنع

والخوف يصير اكثر المجتمع منهم

[تكرونيه كووول]

اقتباس:  المشاركة الأصلية كتبت بواسطة أي شيء     هلابك اختي تكرونية وكلالالالالالامك سليم واكيد بعد الرجال فيهم كثير ماعندك احد والمشكلة اذا توافق رجل ارفل ومرة قليله سنع والخوف يصير اكثر المجتمع منهم

كلامك صحييح حتى الرجاال
لهذا السبب يكثر الطلاق لانه اصلن يحسبه مجرد تسليه ولعب مافيه مسؤلياات
لكن الله يستر على جميع شبااب المسلميين وبناات المسلميين ويصلحهم

شكرا

[بسومة بريده]

اقتباس:  المشاركة الأصلية كتبت بواسطة أي شيء     احس ان التعقيب لافن شمال شوي.. لكن شي حلو ان الحريم يتنافسن عليك صح الثانية غثا بس يكفي انك تحس انك ملموم اذا هيتتك زوجك الاولى باجتماعات ومناسبات اهله

لاالله يسلمك مالف ماشي عدال لاني رديت على هالجزئيه بس...

اقتباس: ياحلالاة يالثانية وبس؟ على الأقل لاراحت الوحدة.. هذا إذا راحت وماصارت (باتكس) بالبيت عشان ماتروح للثانية ..إذا راحت عندك بيت ثاني.. يضفك ويهتم فيك

[تربوي28]

ويالله رح دور ربعك اللي تحللت منهم

^
^
^
بك بك هالتدويره
أعتقد أنك لامست نوعاً من حياة بعض البيوت
فالمرأة خلف أهلها
والرجل مع شلته
والبيت خاوي على عروشه إلا من ليال تسرق بالحنكة
المشكلة أن الاعتياد على وضع معيّن يغفل أشياء كثيرة
وأخت واحدة كثيرة الإياب لأهلها تجعل باقي الأخوات مثلها
ويضطر الرجل للعودة إلى شلته
أما الثانية فهي لن تكون بأفضل حال من الأولى
فهي مثلها لها أخوات ولها التزامات عائلية
واقعد به بين ثنتين
والضحية هي الليالي

[غرشوبه الرعبوبه]

[align=right]وياسلام لو حنا بعد نعدد [/align]

[عاشق الكلمة]

ياأخي
المشلكة إن صارت الثانية مثل الأولى
طفة أول الأمر ووناسة
وبالأخير تصير معيد ثلاث قريات ـ مو قريتين ـ
لذا خلك على اللي عندك ـ ماودي أقول مهبولك ـ ..
الله يعينك على عضوات المنتدى تراك قاشرتهن ..

من جد
ضحكت على موضوعك ..

[أحاسيس مبعثره]

تصدق ان زواج المسيار اريح,,,,

حتى حنااا الله يصبرنااا عليكم خثى وهم ومقابل خششكم اللي تجيب المرض,,

يعني نغسل ملابسكم ونطبخ لكم ونهتم فيكم ونصبر على بلاويكم ياصبر الارض عليكم,,

وتشتكون بعد اصلن لو فيه واحد منكم يعرف التعامل مع الزوجه وعنده خلفيه عن الثقافه الزوجيه

كان ماصارت المرأه كذا,,