فــزعــتـكم يارجـــال القـصـيم.....

[البرنــسيسه]

مــساء الخير ........ للجميع.
صورة مع التحية...... لديوان المراقبة - المباحث الإدارية - أميرنا المحبوب .....
بصراحـــــة تفاجأت اليوم وأنا رايحة للمستوصف قوى الأمن وبالتحديد الموجود قبل دوار النهضة على اليسار وانت رايح شمال للدائري.

نظافـــــة معدومه مرررررررة وانتظار النساء وسخخخخخ بل بعد فيه حشرات ولافيه سلة مهملات ولو صغيرة ..... وقابلت حرمـــه جالسة تنتظر دوراها وقلتلها كم مره جيتي المستوصف قالت كثثثثثثير,,, قالت مافيه نظافة من زمان من يوم نقلو هنا قبل سنة وزود.... وبعدها جا دوري...أنا
طلبت ملفي قالوا ملفك مايحتاج وش اسمك يكفي حنا بنجددها بالكمبيوتر.....
طلعت فوق عند الطبيب والله العيادة وسخخخ ماتقول هذا مستوصف..حكومي تابع للداخلية
عطاني الطبيب ورقة للمحتبر ودخلت الحمامات اللى عند المختبرماقدرت اسوي العينة من االروايح والوسخ ولافيه صابون ومناديل.. قلت لزوجي بروح لحمام البيت أحسن .. رجعت وأعطيتهم العينة وبالغلط دخلت المختبر بس ياليتني مادخلت وساخه وكراتين مرمية بالسيب...وبصراحة النتيجة شكلها الله بالخير... ورحت الصيدلية أوسخ من المختبر..سأل زوجي واحد من العمال اللي يغسلون سيارة بالمواقف قال تشتغل هنا قال نعم وبعد مادخلنا قابلنا موظف قاله زوجي وين المدير قاله بالبيت من زمان ماشفناه ولا يجي الاقليل اذا فيه لجنة من الرياض...لاتدورعليه...وين الموظفين قال الدوام عندنا وقع وامش ماأحد يسال وبكرا وقع خروج أذا جيت بعد ... وذا عندك شغل لاتجي...سأله وين المساعد قاله هذا مكتبه
دخل زوجي لقى الحمامات اللي عنده نظيفة حتى السيب اللى عند مكتبه نظيف والموظفين بعضهم مقفله أبواب مكتبهم س 10 قدم زوجي شكو له من سوءالنظافة وياليت عندي صور أوثقها .
ياليت واحد من أعضاء المنتدى الأعزاء يزور المستوصف ويصور الممرات ومواقف السيارات وانتظارالنساء والعيادات والصيدلية والحمامات
علشان يوثق هالكلام أنا مادري كيف يعالجون الناس والمستوصف وسسسخ كذا...... والعمال يغسلون السيارات في المواقف.... وتاركين عملهم ونظافة المستوصف.....لضعف الرقابة عليهم...
من جججججججججججججججججججد شي يقهرررررررررررر وين الخوف من الله بس يبغون مناصب ووجاهه....ولا يداومون.(أكيد بعضهم)
واكبر دليل نظافة سيارة الإسعاف اللي عند الباب تمرض اللى ينقل عليها من وساختها.
مارياجعهم مدير الشرطه ومدراء القطاعات ليش مايتكلمون عن الوساخة وقل الاهتمام
شكلهم يروحون المستوصفات الأهلية وين مسؤلي الامارة ميشفون المستوصف ويزورونه فجأه ويكتبون الملاحظات للامير....بدون واسطات..
فـزعــــتـــــكم يارجال القصيم فالمستوصف يخدم القصيم كلها
لاتتكرر عندنا مفأجاة جــده....

[Modern]

صوتي مع صوتك !
الجميع كان يتغاضى عن سلبيات المبنى القديم املاً بأنتهاء المبنى الجديد!
لكن المفاجأه ان الجديد اسوأ من القديم من جميع النواحي !

[شميساوي]

[align=center]المشكله أكبر من كذا ...

تحصلين سنوياً يصرف ملايين الملايين لصيانة المباني و النظافه ...

و تروح هـ القروش في مخبات فلان و فلنتان من الناس ...

الدعوى كلها نطل ونهب .... كلن يقول مثل ما غيري ينطل أنا بعد أبي أنطل ...

واللي يزود الطين بله ... أن اللجنه المراقبه من زود دباشتهم شكلهم يدقون عليهم

قبل ما يجوون ,,, يقولون لهم : ترانا نبي نجي نفتش و ترى ما يدري أحد

و الدليل أن المدير يقعد للبيت وأذا صار فيه لجنه ,,,, جاك طاير للمكتب وأرتز به ...[/align]

[القصيعة]

.
.

فعلا أكثر شئ يشد أنتباهك داخل وخارج المستوصف

هي النظافة المعدومة ؟!! وسبق وكتبت عن هذه المشكلة

لكن لا حياة لمن تنادي .. للأسف !!!

http://buraydh.com/forum/showthread.php?t=187883

.
.

[تربوي28]

المستشفيات التي ليست من صلب وزارة الصحة
لا أحد ينتقدها
وإن وجد انتقاد فهو على طريقة ( يا حليل ولدي يلعب )
لذلك لن يكون الحال بأفضل مما رأيت
إلا إن تغيّر المشرف العام على الخدمات الصحية في تلك الوزارة

[البرنــسيسه]

Modern
شميساوي
القصيعه
تربوي 28

أشـــــــــــــــــــــــــــــــــــــكركم عــــــــــلى مـــــــــــــررررررررروركـــــــــــم

[MOON]

اقتباس:  المشاركة الأصلية كتبت بواسطة البرنــسيسه     صورة مع التحية...... لديوان المراقبة - المباحث الإدارية - أميرنا المحبوب .....

رأيي تجعلي الأمل الوحيد بعد الله سبحانه في اميرنا المحبوب
والله يعين

[مجودي7]

معقولة ...!

[بوتميم]

السكوت عن الحق شيطان اخرس ويجب ان نخبر من بيده التغير والاصلاح ولو كل شخص منا قال وش لي والمشاكل لغرقنا وغرقت بنا السفينة
على العموم قبل سنة ونصف كتبت في هذا المنتدى عن فرع الزراعة ببريدة ووضعه الماساوي وكلمت الدفاع المدني وجات لجنة من الرياض وتم التغير بمبنى حديث وجديد

[البرنــسيسه]

اقتباس:  المشاركة الأصلية كتبت بواسطة moon     رأيي تجعلي الأمل الوحيد بعد الله سبحانه في اميرنا المحبوب والله يعين

moon اذا تعرف صحفي ينشرها في الجريدة صدقني يتغير الحال وتوصل الأمير ونائبه حينها مايقصرون بس تنشر بالجريده ويتبنها أحد الأقلام المخلصة للمنطقة والدولة أو أحد المسئولين بالقطاع العسكري بالمنطقة يوصلها للامير

[البرنــسيسه]

بوتميم الله يسمع منك ونشوف تغير عاجل في الوضع أو الادارة والله الوضع خطير والمستوصف بؤرة لنقل الأمراض بين المراجعين وخصوصا الأطفال بسبب انعدام النظافة ومشكورر على الطله


مجودي 7 ياليت تزور المستوصف العنوان عندك مشكورر علي المرور
وين المراجعين مايكتبون ردودهم علشان نترقي

[سني متبع]

السلام عليكم ورحمة الله وبركاته ...
اللهم صل على محمد وعلى آله وصحبه أجمعين ...
البرنسيه ... أرى انك جانبت الصواب بإستعجالك في طرح الموضوع ... تدرين ليش ...

ببساطه سيعمد المدير على تغيير الواقع خلال 24 ساعه ومن ثم يسجل هو او من ينيبه في المنتدى بإسم (مستوصف قوى الأمن) وبعد ذلك يفند كلامك بعبارات كالقذائف وإطنابٍ في المديح -(مدح نفسه طبعاً)- مابعده مديح ... كان الأولى بك إستخدام التوثيق المرئي ... لإن أجناس هؤلاء-(وأقصد بهم من ضيعوا الأمانه)- قد تتلمذ عليهم إبليس في هذه الأيام ،فلم يعد لإبليس معهم منافسة ولسان حالهم يقول :

وكنتُ فتىً من جند إبليس فارتقى***بي الأمر حتى صار إبليس من جندي
فلو مات قبلي كنتُ أُحسن مثله***صنائع فسق ليس يُحسِــــــــــنُها بعدي

تحية من أعماق قلبي لكل غيور ... ورساله مني لكل خائن { يود المجرم لو يفتدي من عذاب يومئذ ببنيه، وصاحبته وأخيه، وفصيلته التي تؤويه، ومن في الأرض جميعا ثم ينجيه}
.. بارك الله في الجميع

[البرنــسيسه]

سني متبع
كلامك حلو بس ماقدرت أو المناظر اللي شفتها لان زوجي معي وطالع من دوامه ومستعجل
وياليت أحد الشباب في المنتدى يصور هم يداومون الصباح والعصر حتى س 7 ويعرضلنا الصور

واخو (االقصيعه) منزل في الرد حقه صور وشاخة مشكوررررررياليتكم تشوفنها هذا اللي برا وداخل المستوصف أعظم والحمامات والعيادات أوسخ بعد

[سامي الخبوب]

<<<<<<<< توتر بقووووه

[طالب وفا]

كم مره ادخل هالمستوصف
ولاشفت ماتدعينه
اما كلامك عن الصيدليه فللامانه بقمة النظافـــــــه