فاكــس .. عاجــــل ...!!

[" TWIX "]

يا دوب تطلع الورقة من الفاكس وأنا أستلم اضافة موضوع جديد
بآخذ رأيكم في محتوى الفاكس ..
طلب عاجل من الرئيس العام لشؤون المسجد الحرام والمسجد النبوي يطالبونني معهم
في إمامة الحرم أو في المسجد النبوي .. يعني الشريم ركعة وأنا ركعة ...
في شهر رمضان المبارك وأنا ماني متخذ امرا حتى آخذ آراءكم
أقول : إيه
وإلا : لا
واللي ما كد سمعت صوتي اللي يزلزل الدنيا ويهز اللي في بار وقلبه رايح فيها ..
تراي مغير أسمي تعرفون بريدة وعيونهم اللي تخز .. اللي لو يخزونك كان تنسى
الحروف الهجائية ..
المقطع بين أياديكم .. أذكروا الله عن العين ..

المهم ..
ممكن الله يخليكم اللي عنده مقطع لقاريء أو مسجد في بريدة قراءته تهز قلبي المكربن
واللي يبي مس بكم خطبة ومحاضرة وموعظة ينزله هنا
ولكم الأجر مقدما من الله فالدال على الخير كفاعله .. أنتشلوني من كنيستي"الاستراحة" اللي ما وراها
إلا راحة إبليس ...!!
أنا بانتظاركم قبل ما تضفن باب الحارة وطقتها..

لا أحد يجي يقول قديم الموضوع .. معي علم وفروا كلامكم ..

[زمن الغرباء]

والله أذكر فيه واحد ببريدة اسمه بندر الفضل
تبارك الرحمن
بس ماعندي مقطع له وماأدري بأي مسجد الان

ان شاء الله
ربي يعينك على نفسك
وعلى الصيام والقيام
على الوجه الذي يرضى الله عليك

الله ييسر لك

[" TWIX "]

زمن الغرباء ..

اقتباس: والله أذكر فيه واحد ببريدة اسمه بندر الفضل تبارك الرحمن بس ماعدي مقطع له وماأدري بأي مسجد الان

أشكرك رغم إني ماسك جلد من وصفك له ..
وصفوا زين لي لاتخلون رمضان ركض من مسجد لمسجد
من حين القلب يبي ترصيص وتبون ماتجي العشر إلا أنا مخربها
ورايح للبحرين ...
وصفوا زين حتى البقالات أذكروا اساميها .

شكرا لك من أعماق لغليغ قلبي .

[تَمَرّدْ]

[align=center]تويكس ايها المراوغ امازِلتُ هنا !

الإنسان يحتاج لقرأه تهز مشاعره بندفاع الإيجابيات

بإذن المولى سينتشلُكَ المرهفون من رذاله تلك القاذُورات بجلبهم لمبتغاك

انه القعقاع بن عمرو التميمي >تذكر هذا الاسم >>لِتو الإعلانات امامي

حماك الرب[/align]

[" TWIX "]

دفـئ..

اقتباس: تويكس ايها المراوغ امازِلتُ هنا ! الإنسان يحتاج لقرأه تهز مشاعره بندفاع الإيجابيات بإذن المولى سينتشلُكَ المرهفون من رذاله تلك القاذُورات بجلبهم لمبتغاك انه القعقاع بن عمرو التميمي >تذكر هذا الاسم >>لِتو الإعلانات امامي حماك الرب

ربما أنك تسمع بمقولة وخطط المدربين اللي والله ما عندهم ما عند جدتي
اللعب أرضي ..
خلاص طف الأنوار والزم الصمت الخير اللي من وراك ما نبيه ..

[تَمَرّدْ]

اقتباس:  المشاركة الأصلية كتبت بواسطة ..twix..     دفـئ.. ربما أنك تسمع بمقولة وخطط المدربين اللي والله ما عندهم ما عند جدتي اللعب أرضي .. خلاص طف الأنوار والزم الصمت الخير اللي من وراك ما نبيه ..

اهاذا حديثك ورمضان على الابواب

اخذلت ردك لي ولكن لابأس لـ تُمْرر بسلام المولى فالعفو مجاز هنا الاتعلم انك بمنتدى بُريده!!

ــــــــــــــــــــ>>>

هههه ووالله ان الدموع في عيني من الضحك على ذاك اللطيف تويكس

يأخي ليس من رواد استراحتك فالمطبخ هو استراحتي

[" TWIX "]

دفـئ..

اقتباس: اهاذا حديثك ورمضان على الابواب اخذلت ردك لي ولكن لابأس لـ تُمْرر بسلام المولى فالعفو مجاز هنا الاتعلم انك بمنتدى بُريده!!

مابالك أيها الدفء الناس قتلها الحر والشمس الحارقة وأنت تتغنى
بالدفء ..
كلامك يذكرني إني ثاني رجليني عند ابن جني وسيبويه..
تكلم عربي خل أفهمك ..

اقتباس: هههه ووالله ان الدموع في عيني من الضحك على ذاك اللطيف تويكس

أتقول هذا مازحا أم جادا أيها الفتى ..
<< سريع التأثر .. يعني اليوم مطوع بكر سربوت .. بس يبي توجيه ..

اقتباس: يأخي ليس من رواد استراحتك فالمطبخ هو استراحتي

ردك هذا خلاني أشك وأبصم بالعشرة إنك محفر استراحتنا تحفير
تكفى للمرة الثانية ألتزم الصمت وإلا بأقرب عبوة ناسفة لا أنسفك أنت والمنتدى
باللي فيه ..

[ابو ريما الخالدي]

عزيزي الغالي تويكس

أتفق معك في هذا الأمر
وكم أتلذذ بقراءة الأمام الذي يقرأ القرآن
بصوته الرائع بعيداً عن الزعيق والصراخ وكأنه يقرأ على طلاب أول الأبتدائي
أومن يقرأ الأيات وكانه يقرا مجلة أو جريدة
فلاتجد لذه في الأيات ولا حلاوه ولاطلاوه

في العام الماضي
كنت في المسجد المقابل لحلويات العليان التي في أسفل طلعة الخليج
أمام يمتلك قراءه خفيفة وصوت رائع ماشاء الله عليه
لاأعلم هذه السنه هل سوف يصلي أولا
بأذن الله الليلة أو غداً سوف أكون معه

دمت بود وتقدير ياغالي

[بنت البدائع]

المقطع هذا غيررررر
خشوع وخضوع يتجلجل بالأعماق

لدرجة أن أغلب الأطفال يرددونه غيباً وبالحرف الواحد
جزى الله الشيخ خير الجزاء

ونسأل الله لنا ولكم الإعانه والقبول ..

[" TWIX "]

اقتباس:  المشاركة الأصلية كتبت بواسطة بنت البدائع     المقطع هذا غيررررر خشوع وخضوع يتجلجل بالأعماق لدرجة أن أغلب الأطفال يرددونه غيباً وبالحرف الواحد جزى الله الشيخ خير الجزاء ونسأل الله لنا ولكم الإعانه والقبول ..

شكرا لمرورك .. وجزاك الله خير .. وكثر الله من أمثالك ..
والامور تمام التمام بالمجلس ولا فيه حذف لردودنا ومستانسين ومهانا مثلنا
وخبري جلوي أننا بأتم صحة وعافية .

<<<< ثقل تويكس .. مهب من عوايده ..الحكومة وش نسوي ..
خايف يكلبش وبعدين تقولون ربطوا الشياطين وتويكس برمضان ..

[جبل السكر]

ياسلام على الشيخ ادريس ابكر خصوصا بالدعاء
تبارك الرحمن على القراءه الخاشعه والصوت الشجي

اقولك تويكس لو بدك تنسى الإستراحه تعال المدينه
وعيش اجواء رمضان فيها ورب البيت غير تنسى شيء اسمو
سكن ماتتذكرو الا وقت النوم خصوصا لو كنت رايح جاي على الحرم
و قباء والقبلتين والعزيزيه
عن جد رمضان بمكه والمدينه شيء تاني

الله يرضى عنك ويقبل منا ومنك صالح الاعمال
وبطل ياواد مسلسلات بلا باب الحاره بلا بطيخ


موفق لكل خير




تحيتي

[" TWIX "]

جبل السكر...

اقتباس: اقولك تويكس لو بدك تنسى الإستراحه تعال المدينه وعيش اجواء رمضان فيها ورب البيت غير تنسى شيء اسمو سكن ماتتذكرو الا وقت النوم خصوصا لو كنت رايح جاي على الحرم و قباء والقبلتين والعزيزيه عن جد رمضان بمكه والمدينه شيء تاني

ودي لكن ميزانيتي يالله تكفي لروحة لرحلة بعد رمضان عن الرحلة
اللي حاسة مستر / خيــــرة ..

[جبل السكر]

اقتباس:  المشاركة الأصلية كتبت بواسطة ..TWIX..     جبل السكر... ودي لكن ميزانيتي يالله تكفي لروحة لرحلة بعد رمضان عن الرحلة اللي حاسة مستر / خيــــرة ..

امم طيب المدينه ماتستاهل رحله رمضانيه وروحانيه
يلا الله يهنيك ويوفقك لكل خير ويقبل منا ومنك صالح الأعمال




تحيتي

[" TWIX "]

جبل السكر..

اقتباس: امم طيب المدينه ماتستاهل رحله رمضانيه وروحانيه يلا الله يهنيك ويوفقك لكل خير ويقبل منا ومنك صالح الأعمال

مدري وش بنا يالقصمان نجلس في مكة 10 أيام أو عشرين يوم لكن لا مرينا من عند المدينة
ما تشوفين إلا الغبرة تتطاير ورانا .. مدري وراه ..؟!!

[" TWIX "]

بسمة فجر ..



مبروك اللاب توب .. متى شاريته ما شاء الله ..