قرر الرحالة عبيد اللوح ان يخوض تجربة السفر والرحلات للاطلاع على معالم بلدان العالم فكانت هذه الحصيلة
دعونا نبحر مع عبيد اللوح في رحلته واصفا اياها هو بنفسه وذلك على لسانه
يقول الرحالة عبيد اللوح :
انطلقت من منفوحه على ليموزين وبعد القردنه مع الهندى وصلنى للمطار بـ25 ريال
وكانت هذه اول رحلاتى عن طريق المطار وحينما وصلت كاونتر تسليم العفش وقص البوردنغ ضحك على الموظف وقال لى وين رايح الاخ ؟؟ فقلت له :- ماعلمت امى اجي اعلمك ؟؟ رايح برا منفوحه ( يقصد برا المملكه )
فرد علي الموظف مبتسما :- العفو اخى هذه الصالة للرحلات الداخلية , رح للصالات الاخرى فهى مخصصه للدولية .
زهمت على الهندى الحمال ليشيل عفشه ويوم وصلنى للصالات الدولية
تسنتر الهندى واقفا عندى , استغربت وقفة الهندى وقلت له خير وش فيك واقف ؟
رد الهندى انا فيه يبغى فلوس حق تحميل هازا .
يلعن بليسهم مافيه مروة كلش قروش في قروش ! لو تعطس خذوا منك قروش
( مسكين عبيد يحسب نفسه في حارته كلش لله في لله ههههههههه)
يقول عبيد :-
لاول مرة بحياتى اركب طيارة ( الشامبو ) يقصد الجامبو
وقد طلبت من السستر
( لاحظ السستر ) هههههه يحسب نفسه بمستشفى هههههههه
طلبت منها ان اكون قريب من عند السياق عشان البراد جمب الطاقة لكن رفضت بنت الصرمة وقالت لى انت درجتك سياحية ولكننى لم وش تقصد لكنى لاحظت التفرقة والواسطةعند الخطوط وهي فيه ناس يجيهم عصيرات وشاهي وسندوتشات قدام
وحنا بس شاهى وسندوتش ( قهر ظلم تفرقة )
مسكين عبيد مادرى ان التذاكر درجات
كانت الرحلة متجهه لباريس اخس ياللوح محدن يبزاك باريس مرة وحده من منفوحه لباريس والله التطور
يقول عبيد :-
تعبت من الجلسة رصيت زر حق (السستر) ( برضه مصر هاللوح على سستر)
جتنى وحده طخما وقلت له :- قولى للسواق يحط رجله طولنا وحنا بالخط
لم تفهم المضيفة شيء مما قاله اللوح وطنشت وعشان تفتك منه قالت حاضر
يكمل عبيد كلامه ويقول :- جانى النعاس طلبت من حقين الطيارة كنبل ومخدة كبيرة للنوم
ةقد دقيتها نومة مابعدها نومة حتى ان اللى جنبي توذي من شخيري
الحمد لله على السلامة تم الوصول لباريس
نزلت بفندق يوم جاء الليل مسكت لى ليموزين وقلت له لف بي كل باريس بتفرج عليها
صراحة ( الهندى ) حق للموزين ماقصر ورانى كل الاحياء المهمة بباريس
مثل الشاص ليزية) ( يقصد الشانزليزية ) وحتى جزاه الله خير ورانى اشهر جامعة باوربا وهى جامعة السربوت ( السوربون ) اللى تخرج منها عميد الادب لعربي طه ولد حسن
ورحت وصورت عند برج بيتزا المايل
ذكرنى بسمير غانم في مسرحية اهلا يادكتور يوم قال تصورت جمب برج بيزا
فرد عليه جورج سيدهم : برج بيزا في ايطاليا ومعووج . فرد عليه سمير غانم بلغة الواثق
ماعدلوه وودوه لباريس .
المهم يقول عبيد انه جلس في باريس 3 ايام
وقررت السفر الى بلاد النيل مصر
المهم كنت اسمع بالاهرامات وشارع الهرم وامنيتي اقابل شخصين هناك
فتحا نجلي وابو الهول
سئلت عنهم ماعرفوا الا الاهرامات ركبت مع باص السياحة ودونا للاهرامات وكان المرشد راكب معنا وشفت ابو الهول بس ماعرفته قلت للمرشد مستفسرا ؟ وشو ذا قال لى وشوا من الجهه الثانية يقصد وجهه من الناحية الثانية
اخيرا بعد عناء خليت الممثلة فتحا نجلى بس اسم الدلع في مصر يسمونها نجلاء فتحى خذيت منها توقيع على كندرتى ( اعزكم الله ) وشفت البلاوى بشارع الهرم رقاصات اكثر من الجمهور شفت xx عبده وشفت نجسة فؤاد وكان نفسي اشوف الرقاصة القديمة تحية مكروفة ( تحية كاريوكا ) لكن قالوا لى ماتت وصراحة ماحد قال لى تونى ادرى مهوب ذنبي لان كان ودى اعزي ابوها كاريوكا
لقيت صديقي مدحت كان دافور ايام زمان معنا ندرس بابتدائية منفوحة وراح لمصر
ودانى لشم النسيم وكلنا فصيخ وحامت سبدي يوم ورانى جبنة المش والاريش ام الدود
وحضرت عرس بنت خالتة فتكات في حي الدئي ( الدقي ) .
وقررالسفر لموسكو
يقول عبيد اللى اغرانى للسفر لموسكو 3 اشياء :-
اوله : السلطة الروسية اسمع بها ولاادرى وش هي
والشيء الثانى : اسمع بقصر الكريم كرميلا ولا ادرى وش هو ؟
والثالث : يمدحون بنات روسيا
وابشركم زرت صحراء الاسبرين ( سيبريا ) بس مالقينا ناس يطعسون
تخيلوا مالقينا حتى ناس مخيمين
الدعوة جمده برد حتى الباص اللى ركبنا فيه حاطين تحته قز عشان يحمون الاديتر
المشكلة انى ماحسبت حسابي بالاكوات حتى شراريب العائلة ماجبتها معى
المهم ما جازت لى العيشة
قررت السفر الى امريكا لاختتم رحلتى المكوكية
وصراحة يوم وصلت نياوورك ( هكذا نطقها عبيد ) وش هالعالم
مادريت الا وعسكري تالنى بيدي وقال لى بليز ممكن تتفضل معنا
قلت خير , قال :- تو وورد ورد غطاها
المهم ركبت بجمس مظلل ومادرى وين ودونى
المهم بعد ساعة مادريت الا انا بمكتب وخذ يا سين جيم
سئلتهم انا وير ار يو ؟؟ قالوا لى : يو إن FBI
انا مافهمت وش يقصدون بالاف بي أي
وعصرت ذاكرتى وطبعا كان عندى خلفية عنقريزي
فقلت هذي يمكنها مؤسسة ومختصرة اسمها
إف يعني فوتبول او فدريشن
بي يعني بانك
أي يعني إنسايكلوبيديا
هذا اللى فهمته من خبرتى
قالوا لى الربع معاك مكتب التحقيقات الفيدرالى
بلعت ريقي يوم قالوا التحقيقات
قلت لهم ياجماعة من اللى شاكيني ماصدمت احد وماتسلفت من احد !!!
قالوا لى وش علاقتك بأبن لادن ؟؟ ومتى اخر مرة تقابلت معه ؟؟ وهالدولارات اللى معك وين مصدرها ؟ وليه لابس نظارات سود ؟؟ وبنطلونك هذا جنز وين جبتاه منه ؟؟؟
والجريدة اللى معك كان فيها صورة بن لادن اكيد تعرفه .
عمى عمى عمى كل هالاسئلة عشان معاى جريدة فيها صورة ابن لادن
قلت لهم مادرى مادرى ماعرف ابن لادن اعرف انه اجودى وابن حلال وبس .
قالوا لى وين كنت الساعة 9 الليل يوم 11 سبتمبر
قلت والله مدرى ب سعادة اصلى العشاء وروح اجيب بريالين فول وبريالين تميس
حتى دقوا على المعلم اكبر غلام الافغانى
يوم سمعوا كلمة افغانستان تقاحصوا قالوا اييييييه اكيد تعرف بن لادن زين
والتميس والفول هذا نوع من انواع الاسلحة والمخدرات .
قلت لهم الفول صح نوع من اسلحة التسطيل بس ابن لادن مااعرفه مااعرفة
مادريت الا والله ورجفة قوية من بوز جزمة الضابط اللى حقق معى جتنى مع جنبي
ومادريت الا ونفسي طايح من السرير والى والله قايم من نومى واه ياجنبي
رحت اركض للمغسلة على طول وغسلت وجهى وتعوذت من بليس لاتأكد هل انا بعلم او حلم ...؟؟؟؟؟؟
الحمدلله حلم حلم حلم مانى مصدق
بعدها قررت اقاطع الجرايد والفول والتميس وحتى حرمت اطلع في شهر سبتمبر كله في الشارع
العرض العادي
