اذا قريت تعليقات اليوتيوب
فانك داخل على مدرسة تعليم
التعصب والكلام الفاحش البذئ
والمضحك والمعجب ان المقطع احيانا يكون برئ جدا
وشلون يدخل التعصب والهواش والفحش مـــــــاأدري !!؟؟
لكـــــــن ..
موضوعي هو انه اذا بدوا يتهاوشون اللي بالتعليقات
كثييير نقرأ
(...........) امك او اختك
او
ياابن ال ( ......)
وش دخل الام والاخت باللي بين الأقواس ؟؟؟
وهن _ احيانا _ اخر مايعترف بهن ويتعايبون بعض الشعوب ذكر اسمائهن او الكلام عن مواقفهن او التعبير عن حبهن يوم جاء ذكر شئ قبيح نسب لهن !!؟؟
وتلاحظون انه كثير ينسب للأخت والأم يعني ماينسب للأب أو لرجل ؟
برأيي
هذا ان دل على شي دل على سخافة العقول العربية اللي دايما تدعي الكمال بأخلاقها والتزاماتها وتعاملاتها وانصافها
ويدل بعد على ان هذي هي نقطة ضعف العرب من قديم الزمان _ ولا أعم _ وهي اللي تخليهم يقتلون ويظلمون وتطلع قوتهم وغضبهم بسببها
مو عشان الله بس عشانهم يكرهون الشي هذا والدليل انهم يتعايرون فيه
والله العالم لو شفاهم الله منها صاروا من أفضل الأمم
( تنهيدة ) عجزت افتخر اني عربية ؟
استغفر الله ان ظلمت او افتريت على احد
تحاياي وامتناني
العرض الشجري