انقلاب مدينة الانعام الى ساحة استعراض للشباب ( مقطع فديو تفحيط )

[عبد العزيز الدبيب]

السلام عليكم ورحمة الله وبركاته


في هاذي الايام مع حلول الاجازه انقلبت مدينة الانعام الى ساحة استعراض للشباب والتفحيط بشكل يومي والازعاج لمن هم ساكنين في المدينه يتجمع عدد كبير من الشباب بشكل يومي من حوالي شهرين اخر كل عصر للاستعراض في دراجاتهم الناريه داخل سوق مدينة الانعام ( او مايسمى سوق الاغنام ) ولكن هذا الايام انقلب السوق راسن على عقب وبدا اجتماعهم ليلا عقب الساعه 10 وحتا نهايت اليل ازعاج وتفحيط والمرور في غفله الغريب بعد ماذهبت للتصوير وعقب ماخلصت من تصويري واذ بي اخرج من الموقع واذا المرور يتي .. بعد فتره من الانتضار توقعته يبي يسوي شي اقل شي بفرق المتواجدين تتوقعون وش سوو رجال المرور سدو مدخل المدينه . وبعد يمكن حوالي ثلث ساعه فكر شكله سايق الدوريه ودخل فرقهم. .

عدسة منتدى بريده رصدت مايحدث من ازعاج وتفحيط بشكل يومي الى المقطع








سبحانك اللهم وبحمدك ، أشهد أن لا إله إلا أنت أستغفرك وأتوب إليك

كان معكم عبدالعزيز الدبيب الى القاء

[نجداوي]

اطفال وحصلت اداه للتسليه

من رآئيي ان تقفل المدينه وتوضع للتفحيط فقط

وتوسع المنطقه على شكل مقابر

اللي يصدم الله يرحمه

للاسف هذا هو حال الشعب وهذي ثقافته بغض النظر عن فئات الاعمار او سبب هالعمل

تحياتي لك

[محمد2010]

للأسف بزران مسكو سيارات

[شميساوي]

.


عاشت أيام الـ cr8

الله يرزقني مثلها يارب ...

بس مارآح أسوي مثله أنا أبي اشيله على رآسي

...

هذا نداء قوي لـ الأمير فيصل بن مشعل ...

لـ القيام و مطالبة الاتحاد العربي السعودي للسيارات والدراجات النارية

بـ إنشاء حلبة مخصصه لـ مثل هذه الأستعراضات ...

وشكرا ً لك أخي عبدالعزيز ...

قصرت عني العنوه و المشاهده ..


,

[شميساوي]

.

صح نسيت أعلق بعد ...

من قال و تشكى و تبكبك بـ أنهم أطفال و ماشابه هـ الكلام ...

بـ البداية تقول أطفال ,, و بـ الاخير تقول أنهم من مختلف الأعمار ..!!

وتقول في نصف كلامك بـ أنه حـــــآل الشعب <<< معقوله كل الشعب عندك اطفال و مفحطين ....!!!

ياليت أنت يأ الكبير ...

تعطيني شي واحد عملته وأستفاد منه المجتمع ..!!؟؟؟

أنتظر فائدتك الجمه يا مفيد ..!!


,

[إنـفـيـدر]

والله بعذرهـم

لا ساحات نصب وبس تسلط
رح شف عنيزه
ينصبون على كيف كيفهم
وببريده بس يتلسطون عليهم
والله إنهم يرحمون
ولو بنات اللي يسوقن
عاادي تفحط وتآخذ راحته
وبعد يفرشون لهن الأرض ذهب والرصيف
ألماس

حنا !!!!!!
الله يرحم حالنا

[يعنــي آآنــي]

اقتباس: هذا نداء قوي لـ الأمير فيصل بن مشعل ... لـ القيام و مطالبة الاتحاد العربي السعودي للسيارات والدراجات النارية بـ إنشاء حلبة مخصصه لـ مثل هذه الأستعراضات ...

ع الجرح

معذوريــن يآآجماعة

لايوجــد متنفس للشباب

[حي المنار]

لعبه من لا تعبه


عمر شباب وعقول اطفال واجسام رجال .. الله يرحم الحال

اماكن التفحيط معروفه فأين هم المرور والمرور السري خاصة ؟؟


ولماذا في اماكن ( جلوس ) الشباب يكثر نقاط التفتيش ؟؟

لماذا لا يدعونهم يجلوسون برحه وطمائنينة ( واذا ) حصل من الشباب ازعاج توضع نقاط تفتيش !!

[ام نواف]

الشرهه مو عليهم الشرهه على اهليهم الي تمسكهم هالسيارات

[اميرة البحار]

اقتباس:  المشاركة الأصلية كتبت بواسطة ام نواف     الشرهه مو عليهم الشرهه على اهليهم الي تمسكهم هالسيارات

اللـــــــــــه يهديم ويصلح حالهم ويرزق وااالديهم برهم
هذا واجبنا تجاههم

[آبو بتال]

والله بزران يفحطون ويزعجون المسلمين
مع الاسف أنقلط المكان ساحة تفحيط
الله يهدي شباب المسلمين

[أبراهيم الفوزان]

ليه تشوفونة من نظرة سلبية !!!!

الامارات وقطر كانت اكثر من كذا قبل عدة أعوام من تفحيط و استعراضات والان وصلو للعالمية بعد ما طورو انفسهم وفتحو ساحات و سوو بطولات حتى انهم الان صارو ينافسون الامريكان في امريكا بالبطولات ..


ليه نقول عنهم اطفال وعقليات صغيرة !!!

ليه مانقول مواهب لازم نطورها . لحد يجي يقولي تفحيط وحركات بزران ومدري ايش

كلنا بالتطوير نغير نظراتنا لامور كثيرة

الهيئة كانت تمسك اللي معه جوال بكاميرة والحين يوم فهمنا تغيرت الامور كثير

لا تشوفون هالمقطع واللي يصير بنظرة مخ مقفل وتقول بزران

قول ..

لو فتح عندنا حلبات .. وصارت بتنظيم و ترتيب

وجاء كم رجل اعمال و مول له فريق .. وطورنا شبابنا اللي مو لاقين وظايف وصارو يبدعون بهالمجال

كيف بيكونون .. متسابقين عالمياُ براليات . متسابقين عالمياً بدرجات النارية

غيرو نظراتكم افهمو متطلباتهم .. لا تكتمونهم لان الضغط يولد الانفجار

والله ثم والله ماني راعي تفحيط ولا نصب ولا دوران

لكن الشاب اذا مشى بالسيارة عندنا اكلوة واذا وقف السيارة صكوة قسيمة

ليه الكبت .. ليه النظرة الصغرى لهم .. ليه استحقارهم !!!

ياناس ترانا بالقرن 21 .. واغلب الناس عقولهم من عقول الرادو حرام

والمكان هذا اللي تقولون ازعاج المسلمين ... مافيه حولة اي منطقة سكنية و بعيد عن الزحمة المرورية ولافية غير الشباب الفاضي اللي

مالقى وظايف و وين مايروح يسكر بوجهه الف باب وباب

لا مجمعات يتمشون فيها ولا جلسات يجلسونها ولا هوايات يمارسونها ..

[بسومة بريده]

اعتقد ان الوقت قد حان لوضع نادي او ساحه للاستعراض...

التفحيط مشكلة لن تنتهي لذالابد من احتوائها للحد من مضارها واخطارها...

[سعيد عبدالغني]

تعقيباً على الموضوع

للأسف يلاحظ ردود غير عقلاني البعض يقول أنهم أطفال و ماشابه أليس هذه رياضة كغيرهـ من الرياضات من المعروف ان رياضة السيارات تقام فيه بطولات دولية وغيرهـ

لماذا لايوضع اماكن لهم لممارسته

اين يذهب الشباب لايوجد اماكن ترفيه لهم سواء سيارات وإلا غيره لماذا الكبدت للأسف الى الان مافيه تطور

منع بدون إيجاد حلول لاينفع ابداً

تعقيبي للموضوع ليس للدفاع عنهم لا والله والذي فعلوهـ ليس بصحيح لكن لايوجد اماكن لهم لممارسته

نتمنى حل عاجل وسريع لأيجاد اماكن تناسب لهذه الرياضة

[يا ليت للصمت صوت]

من المفترض أن يتم وضع بوابات وتقفل ويكون هناك حراس أمن بحيث تفتح البوابات قبل الفجر وتغلق بعد أذان المغرب وبهذا يأمن كل شخص أو صاحب حوش في هذه المدينة من العبث وغيره من ممارسات الشباب . ولكم تحياتي