القراء الأعزاء .. اهل بريدة الكرماء
تلاحظون في الفترة الأخيرة ان البلدية جندت كل ما تملك لتحسين الصورة وتلطيف الأجواء وعمدت الى تشجير الدوارات وعمل منتزهات بكامل مرافقها حتى لا نحتاج الى الإكثار من السياحة خارج بريدة قلبي .. وكي نستقطب السياح الى مدينتنا الحبيبة ..
هذه النظرة تحتاج الى جهد ومثابرة وتعاون من الجميع ..
مالكم بالطواله .. انا فرح بالمنتزهات وأماكن رياضة المشي ( المضمار ) المنتشرة في كل مكان كدليل على الوعي الصحي ورقي المواطن ..
بس اللي يبط الكبد ويجيب الهبال قصر النفس عندا .. نبذل بسخاء وندهر واذا اكتمل المشروع اسحب على النظافة والصيانة ..
ما كنت اريد قوله .. امس طالع بالثيل اللي غرب الاستاد الرياضي ببريدة .. وكالعادة متكين على تسدح خفيف ولتح قهاوي وشواهي وطبيعي نحتاج دورة مياه .. قالو الشباب فيه دورة مياه .. فعلا رحت وليتي ما رحت .. وسخ وريحة وكأنك بحماما محطة بعد عفيف له عشرين سنة بدون والي ليييييش كل هالمشروع والجمال والروعة والمساحات المفتوحة اللي تستدر المشاعر وتفتح النفس تروح للحمامات وتقضي على كل ما تم تخزينه من ابتهاج .. قهر قهر قهر .. والمشكلة بجوار البلدية الشمالية .. تكفون ضبطو الامور .. خل نستااانس ببريدة .. خل شبابنا بالاستراحات يلقون البديل ويطلعون يسمرون بيننا .. بانتظار بلدية الشمال تفرغ عامل على مدار الساعة للتنظيف المستمر ..
مثال رائع للحمامات اللي تفتح النفس : محطة سما قبل الغاط وانت جاي من الرياض لبريدة
عامل على مدار الساعة حلوة بس اثرها على اهل مدينة كاملة والتكلفة طفسة ..
ايضا نريد لوحات ارشادية باخراج رائع حول الحمامات والمسطحات الخضراء الرائعة وكذا سطول نفايات .. لاحظ جدار مصلى العيد من جنوب حتى آخر الشارع من الشرق ما فيه الا سطل
تحياااااتي
العرض الشجري