ولادة متعســــــــــــره ..!!

[الأسترليني]

اللي يستحي من تذكر بداياته الطفولية يصفط على جنب و يتفرج ..

اللي بدأ حياته بمساعدة أخوه الكبير او الصغير او ابوه او امه او صديقه او صديقتها اوحتى اخته يصفط على جنب و يستمتع ..

هل تعلمون أن أول مولود نتي لدينا لا يتجاوز عمره الان 11 سنه ..!!

اذا افترضنا ان الإنترنت بدأ بالسعودية عام 2000 م فالانترنت لدينا يبدو حديث اذا حسبناها بالسنين العاديه إلا اذا وجدت حسبة جديدة لقياس الأعمار النتية مثل سنة ضوئية او عقدة بحرية ونقول مثلا سنه الإلكترونية ..

اللي بدأ حياته " النتية " بدون مساعدة أحد يقلط معنا ترى البساط احمدي ..

كنت اتابع المنتديات بشكل متقطع من عام 2005 و ابتديت البداية " الفعلية " بالمواضيع العامه عام 2007 بمنتدى بريدة و خصوصا منتدى بريده الخاص ..

من أوائل المواضيع اللي كتبتها موضوع كان عن الشذوذ ببعض الذكور ببريده و كنت انتقدهم و طبعا أذكر أحد الردود كان يقول ان بعضهم ناس طيبين رحت و أرسلت لصاحب الرد رسالة خاصة و قعدت اشرح له نظرتي عنهم بشكل مفصل خخ

ما ودي اقولكم عن شعوري يوم شفت رد لأحد المعرفات الحمراء ما ادري هو " عبدالله الحلوه " او " الزعيم " قعدت متسمر قدام الشاشة حوالي سبع ساعات من الفرحة ..!!

عاد اللي ما ودي اقوله لكم شعوري يوم بديت أشوف معرفات انثوية تشارك بردود لمواضيعي ..

يا الله .. قلت يمكن بالمستقبل القريب أمشي بالشارع و أنا متلطم خوفا من المعجبات ..!!

حسيت نفسي كاتب كبير .. كنت غشيم هه .

لا أخفيكم كان يساورني الحياء لبعض المشاركات القديمة لي و اقول انها تفشل و كنت أقدر اغير معرفي و ادخل بمعرف جديد و أبدأ من جديد لكن رفضت الفكرة بالاخير و قلت لا .. أحب اشوف بداياتي أحب اشوف نموي النتي يتطور الكثير و الكثير له أخطاء ببداياته سواء بحياته الواقعية او حياته الدراسية او حياته العملية او حياته النتية فليش تتغير و تخالف الحقيقة " اللي تقول ان البدايات صعبه البدايات تكثر فيها الطرافه " ..

بالنهاية ما ادري اقولكم انثروا تجاربكم او اني اقول رحمت روحي و انا اسولف عليكم ..