اليكم منى هذه الابيات في ديرتى
احــب الليــل لاجـانى واخـاف ان الظــــلام يـطـــول
واحـب الفجـــر ونجــوم تـوادعــنى كـــواكبـهـــــا
واحــب الغــيم وبــروق تكـاشف والضبــاب يـــزول
واحــب الصحـو واعيــش الطبيعـه في مضاربـهــــا
واحــب السيــل لامنــه يسوى بالطعــوس سهــــول
واحــب الخيــل والراعـى وهــجـن فـي معـاشبهــا
واحــب الهيل في الدلــه واحب الصـافى المعســـول
واحــب النـار تشــوى لى على صالـــى لـهايبهـــا
واحب امشي مع طفل اشوفه في الربيــع يجـــــول
واحـب الشــمس وعـيونى تناظــر في مغـــايبهـــــا
واحب اسمع صدى الراعي ينادي في قطيع خيـــول
واحــب اطفــي ظـمـأ نفسي حـليب من ركـــايـبهــــا
واحب اعيش في صحراء (وادى الدواسر)الخالـى المجهول
واحــب افـــــز مــن نومــي عـلـى نبحــة كـــلايبهــــا
واحب اجلس مع شايب يـعـــرف النــاس عــرض وطــــول
واحــب اعـرف عـن الشـــايب حيــاة كـان راغـبـهـــــا
احــب النــاس والدنيــا واحب ارســل مـع المرســـــول
تحيــاتى واشـواقـي لكـم ولـبــدو فـي مضـاربهـــــا
تحياتى
(( ارض العطـــاء))
العرض الشجري