الجوال يتصل
انا: الووووو
فطوم: آ آ آلوو
أنا: حبيبتي تكلمي شفيك
فاطمة: هلا رعبووبة وتصيح
أنا: تكلميييييي فطوم شفيك
فاطمة بعد مامسكت نفسها: أهلين كيفك رعبوبة
أنا: تمام خووفتيني عسى ماشر
فاطمة: لالا بس انا اليوم طلعت لام جيراننا اتقهوى ورجع زوجي وانا عندها وانجن جنونه لأني طلعت بدون اذنه والحين قال لي ولمي شنطتك بيت اهلك وشهرين قلت: حبيبتي لاتخافين هو بس غضبان ويهدى إن شاءالله خلال أسبوع خلك واثقة وقوية
قاطعتني قالت: لالا انا ع طوول قعدت ابكي قدامه واترجاه ورفضت يوديني
........
المكالمة انتهت بعد ساعة تقريبا
كلمتها من بكرى قالت انه هدى الحمدلله ورجع لصوابه
بس توعدني ما اكرر هالخطأ
.........
بعد أسابيع كلمتني صاكة فيها الدنيا
قلت لها: خييير إن شاءالله وش هنا
قالت: الله لايوريك انه عقب المشكلة لما هددني ببيت اهلي
صار على اتففففه شي يقول بيت أهلك وانا اخاف واعتذر وابكي
تقول: لدرجة لو اتأخر بالغدا قال بيت اهلك
عيشني بعدم أمان وخووف ورعب
وكعادتها جلست تدمع شوي وانا استغليتها اكمل شوكلاتتي مع القهووة
قالت: اخرتها قبل شوي؛ولدي طاح على راسه قال انتي مو قد المسؤؤؤليه لازم تروحين بيت أهلك يربووونك واذا ماربوك مع السلامة خلك عندهم
تقول: انهر ر رت وبكيت لان الكلام بدا يكبر ويزود وحسيت انه بأي لحضة بيطلقنيييي
قلت: وش سويتي
قالت: هو طلع وانا قمت بحط شموع وابسوي كيكة اكتب اسمه واعتذر
قلت: فطووم ياسخييييييفة
قالت: وانتي بعد زيييييه قاسية باي
قلت: تعالي لاتحطين كيكة والا ابو اللي كاككك .. انا اعلمك وش تسوين
قالت: وشو تكفين تراني خلاص لاملجأ لي من الله إلا إليه
قلت: ولمي شنطتك واتزيني وحطي عبايتك ع جنبك
قالت: هآو هآو هآو
قلت: جاك العلم؛ سوي اللي قلت لك وقولي له انا بعد طاببببببت نفسي منك ومو مرتاحة معاك انت واسلوبك .. هذا عبايتي وشنطتي جاهزات ودني الحين ؛أنا اهم شي علي صحتي واني اعيش بأمان
قالت: واوووك أنتي صاحية أخاف يفرح ويجيبها بالثلاث
قلت: سووي اللي قلت وماجاك على مسؤؤؤليتي
انتهت المكالمة بعد موافقتها بأن تعمل ماقلت
كلمتي من بكرى
قلت: هاه بشري
قالت: الله يقلع بليييسك وهقتيني
انا صراحة خفت قلت لها: وش صار ر ر
قالت: اممممم
قلت: اخلصي بسرعة
قالت: أبشرك سويت اللي قلتي تزينت وخليت نفسي واثقة وجهزت الشنطة والعباية
دخل كعادته قال يالله توولمتي يالرفلا بندي أعصابنا هالاسبوع
وترى اذا بتضلين على هالاسلوب لاترجعين
تقول: طرت بكللل ثقة ولبست عبايتي ونزلت الشنطة وشنطة ولدي والعابه ؛وهو يناظرني مبهوووور
ولبست عبايتي وانا اقول له حبيييبي انا بعد طابت نفسي منك ولا أبغاك
ودني الحين ولا تكلمني ولا تمرني أبغى ارووق عند اهلي واحس بالأمان والراحة
انا متحممممسة قلت لها وش قال زوجك
قالت: قسسسما بالله يارعبوبة انه تلخبط ووجهه انقلب احمررر
وقال: يابنت الحلال أنتي ماتعرفييين المزح؛ اعقلي بس واركدي ورجعي شناطك لايشوفها البزر
وقعد كل ذاك الليله يعتذر ولازق فيني كاني بطير؛ واخذ مني وعد مااعووود لهالحركة
عاد انا: هههههههآييييييي شفتي كيف احل المشاكل فديتني؛ قلت شوووفي انه يمووووت فيكي بس يكابر وانتي عطيتيه جووه
قالت: الله لايحرمك مادعيت لك
انتهت
هل تتفقون معي على هذا الحل لمشكلتها ؟؟
هل تتفقوون أن الشدة تواجه بالشدة في بعض الأمور ؟؟
وهل النار تطفى بالنار أحيانا ؟؟
العرض الشجري