السلام عليكم ورحمة الله وبركاته ..
متواضعه اضعها هنا .. من ( غفوات ) و (مباعيد ) فكري ..
راجياً أن تنال على اعجاب الجميع
..
وجهة نظر بأعجاب ~
ليل السهر يازين وياك لو طال
ما للملل صوله ولاالنوم جوله ..~
من سبتك بالأرض هزه وزلزال
والحب طبقته على اسمى اصوله~
اسمك شعاع النور ووصافك اضلال
لوالفجر يقبل ويعلن ستوله ~/
نوره..ونورالبدر..يانور..مازال
منك القمر عزل تباين خموله~
ياجوهره..ياعز..دبله وسلسال
ياساحره..عمله وياغلى عموله~
زينك بحر..حبك نهر يهدم جبال
وجهك قمر صافي بقمة كموله~
عين المها..زين البها..للغلا نال
غطى عليه الشعر من زود طوله~
بديت حبي لك وحطيتك أمثال
شوفك منى قلبي ..وزينك ميوله~
وقدرك بعيني فوق مليون مثقال
وصوت الغلا والعز تصهل خيوله~
شفت النجوم الي تعلى بمنزال ؟
نجمن نشوفه بس نعجز نطوله! ~
شخصك مثيله والحقيقه لك تقال
قولن بقوله واجبن لي اقوله ~
مفروض مثلك له مجسم وتمثال
صدق ووفى ..والصدق!.. كلك كموله~
لاتنخدع بالحب .. والحب يغتال
مره يجي بغته .. ومره يقوله ~
هذا الطريق الي طويلن على عدال
مد النظر صوبه وخطط لجوله ~
بتشوف جمع اصحاب وحثال عذال
هذا نقل حكي(ن) وهذا يهوله ~
وهذا يحب البنت صادق ورجال
وهذا غدرها يدعي بالرجوله~
وجهة نظر بأعجاب في ظرف مرسال
مخطوطها سحب الغرام وسيوله~
عبدالله ال مغامس
العرض العادي
