اللي عنده خلفيه يفيدني

[النهى]

بسالكم من قد جرب عملية تصحيح النظر بالليزر
نظري كان قبل سنتين 3على 6
أعاني من قصر نظر واستعملت نظاره فترة بسيطه ما تتعدى شهر ورميتها لأني حريصه على منظر عيني صراحه وما أبغى النظارة تدفنها او تغير من شكلها
وبما اني ما ثبت النظر بنظاره زاد سوء عن اول ومفكره بعملية تصحيح نظر وحابه أخذ رأيكم
لأني سمعت إهمال النظر يسبب انحراف وتروعت كله ولا عيني
اللي عنده خلفيه عن الموضوع بليز يفيدني

[عنفوآن أنثى]

مرحبا ساره

أعرف شخص سواها وفعلا نجحت وأصبح نظره قويا ماشاء الله تبارك الله

[النهى]

حلو ما شاء الله
عنفوان تسلمي ي قلبي على مرورك

[هلاوين]

ماعندي خلفيه الله يتم عليك نوره

[رنيم الامل]

عمليه الليزك افضل وسيله للراحه من النظارات والعدسات
وجدا بسيطه ماتحسي بشي ومدته تقريبا نص ساعه
راح تكون عينك مبنجه ماتحسين باي الم وانتي بكامل وعيك انا سويته قبل اربع سنوات بالشرقيه بمستشفى المانع وبعدها الحمدالله النظر طبيعي

[دلوعة اهلها]

أهلن حبيبتي

موشرط يكون عملية ليزك انتي تأخذي موعد وتروحي الطبيب يشوف وش المناسب لك ليزر ولاعبيه

وبقولك نقطه من قالك ان النظاره تغير شكل العين او حجمها معلومه غلط وسبق قالها لي دكتور بالحبيب

انتي توكلي على ربك وان شاء الله تمتعي بنظر صحي وسليم و٦/٦

بالتوفيدز *

[النهى]

اقتباس:  المشاركة الأصلية كتبت بواسطة هلاوين     ماعندي خلفيه الله يتم عليك نوره

وياااااااك يارب

[النهى]

اقتباس:  المشاركة الأصلية كتبت بواسطة رنيم الامل     عمليه الليزك افضل وسيله للراحه من النظارات والعدسات وجدا بسيطه ماتحسي بشي ومدته تقريبا نص ساعه راح تكون عينك مبنجه ماتحسين باي الم وانتي بكامل وعيك انا سويته قبل اربع سنوات بالشرقيه بمستشفى المانع وبعدها الحمدالله النظر طبيعي

فيها بنج
كني بدئت أخاف ً
الله يقدم اللي فيه الخير
مشكور ي قلبي على التواجد

[النهى]

اقتباس:  المشاركة الأصلية كتبت بواسطة دلوعة اهلها     أهلن حبيبتي موشرط يكون عملية ليزك انتي تأخذي موعد وتروحي الطبيب يشوف وش المناسب لك ليزر ولاعبيه وبقولك نقطه من قالك ان النظاره تغير شكل العين او حجمها معلومه غلط وسبق قالها لي دكتور بالحبيب انتي توكلي على ربك وان شاء الله تمتعي بنظر صحي وسليم و6/6 بالتوفيدز *

هلا عنوني
أنا مؤ حابه فكرة أني البس نظاره ما تحملت استمر عليها رميتها على طول
ونعم بالله
يب أنا بروح على الأغلب يوم الأربعاء بحول الله للدكتور وأشوف وش يقترح لوضعي
تسلمي ي قمر على التواجد
منوره (f)

[الزلف]

السلام عليكم

اختي لي صديق سو العمليه والحين ماشاء لله نظره كويس بس انتبهي مهب اي دكتور تروحين عنده وتصلحينها فيه دكتور يمدحونه بس والله ماعندي الخلفيه وش اسمه واذا حابه اسالك مافي اي اشكال

والدي كان نظره يعني بشكل ماتتصورين وسوا عملية ليزك والحمد لله الحين احسن

بس للمعلوميه يقولون عمليه بس هي اقل من كلمة عمليه يعني عاديه جدا

[97n fathy]

لا تخافين دام فيه بنج يعني ماتحسين بشيئ بالعكس افرحي ان الامر سهل الحمدلله,,,

اعرف كثييير سووها بس راح تتعبين شوي بعد العمليه,,,
وهذا الامر ضروري ان ماسويتيه الحين راح تسوينه بعدين,,,

الله يسهل عليك امركـ وكل مسلم يااارب,,,

[محمد الدحيم]

الله ييسر امركـ اختي ساره

طق نظارات وريحي راسكـ

لاجيتي تروحين مناسبات حطيه بالشنطه

[النهى]

اقتباس:  المشاركة الأصلية كتبت بواسطة الزلف     السلام عليكم اختي لي صديق سو العمليه والحين ماشاء لله نظره كويس بس انتبهي مهب اي دكتور تروحين عنده وتصلحينها فيه دكتور يمدحونه بس والله ماعندي الخلفيه وش اسمه واذا حابه اسالك مافي اي اشكال والدي كان نظره يعني بشكل ماتتصورين وسوا عملية ليزك والحمد لله الحين احسن بس للمعلوميه يقولون عمليه بس هي اقل من كلمة عمليه يعني عاديه جدا

يب ياليت تسألي وأكون لك شاكره
والله يحفظ لك والدك ويجزاك خير

[النهى]

اقتباس:  المشاركة الأصلية كتبت بواسطة صحن فاضي     لا تخافين دام فيه بنج يعني ماتحسين بشيئ بالعكس افرحي ان الامر سهل الحمدلله,,, اعرف كثييير سووها بس راح تتعبين شوي بعد العمليه,,, وهذا الامر ضروري ان ماسويتيه الحين راح تسوينه بعدين,,, الله يسهل عليك امركـ وكل مسلم يااارب,,,

ما اعرف شفت لي مقطع يوتيوب تروعت شوي
الله يقدم اللي فيه الخير
مشكور/ه على المرور

[النهى]

اقتباس:  المشاركة الأصلية كتبت بواسطة محمد الدحيم     الله ييسر امركـ اختي ساره طق نظارات وريحي راسكـ لاجيتي تروحين مناسبات حطيه بالشنطه

وياك يارب صدقت بس ألنظاره شغله وأحسها تترك اثر بالعين