السلام عليكم ورحمة الله وبركاته
( على لسان صاحبة الموضوع وذمتها )
اليوم جايبة لكم طريقة تساعد على إعادة نمو الشعر وتنعمه
وهي والله تجربة شخصية يعني مو منقول من هنا ولا هناك
واختي اللي جربتها وصار لها فترة ماشية عليها وانا الحين صار لي شهر استخدمها
وهي طبعاً زيها زي أي شيء تستخدمية للشعر يبي له صبر واستمرار لأنه مو سحر تحطينه اليوم يطلع شعرك بكرة..
المهم.. اختي شعرها خشن يعني لازم سشوار وقامت صلحت له صبغة وقامت الأخصاية صلحت لها سحب اللون بدون ماتدري أختي...شعرها ماشاء الله طويل وكثير من اول بس خشن صار يتساقط ويتقصف ووقف عن النمو او صار بطيئ..
استخدمت الماسك هذا وماشاء الله تبارك الله لا قوة إلا بالله (اذكرو الله على اختي) رجع صار ينمو وصرنا نشوف البيبي هير بعد الشهر الأول والآن ماشاء الله مستمره عليه لانه صار ينعم الشعر ويعطيه لمعان...
المقادير..
*حزمة جرجير
*2ملعقة حبة سوداء مطحونة
*2ملعقة زيت زيتون
تخلطينهم مع بعض وتحطينهم على شعرك من 5-6 ساعات ولو تقدرين تتركنيه اليوم كله يكون أفضل..
وإن شاء الله بتشوفون نتايج طيبة
لكن الصبر
ولاتقعدون تخربطون بالخلطات استمروا على خلطة وحده فترة وبعدها احكموا..
... استخدمي الماسك هذا مره بالأسبوع....
منقووووول للامانة ..
مهاااوي
</b></i>