لأهل الخبره في كمبيوتر اللاب توب.. استفسار

[الشماسي]

السلام عليكم

أهلين شباب >>> داخل بمجلس الشيخ

المهم بأستعجال سريع

ذهبت أنا وواحد من الشباب أمس لحراج الكومبيوتر في العليا وشاهدت أنواع الاجهزة والحركات الجديدة

وسألت عن بعض الاجهزة والموصفات والدندشه وكنت ناوي على التوشيبا لكن يوم شفت سعره قلت شكله ممتاز لكن سعره يعيبه !! 7000ريال-5500 ...وين حنا عايشين

ورحت أشوف ( DEL) وأيضا سعره غالي وقلت شكله ممتاز لكن سعره 4500ريال!!

وشفت (LG) ويوم شفت سعره لابأس به لكن السعر اللي بالمواصفات اللي في بالي 4900ريال !!
.
.
لكن شفت الـ(HP) والـ(aesr) كلا الجهازين مواصفات حلوه تسد الغرض المطلوب وسعره مقارنة بغيرة أفضل ومن مواصفاته كالتالي:
الـ(aesr)
الرامات 256 ميقا
القرص الصلب 60قيقا
شاشه 15
DVD . ,,,CD.RW
بلوتوث
4مشابك (USB)
اللون فضي مع أسود
حقيبه +فاره خارجيه خاصه بالمحمول+ضمان ثلاث سنوات
السعر:3000ريال

الـ(HP)
نفس المواصفات
لكن حجم القرص الصلب 40قيقا
2مشبك لليو اس بي
ونفس السعر وأكثر رغبة عند الناس على كلام صاحب المحل
وضمان سنه
.
.
قلت أشاوركم على نوعية الجهازين بالأول وهل هو بالأستخدام ممتاز وأقدر أضيف عليه قطع مستقبلا ..يعني اللي يعرف عنه شيء ياليت يفدنا كرما وليس أمراً
السعر بنظري معقول إذا قارنته بالأجهزه الثانيه بالمواصفات
وخصوصا الـ(aesr)

بعض الشباب يقول لاتتعدى التوشيبا أو السوني ولو أسأله عن المواصفات يقول مدري والله بس مسوي سمعه ودعايه على غير سنع ... ماأحب الفخفخه أبي شيء يخلص الغرض ويكون جهاز تكانه وعلى سنع

ومع التحية