ويش عذري يا قصيدي يوم حان الوقت حانا
ويش عذري يا قصيدي والنبي سبوا جنابـه
ويش فودك يا القصيد ويا الرصيد ويا اللسانا
كان ما ذبيـت عنّـه باللحـون وبالكتابـه
يا قلم سجّـل كلامـي سجلّـه لا لا توانـى
والمشاعر ثايره والقول فـي محكـم كتابـه
كيف عرض المصطفى في تالي الدينا يُهانـا
حسبي الله يا كلاب الشر وجحوش العصابـه
من حدود الصين لين النيجر ونهرين غانـا
يا رجال الدين هبوا يا حصونه يـا حجابـه
من يدافع عن رسول الحق والدعوه سوانـا
يا الاسود ويالنمـور ويالصقـور ويالذيابـه
ويش نبغى بالحياة ان كان عرضه ما يُصانا
يوم عبّاد البقـر سبـوا وزادو فـي سبابـه
ما رضينا له شتيمه مـا رضينـا بالمهانـا
نور نبراس الشريعه زاد دربه مـع شرابـه
يوم تجريد السيوف ويوم تخضيـب السنانـا
ما تكاسل عن طريق ٍ بالرساله قـد مشابـه
يوم كان الجهل سايد بان نور الحـق بانـا
شي بيّن في كتاب ٍ قد قرابـه مـن قرابـه
نفتديه بكـل غالـي قمـة الحـب وغلانـا
بعد حب الله نحبـه جـلّ قـدره والمهابـه
بان حقد الحاقدين وصـار واضـح للعيانـا
ولا بقى فيها كلام ولا بقـى غيـر المجابـه
والتكاتف صار مطلب لاجل صد اللي غزانـا
صف واحد اييه واحد مثل ما صف الصحابه
في تضرع يالهـي فـي سكينـه ذا دعانـا
شل يمنى اللي رسم واللي تطاول في خطابه
ديننا دين السلام وهـدي طــه يـا هُدانـا
رحمة العالم محمد سيف قـول الله نصابـه
يا صلاة الله عليه إعداد ما سـارت خطانـا
وعد مالبى حجيج وعد مـا هلـت سحابـه
قلتها باسم الجميع وما خفى صـادق ولانـا
باسم اهل الدين كلـه قلتهـا عنهـم نيابـه
نحمد اللي عن طريق الزيغ للحـق اجتبانـا
نحمده رب الجلاله صـادق الوعـد بكتابـه
الشاعر جزاء البقمي
العرض الشجري