ياليتني خدامة بين اياديك

[kakr]

[size=5][align=center]قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن[/align][/siz
منقوال من ذاعة الرياض

[الرمادي]

أهلاً بعودتك اخي الغالي kakr


اشتقنا لوجودك معنا



وشكراً لأختيارك الرائع



تقبل تحياتي ,,,

[خـــــــــــــــالـــــــــد]

اخي kakr

كلما قراتها او سمعتها تاثرت جدا

يـا ليتنـي خدامـة بيـن اياديـك .. من شان اشوفك كل يوم برضايـا


حكم البشر قاس و مميت اذا جاء من اقرب الناس


شكرا لك

و بعد اذنم تنقل اخيمه الشعر تخصص الشعر النبطي

[البراق999]

احاااسيس
هنااااا في القلب",,
وأن توااارت عن العين تبقى
هنااااا". نشعر بهاااا آآآآآآآهااااات
بين الضلوووع". نلمسهاااا دمعة على
الوجنااااات". نسمعهاااااصرخه من الاعماق
مدويه". تهب كـــ نسيم اول ليلة شتوية".فالموت
ارحم من صمت يعذب الأشجان".تذوب الشموع وتنطفى
بالدموع ". وتذيب معها حمم المشاعر :, حتى يخيم الظلام ...
وسط الوجدان ". فنمسك قلماااً نكتب الالآم",
اخي الغالي ** [blink]kakr [/blink]**
سلمت يمينك وشكراً لأختيارك الرائع
الرائعه والجميله وتسلم
ومشكور يالغالي