كل واحد يحط ذكراه ..... اتمنى المشاركة

[غض النظر]

السلام عليكم

طبعا انا عضو جديد وحبيت يكون اول مواضيعي عن ذكريات الطفولة

وياليت كل واحد منكم يحط ذكريات له من ايام الطفولة وخصوصا شقاوة الاطفال

عاد ماطول عليكم وابحطلكم كم سالفة حصلتلي يوم انا صغير

السالفة الاولى:

كنت انا وعيال عمي وولد عمتي طبعا يوم حنا صغار كنا عند ولد عمتي بالرياض المهم ........ كانو ساكنين باسكان تبع العسكرية لان رجل عمتي ضابط ...... طلعنا رحنا نصلي ويوم طلعنا جلسنا نسولف شوي الين طلعو كل اللي بالمسجد جاء ولد عمتي وقال ترا مدرستنا الدرايش حقات الفصل كلهن طوال وكلهن قزاز ( يعني بالعربي مغريات للتكسير ) المهم ونجمع من الحصى ونجدعهن من فوق السور واذانك ماتسمع الاالتكسير >>>>>>لو راحين لفلسطين كان ذبحتو كل اليهود ............المهم شوي الا وشافنا رجال ويصرخ علينا ....... وعينك ماتشوف الا غبرتنا نركض لم البيت ...... المهم دخلت انا وعيال عمي الاثنين وولد عمتي جالس يسولف مع خويه برا ........ وجلسنا نغسل السيارة مع عمي ......المهم جت عمتي وجلست تهوش علينا ...... طبعا عمتي ماقامت عندنا ولا قعدت لانها ماراح تضرب .......... وكان عمي عند الدينمو يبي يطفيه ولا سمع زين ........ويوم رجع شاف عمتي قاله وش السالفة قالته انه متصل علينا واحد ويقول ان عيالكم مكسرين درايش المدرسة .......... عاد عمي اول من ناظر ناظرني انا ولا بعين وحدة بس >>>>>>>>> الله يهديه مدري وش فيه علي كنه انا السبب
......... المهم قالي ليش تكسرون القزاز ......... طبعا انا على طول انكرت >>>>>>>> انواع الجحيد
........ والمشكلة ماسئل الباقين ماسئل الا انا .............. وانا وياه وانا وياه هو يسئنل وانا اجحد ..........عاد قال لحد بنات عمتي روحي نادي صالح ( صالح ذا هو ولد عمتي اللي ورطنا ) المهم يوم جاء هو وخشته





قاله عمي ان ( غض النظر ) اللي هو انا ............... يقول ان صالح هو اللي مكسر ...........
ولد عمي الغبي على طول قال حتى هو .............. وعينك ماتشوف الا النعال هههههههههههههههههههه

حسبي الله عليه