أبويه و أمايه لقبوني جذيه .........!!!

[أنوار المدينة]

[align=center]السلام عليكم ورحمة الله وبركاته

وصباح الخير على جميع المتواجدين

موضوعنا اليوم عن الألقاب الممنوحه لك من قبل الوالد أو الوالده ( لا غير ) و سبب هذا اللقب ؟


وراح أبدأ بنفسي وبقولكم اللقب بس بدون سبب

بسم الله نبدأ:


الوالده لقبتني بــ( وردة الحمامه )
والصراحه اعتز فيه أحس أن رنته غير و ما بنسى هذا اللقب لأنه من الوالده لما لقبتني بهذا اللقب كانت تناظر فيني و تبتسم فكان اللقب سر هذه الابتسامة يلي بكتشفه في يوم


يالله بانتظار ردودكم [/align]

[لمبة شارع]

يحق لك يا انوار انتي امك تلقبك بوردة الحمامة ماسمعتي امي وهي تقومني للصلاة وتقول قم يالكافر قم صل وتدخل وتطفي المكيف وتسحب البطانية وهي تزبد وترعد واقول لها يمه انا توني قايم من النوم معقول كذا تصحيني شوفي التمثيليات وشلون يصحون عيالهم قم يا بابا قم ياحبيبي وتحط له كاسة مويه وانتي من اول كلمة تقولين لي يالكافر ثم عاد هي تقول انت منت كفو نقومك كذا ثم اقول لها واخوي فلان وفلان بعد ماهم كفو تقول كلكم ماغير سهر نوم بهالعطلة الله يجيب الدراسة وتفكونا من شركم

عاد الله يجزاها الجنة ويسلمها ويطول عمرها أجر الوالدين على الله يوم اني تزوجت صارت تدق علي جوال وتقول يالله قم ياوليدي لاتفوتك الصلاة(يعني تحسن الوضع شويا)


اما انتي ياوردة الحمامة الله يهنيك بأمك وبلقبك الرائع

[الذاهبة]

مرحبا حبوبتي أنوار المدينة ..

صباح الخيرات و النورات

<<< فيني نوم شوي بس


موضوعك طريف و خفيف ..

إذا ماني غلطانة انتي تسالين عن العيارة ..

يعني .. وشي عيارتك و أنت صغير ..؟ ؟

أو كما تفضلتِ : ماهو اللقب الممنوح لك من الام او الأب .. مرّة ذوق هالسؤال !!

اقتباس:  المشاركة الأصلية كتبت بواسطة أنوار المدينة     [align=center] الوالده لقبتني بــ( وردة الحمامه ) [/align]

ماشاء الله

إذا هذي عيارتك اجل اسمك شلون

والله ودي اشارك لكن ..

مكانتي الاجتماعية تمنعني من التصريح

معليش



تحياتي

[لمبة شارع]

اقتباس: المشاركة الاصلية بواسطة الذاهبة مكانتي الاجتماعية تمنعني من التصريح

اقول ياذاهبة ترى مافيه احد يقول عن نفسه (مكانتي الاجتماعية) !!!هذه العبارة تقال عن الغير ولاتقال عن الذات إلا إذا كان الواحد يعاني من خلل في القدرة على انتقاء العبارات وانت لست كذلك ....

وبحكم مكانتك الاجتماعية التي تحول دون التصريح ايها الماركيزة اقصد الكونتيسة وفنحن نعلم من يمنح هذه الالقاب في السعودية لذلك نعذرك بعدم التصريح يادوقة بريدة

[الـمـهـاجـر]

موضوع جميل ... عن نفسي لا أذكر لقبا معينا كان والداي يلقباني به .

[متغربه]

موضوعك جدا جميل اختي انوار المدينه

انا عن نفسي كانوا يقولون لي .................العصلا

ههههههههه

بس اذا عصبوا علي



واذا هم مبسوطين مني ينادوني بام فلان

اللي هو اسم ابوي الله يخليه لي

[قصمنجيه]

(( العبــدة )) ...

و الله كان معقدن اللقب هذا و أنا صغـيرة ..


.

[دمعــة أمـل]

[align=center][align=center]هههههههههههههههههههه

ياحبيلك ياقصمنجية انتي ولقبك.....بس اللقب هذا لامفر منه بكل بيت موجود

البيت اللي مافيه عبده مب بيت(ههههههه)

بس تراي والله انه مب لقبي العبدة ....(لي لقب بس على قولة الذاهبة مكانتي الاجتماعية لاتسمح لي بالافصاح[/align]

شكراً لكِ اختي انوار المدينه على الموضوع الحلو.....(أن كانك مو من بريدة ماراح تفهمين علينا

تحياتي

دمعة أمل..[/align]

[مبحوحة الصوت]

انا ينادونني بصغري ((ام عص))

وعلشان كذا صار عندي عقده وكافحة هاللقب الى ماحصلت على اللياقه

البدنيه والتناسب بين الطول والوزن 00

[مبحوحة الصوت]

اقتباس:  المشاركة الأصلية كتبت بواسطة دمعــة أمـل     [align=center][align=center]هههههههههههههههههههه ياحبيلك ياقصمنجية انتي ولقبك.....بس اللقب هذا لامفر منه بكل بيت موجود البيت اللي مافيه عبده مب بيت(ههههههه) a1:[/align] تحياتي دمعة أمل..[/align]

والله انك صادقه بكل بيت هذا لقب اختي الصغيره لانه ماتحارشينه تبتل تهاوش

[نجم النعايم]

اقتباس:  المشاركة الأصلية كتبت بواسطة لمبة شارع     امي وهي تقومني للصلاة وتقول قم يالكافر قم صل وتدخل وتطفي المكيف وتسحب البطانية وهي تزبد وترعد واقول لها يمه انا توني قايم من النوم معقول كذا تصحيني شوفي التمثيليات وشلون يصحون عيالهم قم يا بابا قم ياحبيبي وتحط له كاسة مويه وانتي من اول كلمة تقولين لي يالكافر ثم عاد هي تقول انت منت كفو نقومك كذا ثم اقول لها واخوي فلان وفلان بعد ماهم كفو تقول كلكم ماغير سهر نوم بهالعطلة الله يجيب الدراسة وتفكونا من شركم

أضحكتني يالمبه, على فكرة هذا السيناريو يحدث في كل بيت, لا وتبي تحط لك كاسة مويا, احمد ربك اللي ماتجيب سطل ماء وتكبه عليك, علشان تقوم .

وسلامتكم,,,,,,,,,,

[الذاهبة]

اقتباس:  المشاركة الأصلية كتبت بواسطة لمبة شارع     اقول ياذاهبة ترى مافيه احد يقول عن نفسه (مكانتي الاجتماعية) !!!هذه العبارة تقال عن الغير ولاتقال عن الذات إلا إذا كان الواحد يعاني من خلل في القدرة على انتقاء العبارات وانت لست كذلك .... وبحكم مكانتك الاجتماعية التي تحول دون التصريح ايها الماركيزة اقصد الكونتيسة وفنحن نعلم من يمنح هذه الالقاب في السعودية لذلك نعذرك بعدم التصريح يادوقة بريدة

OK !!

يبدو أن شياطينك المريدة عاودت نشاطها من جديد

و حريّ بها _ أقصد شياطينك _ أن تفرغ شحناتها قبيل شهر رمضان المبارك حيث لا مفر من التربيط و التصفيد ..



مرحبا بك لمبة شارع من جديد

الحمد لله لا اظن أني اعاني من تخلخل في التعابير و لا خلل في توازن شخصيتي

لكن

وضعي بالمنتدى أقصد كمشرفة في القسم الاجتماعي و مشرفة عامة

ما يسمح لي إني أفصح عن ( معيارتي )

فلو كنت عضو عادي مثل لمبة شارع كان عايدي

لم أشير أبداً إلى وضعي الاجتماعي في حياتي الصدقية


عرفيت ؟!

شكراً جزيلاً لمنحي لقب : دوقة بريدة

نعم أنا دوقة بريدة

[أنوار المدينة]

[align=center]لمبة شارع

آمين يا رب الله يخليلنا أمهاتنا و يعطيهن الصحه و العافيه و يجزيهن عنا كل خير يا رب

الأم كلامها القاسي ما يكون طالع من قلبها بس هيه عصبيه تأثر في الواحد و تخليه يقول أي شيء

لمبة شارع

أشكرك على ردك و تواصلك الكريم

[/align]

[أنوار المدينة]

[align=center]الذاهبه

لا ما أسأل عن العيارة حاشا لله أنا أسأل عن لقب يعتز فيه الشخص

و هذا اللقب ناله عن طريق الأب أو الأم

أشكرج على ردج و تواصلج

[/align]

[أنوار المدينة]

[align=center]المهاجر

بس شوه أكثر لقب تعتز فيه ؟

و أشكرك على ردك و تواصلك

[/align]