نساء بريدة والصراف الألي

[بنت الديرة]

اقتباس: اخي الشاب هناك رجال محترمون هم عندما يرون المرأة يطلبون منها الدخول عندما يكون الكم هائل من الرجال وهي امرأة واحدة والمكان لايستدعي وقوفها فهو يتخيلها زوجتة او ابنتة فيسمحون لها بالدخول وهذا يدل علي رجولة الشخص

هالموقف حصل معي أكثر من مره بمناطق ثانيه بالمملكه

لكن ببريده ولا مره للأسف يعتبر الرجل البريداوي انها اهانه له او اتنقاص من رجولته لو قدم وحده عليه .. لا وبعضهم يجي وياخذ دوري يدري اني ماراح اتكلم القاهم متجمعين داخل الصراف واحد يدخل والثاني يطلع وانا صعبه ادخل معهم ومعجبهم الوضع .. يرفعون الضغط بصراحه

وأكثر مايقهرني اذا قاموا يزاحمون الحريم بأماكن تجمعات نسائيه ..طيب ياأخي شغل سيارتك ودور لك اي صراف ثاني الا هذا يعني !!! لو عندي سيارة كان ردت على الصرافات كلهن ادور صراف فاضي

[حبيبتي ديرتي]

اقتباس:  المشاركة الأصلية كتبت بواسطة بنت الديرة     هالموقف حصل معي أكثر من مره بمناطق ثانيه بالمملكه لكن ببريده ولا مره للأسف يعتبر الرجل البريداوي انها اهانه له او اتنقاص من رجولته لو قدم وحده عليه .. لا وبعضهم يجي وياخذ دوري يدري اني ماراح اتكلم القاهم متجمعين داخل الصراف واحد يدخل والثاني يطلع وانا صعبه ادخل معهم ومعجبهم الوضع .. يرفعون الضغط بصراحه وأكثر مايقهرني اذا قاموا يزاحمون الحريم بأماكن تجمعات نسائيه ..طيب ياأخي شغل سيارتك ودور لك اي صراف ثاني الا هذا يعني !!! لو عندي سيارة كان ردت على الصرافات كلهن ادور صراف فاضي

شكرا علي مررورك بنت الديرة فعلا عندنا طبقة من المجتمع صعب تفهمينهم كيف يتعاملون مع المرأة ولكن فعلا هذا النوع من الرجال موجود بكثرة عندنا

ومن ضمن المواقف الي من يومين اتعرضت لها لإول مرة ادخل داجن وبعد مادخلت تفجأت انة لايوجد مكان مخصصص لطلب النساء المهم فية واحد كان واقف قمت اطلب والمحاسب يسجل فقاطعني الرجل وش مكونة منة وجبة الطفل ورد علية المحاسب وبعدين يقاطعني مرة اخري كم البروست عندكم وهكذا ثلاث مرات وكانة يقول ااخجلي علي نفسك وليش مزاحمة الرجال وهذا مو مكان حريم وقمة الإحتقار والإهانة لكن تري ماسأل نفسة لماذا انا اطلب ربما يكون ليس لدي اخ او ليس لدي زوج اوليس لدي اب فليحمد اللة انة متواجد مع اسرتة ويترك الناس في حالهم