تدرين ليش اسب السعوديات لان بعضهن لايقدرن الحياه الزوجيه لا فيه بعض البنات تناظر للبنت الثانيه علشان تكون مثلها في كل شئ لان فيه بعض الرجال على قد حاله وخليها مستوره احسن والله العظيم لو اشرحلك معانات الشباب والله ان يشيب راسك من طلبات البنات اللى في هذا الوقت.
تبي سفر خارج السعوديه وتبي احسن سياره وتبي شغاله وتبي احسن اثاث وتبي افضل الذهب وتبي تلبس احسن الملابس من الماركات العالميه وتبي وتبي وتبي الخ.
وتحصلين الشباب في هالوقت مع شهاده جامعيه ومسجل عسكري جندي وتخب عليه وراتبه على قد حاله بس وين من البنات اللى تقدر الا ماندر.
كلامك واقع ولا عليه غبار ,,
لكن لو ينظر الشباب للبنت وش هي متزوجه عشانه بيعرف يتحكم فيها مثل الصلصال ويشكلها بيدينه بالشكل اللي يعجبه ,,
البنت تبي قلب الرجل وحنانه وطيبه ,, وهذا يكفيها عن الأكل والشرب والسيارات والشغلات والسواقين ,,
لو يجرب كل شاب انه يعطي زوجته قلبه واهتمامه وحنانه راح تطير فيه وتحطه جوات عيونها وبتنسى اهلهااااا لعيونه ,,
لكن يجيك شين نفس وبدون وظيفة وسهر طول الليل بالاستراحات ,,
وناسيها بالبيت مايتذكرها الا عند النوم .. وش تبيها تسوي وقتها .. !!
تبيها تسكت .. !!
راح تطلب وتطلب ,,, لأنها تبي تقهره بكثرة الطلبات ,, وغير هذا تحسسه بوجودها وانها مااتواجدت بحياته عشان تكون مجرد خادمة ,,
المشكلة الأولى والأخيرة بالشاب نفسه ,, لو عرف وش تبي البنت راح يتهنى بحياته طول عمره ,,
العرض الشجري