<<<......... نقطة البدآية

[البـــBADERـــدر B.D.Q]

بصراحه كان دخولي عالم النت تقريبا في عالم بدايات دخول الدي سي ال وانتشاره
لاني قبل كنت لا شبكت الديل اب اتنرفز واصكه على طول ولا اتحمل

وطبعا كنت شايل من بالي نهائي اني اتعلم اي شي عن طريق الجهاز بدو نت فكان الجهاز عندي على الرف ولا ادري عنه

ببدايه دخولي طبعا للاسف كان شات وخرابيط
وكنت اتعقد من سرعه الكتابه واتنرفز وبرضوا اصكه واصبخ به الجدار واقوم
واكثر ماينرفزني لا قعدت ربعه ساعه ادور حرف (ذ) ذا يجيب لي مرض الاعصاب واانا ادوره

وتسجيلي هنا عن طريق مسابقه اجريت للافضل توؤام متشابه وكانت بنات عمي هم الفائزين بالمركز الاول

ومن عام 2006 وانا بالمنتدى

شكرا ريم

[سهاد]

بدايتي حكاااايه ....كنت اعصب واطلع مالي نفس وماعندي صبر بالانتظااااار

افتح واعصب واقفل واقول كيف يتحملونه الناااااااس والحين ليتني اعقل واتركه بس مليت منه ومن

سرقته لوقتي الثمين << كثري منه
شكرا لك

[aĻŖeem]

اقتباس:  المشاركة الأصلية كتبت بواسطة هااااااااااوي     الصراحة اول منتدى سجلت فيه منتدى بريدة. عن طريق ابوحكيم اوالاستاذخالدالمقيطيب واشكرهـ جزيل الشكر. طبعامااعرف انزل موضوع يليتكم تعلموني. والصراحة ارتحت لكم كلكم فديتكم عسى الله يخليكم كلكم ومايفرقكم. واكيدتتسئلون ليش اول منتدى بريدة سجلت فيه لعدم التفرغ. وكنت ادخل للمنتديات للتصفح فقط واجلس على اليوتيوب والايميل &موضوع حلومررهـ

حياكَ الله هاوي بمنتدآك منتدانا بريدة ..
واذا ماتعرف تنزل موضوع نعلمك يآخوي ..
ونتمنى لك قضاء وقت مليء بالفائدة والمتعه

[’ ŚĀM]

هلا بالريم ، هههه هاليومين أحد متكلم معاي على بدايتي هنا ، هه شايفه الصدف .
- على فكره ، تعجبيني قداً ياقميله : )


- إيوه نرجع للبدايه ، بدايتي مع الكمبيوتر من2004 كان مستهويني لدرجه مش طبيعيه وماكان النت يهمني نظراً للسرعه السلحفاتيه الي كان فيها / كل شغلي على الكمبيوتر ومطاريسه هه .
في 2005 كان اول تسجيل لي في شبكة الأقلاع عن طريق بنت عمتي !
عرفت تقريباً أغلب الأشياء منهم..ماجلست إلا كم شهر وصرت ادخل اتفرج واطلع وإذا بخاطري ارد او اعلق مستحله يوزر بنت عمتي .
في 2006 عرفت عن منتدى بريده ، دخلت خذت لي لفه وكان في موضوع عن الهلال والنصر وشابه نار بينهم ، وكان خالي صاحي بينهم ، نرفزني احد الردود له وسجلت بس عشان ارد عليه ..
ومن يومها وانا مداومه على وجيهكم : )


سمي

[ريداويهـ]

’,.



مرحبا أختي الريم ’,.
وعليكِ السلام والرحمه ’,.


كانت محطّة البدايه في منتدى بريده ’,.
أدخل للمنتدى عن طريق صفحة الردّادي " دليل المواقع العربيه " ’,.
كنت أدخل للمنتدى زائره ومتصفّحه فقط ’,.
كانت أمنيتي إنّي أكتب موضوع ,, أو ردّ على المواضيع ’,.
لكن ماكلّ مايتمنّاه المرء يدركه ’,.


بعد سنه تقريبا ,, كنت أجلس بجانب أخي ورأيته يكتب موضوعا في منتدى بريده ’,.
ماتتخيّلون كيف صارت فرحتي ’,.
بس المشكله بالإيميل ماعنّدي ,, كيف أسجّل ’,.
المهم انه جاب لي إيميل ماأذكر من وين ,, أهم شيء جابه ’,.
والحمدلله سجّلت بالمنتدى ’,.

ولكن إنقطعت عنه في عام 2006 ,, بس أدخل على فترات بدون مشاركه ’,.
وبعد تركيب الدي اسّ إيل عام 2008 رجعت للمنتدى متصفّحه أيضا ’,.
وكنت لاأرغب في المشاركه أبدا ’,.
بس قبل كم شهر سجّلت بإسمي هذا ,, وهذي أنا بينكم ’,.



شكريات ألف لك الريم ’,.

[aĻŖeem]

اقتباس:  المشاركة الأصلية كتبت بواسطة تركي 22     هلا بالريم بدايتي مع الانترنت كان بواقع الصدفه صراحة كنت اذهب للاستراحه عند الشباب وكانو يفتحون اجهزتهم وانا مثل اللي مايدري عن شي ويطلعون على الشبكة العنكبوتيه وانا كنت اقلب بالريموت قنوات التلفزيون وتكرر هذا المشهد ....... فحبيت اخوض التجربه وان كان منتدى بريده هو المادة الدسمه مع اني مشارك بمنتديات مختلفه حتى وان ذهبت الى البيت وجدت اخواني يتكلمون عن النت وما ظهر لهم من خفايا النت وفي الدوام نفس الوضع مع اني كنت لا اريد ان اشغل وقتي بالنت ولكن مع الايام استسلمت بالنهايه 0 و مع مرور الايام اصبح الجهاز معي بالسياره اينما اذهب وخاصة اني كنت انجز معاملات وغيرها عن طريق النت وبالممارسه والتجارب اصبح ماده رئيسيه بالحياة اليوميه 000 اشكرك الريم على طرحك الراقي والمتجدد 0 تحيتي 0

حيآك التركي

اقتباس: وبالممارسه والتجارب اصبح ماده رئيسيه بالحياة اليوميه 000

هو كذا ولا كذا وجوده أصبح أساسي لنآ ..
أمتعتنا ببدآيتك ..
كل الشكر الجزيل لك

[aĻŖeem]

اقتباس:  المشاركة الأصلية كتبت بواسطة ثمن الساعة     هلا بالأخت الريم أنا توني أ ب في الكمبيوتر تعلمت ما كروسفت وبس وأريد المواصلة في الفيتو شوب وكل شي أما ألنت هذا أول منتدى لي وأريد اعرف أهل بريده لذلك سجلت وهذا أول توقيع عملته لي الأخت زكية الله يوفقها أما الصورة الرمزية لا اعرف وكل شي ما اعرفه وكثيرة هي غلطاتي وما لي في الكمبيوتر 8شهور ولا أحب أن يأخذ وقتي على حساب نفسي وأهلي يا لله وفقني كل الشكر لك

حيآك ثمن الساعه ..
بدآيتك بالنت 8 شهور ... أم بالمنتديآت ؟
وبالنسبه اذا كانت بدآيتك بالمنتديآت 8 شهور .. فآنت أذن تعتبر بالبدآيه فعلا ً

اقتباس: ولا أحب أن يأخذ وقتي على حساب نفسي وأهلي

أكيد والكل هكذآ
لكن اذا كان هناك ترتيب وتحدد أنت ماذا تريد بالنت عامه وبالمنتديآت خاصه صدقني وقتها ماراح يشغلك عن نفسك أو أهلك ..
شكرآ لك

[aĻŖeem]

اقتباس:  المشاركة الأصلية كتبت بواسطة رمانسي     الصراحة انا كنت اغلب اوقاتي متصفح للنت ولم اسجل باي منتدى الاقبل تقريبا 7شهووووور حيث بدأت اكتب وارد وشيل وحط وخاصة منتدى بريده تشكراتي لك الريم على موووووووووووضوعك الجميل

بدآيه موفقه إن شاء الله رمآنسي ..
حياكَ الله

[aĻŖeem]

اقتباس:  المشاركة الأصلية كتبت بواسطة أبو الريش     [align=center]بدايتي كانت في منتدى(مسقط) خاص بسلطنة عمان , تعلمت منه أشياء كثيره لكن أغلب مواضيعي بمنتداهم منقوله ( يعني أجيب لهم أخبار عنا وعن طبايعنا وعاداتنا وتقاليدنا وصور من القصيم )< لأنهم يطلبون هالشي من والآن تاركهم من تاريخ 2006 لأني أغلب دخولي للمنتديات (منتدى بريده) و ( منتدى أهل الرياض)[/align]

جميل جدآ ابو الريش عندمآ تعلم منطقه أخرى طبآيع منطقتك وعآداتهم وتقاليدهم ..
بآرك الله فيك ..

[aĻŖeem]

اقتباس:  المشاركة الأصلية كتبت بواسطة Modern     بدايتي بمنتدى لواحد من الشباب عام 2002 يعتبر من اوائل المنتديات ،، وكان جامع خليط مابين شباب وبنات من بريدة والرياض ، وكانت معظم المشاركات بأقسام الالعاب والفن والكمبيوتر والبرامج ،، مغلق حالياً وبصراحه مايعني لي اي شي رغم اني كنت مراقب فيه ولي مشاركات كثيره فيه بس ذيك الايام كانت حلوه عشان كذا للحين اذكرها وللحين اذكر انه اخر مشاركه لي في ذاك المنتدى كان رقمها 896 ،، اما طريقه التعامل والكتابه والتنسيق واستخدام خواص نظام المنتدى لليوم اتعلمها ،، يعني فيه خواص واختصارات وتكنيكات كثيره اجهلها لليوم ، ممكن لاني موب راعي تنسيق وبكل تأكيد مودرن حالياً افضل من (....) سابقاً من حيث نوعيه المشاركات وعمقها وادراك اهميه التواجد داخل المنتدى ،، شكراً الريم موضوعك رائع واعاد لنا ذكرى ايام جميييله ،،

حيآك الله Modern
ماشاء الله 2002 تعتبر فتره ليست قصيره وخبرهَ كذلك بعالم النت

اقتباس: وللحين اذكر انه اخر مشاركه لي في ذاك المنتدى كان رقمها 896 ،

.
ماشاء الله يبدو كذلك فعلا ان لها ذكرى طيبه وجميله لديك بمآ انك تذكر رقم مشاركاتك ...

ومن ناحية التنسيق الى الان انا اكذلك أجهل مابهآ ..

أمتعتنا هنآ Modern
شكرآ لك

[aĻŖeem]

اقتباس:  المشاركة الأصلية كتبت بواسطة فولالالاذ     اعتقد ان الكثير هنا لايزال بالبداية رغم تحنطه من القدم

ومآذا عنك يافولآلآلآذ ..؟؟
حياك الله

[aĻŖeem]

اقتباس:  المشاركة الأصلية كتبت بواسطة عاشق الخير     يعني كم لك وانت متسلل .. ما استفدت شيء من خبرك في المنتديات ... اهلا بعودتك واهلا بهالطله .. >>>عذرا الريم .. ولي عوده

بإنتظــارك عآشق الخير

اقتباس: حياكم في البروفايل .. للصريحيين فقط .. http://www.******.me/aboujnan9336

شكراً لـ إطرائك الكريم ياعاشق .. سلمت من كل شر

[aĻŖeem]

اقتباس:  المشاركة الأصلية كتبت بواسطة احمد النجم     أعتبر نفسي لسه مستجد كنت قبل 2007 مجرد زائر خفيــف لكن بعد هذا التاريخ دخلت في دهاليز المشاركه الفعليه وأن كنت لازلت (مقل) في المشاركات لاني لا أومن أن تكون عدد المشاركات هي الهدف ,, أمامشاركه تحكي قناعه أو الاكتفاء بالتصفح , ولا يلزم الردود التي تكون بصيغة( مشكور) ويعطيك العافيه بدون أبداء أي رأي! بالنسبه (لي) لست متعمق بخواص التنسيق والابداع في أمور التقنيــه لكن مع مرور الوقت والممارسه لابد من التطور! موضوع (مختلف) ربما يعيد الهدواء بعد موجه من السخونـــــــه والانفعالات التي تحدث هنا

بالتآكيد العدد ليس مهم بقدر أهمية
(ماهية المشاركه وأعطاء رآيك ووجهة نظرك )
وأمامنا مثال شخصك الكريم أحمد النجم أثبت نفسهِ بفتره قصيره رغم قلة مشاركاتهِ ..!

رعاكَ الله

[aĻŖeem]

اقتباس:  المشاركة الأصلية كتبت بواسطة أم البراء     بالتأكيد البداية صعبه .. ابتداء من الكيبورد والبحث عن الحرف وانتهاء بالتواقيع والصور والتصاميم والايميل له حكايه حين كنت ابحث عمن يغيثني ايميل لأتصفح به واحادث عبر المسن وارى الجديد الآن اصبحت انقذ المبتدئين وأخدم من يريد الخدمة واول واكثر مايطلب مني عمل الايميل !! تقديري لك..

جميعاً كان يعقدنا الايميل وطريقة عمل الايميل .. لكن مع المداومه أصبحت سهلة .. ودوما البدايات بالفعل صعبه ..
شكراً لكِ أم البراء شرفتِ عزيزتي

[aĻŖeem]

اقتباس:  المشاركة الأصلية كتبت بواسطة زخات المطر     [align=center]السلام عليك يالريم ، < مرور سريع .. اي مُنتدى تقصدين ؟ اللي توفى مديره الله يرحمه ؟ == قد اعود ،،[/align]

وعليكم السلآم أهلاً وسهلا زخات
لا يالغاليه مو هذا .. والي قصدته منتديات كيان ..وهي الان مغلقه للابد
وننتظر عودتك