البارحة في منامي شفت خلي ... هــوس الــنــســاء فـي تـفـسـيـر الاحــــــلام

[قلب الأسد]

اقتباس:  المشاركة الأصلية كتبت بواسطة فديكا بريده     انا اموووت بالتفسير من حبي للتفسير اتمنى اني افسر بس ماعمري دقيت على احد استحي اهارجه اذا به احد يقدر يسال عن تراي جامعتهن ....... <<<تخاااف من حلومه دايم يصدقن ....

اجل لبن بقالتكم مايقعد خخخخ

عاد يافديكا من زين حلوم الحريم ,, كلهن طق ورحنا لعـرس

ومن هالقبيل ,, لاتفسرين تنغثين من شين الحلوم

[عجوز سمنسي]

اقتباس:  المشاركة الأصلية كتبت بواسطة مهند الجربوع     هلا بالعمده السمنسي ولايهمونك المهايطيه .خلك جبل مايهزك ريح. بالنسبة للموضوع فحنا خالصين ومنتهين ومتفقين على عقليات بعض النساء فهن ضعيفات ومسيكينات وماحولك احد وتحتاج للي ياخذ بيدها ..ليش لا ..والله جل وعلا جعل الرجال قوام عليها . وبعدين ماعقب يوم يلعب عليهن رفيق ويخليهن يشترن جوز (القمل) بخمسين ريال.

اهلا بالمهند

اخق ياشيخ على اسمك

اولاه لو انا بنت ياشيخ كان اخطبك لي والمهر علي

هن النساء هكذا

اتذكر مرة اتصلت فيني بالغلط امراة وعلى طول دخلت بسوالف الحلوم وقعدت تقص علي سوالف اهلها

قلت لها : هييييييه وقفي وش تبين انتي ؟

قالت : هووو مهب انت الشيخ المطلق؟

الحريم تدرعم على طول ومايردها ولا سور الصين العظيم

بس انت عطهن وجه وتبي تشوف

سالفة القمل هذي سالفة لحالها

ارجع لمواضيعي وتلاقيه هناك

شرفتني ياقلبي

[ابو فارس الحمادا]

معقولة السمنسي
تفسير الرؤياء شي جميل
عاد اتصدق جلست في مجلس عند الشباب وماشاءالله
أكثرهم يفسرون رؤى وكل واحد يقول أنا لها
صارت شي طبيعي ولايحقرون أنفسهم واثق من نفسه
عاد يالسمنسي توك جاي أرفق عليهن
ياحليلك

[فديكا التميمي]

اقتباس:  المشاركة الأصلية كتبت بواسطة قلب الأسد     اجل لبن بقالتكم مايقعد خخخخ عاد يافديكا من زين حلوم الحريم ,, كلهن طق ورحنا لعـرس ومن هالقبيل ,, لاتفسرين تنغثين من شين الحلوم

احمد ربك اني مااحلم بك حلومي توجع الراس ....
بس حلمنا على الصامت الرجال اللي يضحك واللي صوته
يطلع احيانا ينفضح من سواليفه والسعابيل تغرق مرته والله من شين الريحه...

[عجوز سمنسي]

اقتباس:  المشاركة الأصلية كتبت بواسطة أحب نفسي     هلآ بالسمنسيّ.! منوّر بقوووووة .. والله يآلك شعبية مهبوووووووولة .. وبالنسبه لموضوعك . صدقت أخي النساء تعتقد أنه كلمآ تحلم حلم لآزم تفسرة .. وأنآ أشوف الرجال يحلمون لكن حتى حلومهم مآيذكرونه .. ولآيذكر الآ الشيء اللي عليه القيمة .. ومآيهمهم يفسّره ولآ لآ .. مب مثل الحرمّآ .. يتبآدلن أرقآم المفسرين حتى.. ولو تحلم حلمن خربطه ازهمت ع المفسر .. حظووورك قوي السمنسيّ. يالله حيّة .!

احب نفسي

ياهلا فيك ياغالي

حظوري بكم ياسيدي ولن اعدو قدري بدونكم فحيّ هلا بك

هنا الفرق بين الرجال والنساء

الرجال تتحكم بهم عقولهم وربما بحثوا عن تفسير رؤياهم اذا ماتكررت معهم لكن من خلال الاتصال المباشر بالمفسر او الزيارة له

صدقني لم تنتشر برامج تفسير الرؤيا في القنوات ولم تنتشر المنتديات المفسرة للاحلام الا بسبب الطلب المتزايد من النساء على تفسير خذاريفهن

الى متى يعيش الناس عالمهم الميتافيزيقي ويعيشون واقعهم وحياتهم بصورة طبيعية ؟

شكرا لك وشرفتني ياقلبي

[قرناس]

العجوز ما يجوز .... مرحب بعودتك

قيل قديما ان الرؤى ثلاثة انواع

رؤيا صادقة

ورؤيا صالحه

واثغاث احلام

اما الآولى فتأتي مثل فلق الصبح ولا تحتاج الى معبر

والثانية هي التي تكون غير مفهومة للرائي وتحتاج الى معبر وهبه الله والهمه التعبير

والثالثه هي اضغاث الأحلام فهي من احاديث النفس اوتلاعب الشيطان بأبن آدم فتجد الآمال التي لم يستطع الأنسان تحقيقها في في واقع الحياة يراها في منامه (كمثل السجين يرى انه طليق والعطشان يرى في منامه مايروي عطشه ) وقس على ذلك

ذكرتي يابعدي باحد المفسرين حين عبررؤيا احد المتصلين وفي معرض تفسيريه لهذهالرؤيا حدد جازماً وبما لا يدع مجالا للشك موعد لنهاية اسرائيل وبالتاريخ السنوي والشهري واليومي ايضاً مابقى الا الساعة .
المضحك ان التاريخ المحدد مضى عليه الآن اكثر من 5 سنوات ولم تتحقق هذه الرؤيا
هذا في معرض الرؤى السياسية

اما سباحين العجز في منامها فكثر منها

[مشقاص]

هلا وغلا بالسمنسي

البنات لعدم ثقتهم بالواقع ذهبو للأحلام لعلهم يجدون ما فقدوه في الواقع .

مثل من يتعلق بقشه لعل وعسى الكل يعيش بالأحلام وأستغل هذا الشعور من قبل

مشايخ تفسير الأحلام بالنصب على ضيعيفات الدين والغير واثقه من واقعها ...

[وضوح]

اقتباس:  المشاركة الأصلية كتبت بواسطة مشقاص     هلا وغلا بالسمنسي البنات لعدم ثقتهم بالواقع ذهبو للأحلام لعلهم يجدون ما فقدوه في الواقع . مثل من يتعلق بقشه لعل وعسى الكل يعيش بالأحلام وأستغل هذا الشعور من قبل مشايخ تفسير الأحلام بالنصب على ضيعيفات الدين والغير واثقه من واقعها ...

مشقاص ..

برأييك ماسبب عدم ثقة المرأة من واقعها ..؟!

[عجوز سمنسي]

اقتباس:  المشاركة الأصلية كتبت بواسطة اللص الصامت     [align=center]عودا حميدا[/align][align=center] قدر علي مره وفسرت حلم تفسير نتاوي طبعا<<اي عن طريق النت وعساهن للبلا حاطتن معناته موب زين وانا الي تطقن الحسوف اني افسره[/align]

هلا وغلا باللص الصامت

تقل مهب غريب علي المعرف

تقل سرق مني شي وعرفته

بس يالله مهب شغلتي

شغلتي الله يسلمك هي اني انصحك لاتعلم احد بحلومك وخلها على ربك واتكل عليه

واذا عندك حلم لاتعرضه للتفسير الا اذا تكرر عندك

ولاتعرضه على قنوات او منتديات فقد حذر نها المصلحون كثيرا

وانتبه تكثر من اللبن ترى نصح بودرة وتثقل على البطن ويالله خذ خذاريف عجايز على قولة قرناس افندي

شرفتني كثير

[عاشق الخير]

[align=center]عودا حميدا .. [/align][align=center]

في مجتمعي أصبح والدي((رحمه الله )) كعزرائيل
فما أن تراه أحدى النساء الا ويكون الموت حليفها
او حليف من رأتها معه في المنام ..

لذا اصبح والدي رحمه الله علم على رأسه نار
فلا يحتاج من رأه في منامه لمفسر أحلام
بل يستعجل في تجهيز الكفن وكتابة الوصية ..

ولهذا أصبح كابوووس يحيط بنا في أحلامنا [/align]

اللي وده يخلص من اللي حوله يرسله ابوي بالحلم ..

[شموخـ إمرأهـ]

>>ماتلحقون جزاي جبته لكم >>من وقفت وهي تقط خيط وخيط خخخخخخخخخخ


والله ياسمنسي انا ما افسر لكن اشوف اللي بالحلم مثل ماهو بالطبيعه

واحيانا ادري بـ اشياء واصير شفتها بالحلم

واذكر اني شفت حلم>>تبي تقصه على سمنسي اغدي عنده تفسير

ايه اقولك الحلم اني قاعده على كرسي ولا ادري عن شئ

وفيه شخص يحوس ويدوس وراى وانا مو حاسه فيه وياحاول يسوي شئ الله اعلم به >>اكمل الحلم ولا مادوك؟؟؟

عودا حميدا

[عجوز سمنسي]

اقتباس:  المشاركة الأصلية كتبت بواسطة وضوح     البارحة في منامي شفت خلي ..، للأسف الخل هذا تسمع فيه المرأهـ ..، وتفرح بالحلم لعله تحصل تفسير يفتح النفس ويحقق بعض مراده .... !! لكن ،، تتفآجأ بأن زوجها راح يتزوج عليها وصار الحلم والحقيقة واحد / عوداً حميداً عجوزنا

هلا بالمشرفة السابقة القديرة وضوح

ياستي ارحمهن

تحلم بالخليل وتروح لاحد القنوات او المنتديات ويقولون لها تبي تعرسين على واحد يهبل وشدوقة وردية وخشته زهرية وعيونه دواوية وجبهته لونها ادهم << قديم بالالوان

وبالاخير تاخذ لها اشهب الهب

سادة هذي اللي تخذرف وتطق حنك وتدور على اللي يضحكون عليها

هلا بك وشرفتيني

[عجوز سمنسي]

[align=center]الكثير من العقلاء والمنصحين يحذرون من متابعة وتصديق القنوات الفضائية التي تبث برامج عن تفسير الرؤى وتحذر من المنتديات التي تضع اقسام للتعبير عن الاحلام من اجل استقطاب اعداد من الاعضاء

فمتى يتقي الله اولئك الشرذمة في الضعفاء من البسطاء من الناس ؟[/align]

[~عاليه~]

أعتقد أن الهوس بتفسير الأحلام لم يعد قاااصر على النساء فقط بل طال الرجال ايضاً
بالمفتشر ترا حتى الرجال مدحدرين لاحقين الحريم بكل شئ او والله يمكن انهم أردى ..
ولا يفهم من كلامي اني أبرى الحريم ..
كنت اتابع على احد القنوات برنامج لتفسير الأحلام عاد المفسر الله يسعده كل مادقت عليه وحده قال
زوج صالح باذن الله

[تركـي]

تذكرت مفسر احلام مصري كان يظهر في قناة ابوظبي .......
وخذ مكالمات من الحريم واكثرهن من السعوديه والخليجيات
وخذ تصريف على الحريم( مايبحل بنفسه والم التفسير) والحسابه بتحسب ......


والغريب الآن صارتفسير الآحلام والرقيه الشرعيه اصبحت استثمار لبعض مشائخ الجيل الجديد .......

الله المستعان .........