راعيات القطط ... مجرد تساؤل !

[انتظرتك]

اقتباس:  المشاركة الأصلية كتبت بواسطة الاخطبوط المرقط     [align=center] انتظرتك .. فيه مدامات تكره القطط ولا تواطنهم بعيشة الله. [/align]

الاخطبوط


صدقني من الردود بس عرفت هالشي ,,,

[سيدة الظلام]

مافي احسن من البسس جنان ياقلبي عليها
عندنا بالكوم اسلاف عندنا ^^
ههههههههههه

[حسبي ربي]

[align=center]أووووه .. عندنا حب الحيوانات وراثة وخاصة القطط

دايم أمي تقول لنا قصص عن مغامراتها مع القطط وعن طرق التربية الصحيحة ها ها..

من أول ما انولدت كل فترة نربي بس ما نتعدى سنتين..
قبل سبع سنوات التقيت بعنتر وحبيته كثير كثير " ويدعى أيضاً بالنمر"
وقبل خمس سنوات.. استلمت هدية من بنت خالتي مفاجأة وكانت قطة شيرازية اسمها نانا "بنت عنتر"
بس أخوي يسميها فتحية.. ومع الوقت صار الاسم الرسمي لها "فتحية"



حملت ست مرات ، و أنجبت العديد من الأبناء الصالحين ومنهم..
الآنسة فلاكي:




---------------
ليه أحبهم ؟ مدري وناسة و أنا عندي أحد مسؤولة عنه.. كذا أروح السوبر ماركت أشتري لها أكل
و أروح للبيطري يكشف عليها وهي حامل و أسولف معها و أصورها وهكا ('.')[/align]

[سيدآنه]

.
.

وين يودّن كومة الحنان اللي بهن ؟؟

.
.

[انتظرتك]

اقتباس:  المشاركة الأصلية كتبت بواسطة سيميــآء \=     فمحال أن تسأل فتاة عن حبها للقطط وتجيبك بإنها تكرهها الا انا .. اكرهه واخاف واتقرف منه..! وجنيتي ولا بسة ..!! ولو علمت بكرهك لها لاستثارت وغضبت منك ولوصفتك بالقسوة ايضاً ...! ..لا والله بعذرك والله يلوم اللي يلومك ..!ععع

سيمياء

البساسه لأننا تعودنا نشوفهن بوسط الزبايل وانتي بكرامه
صرنا نتقرف منهن حتى لو سبحوهن كل شوي ,,

بس وش سالفة اللي بتوقيعك ..

[انتظرتك]

اقتباس:  المشاركة الأصلية كتبت بواسطة قـتـالـه     لا بستي ناعمه ورقيقه مالها بالمعافر وبعد تعرف تقول ياحيي وع يالتسلابه والله من القمل قولي السلوقي اهون .. احب اناظرهن من بعيد خاصه المرقطه ,,

قتاله
من وين تشترين لها قواطي اللحم ؟؟؟

[انتظرتك]

اقتباس:  المشاركة الأصلية كتبت بواسطة اللص الصامت     [align=center]اتدلل عليهن من بعيد ايه[/align][align=center] المسهم لاااا >>مو مقتنعه بتربيتهم ابدددددد[/align]

اللص الصامت

المشكله مافيه دلال من غير لمس وتحضّن ,,,

[انتظرتك]

اقتباس:  المشاركة الأصلية كتبت بواسطة بنت منيره     خخخ لا بستك الله يقطعه دخلت علينا بالغرفه ومير نقوم نصارخ ونهبل ولا لا اني تعوذت من ابلس ولا كان ذبحته>>يقالي بطله خخخخ

حسيت انها مسافره وحاطه البسه عندكم
زين أنها مهب تقرب لنا ,,

[اوكسجين بريده]

[align=center]آعتقد بسسب آلنعومه فقط
لكن مو آي قطه يحبهآ آلجميع ,,

تقبل مروري[/align]

[انتظرتك]

اقتباس:  المشاركة الأصلية كتبت بواسطة عذبـــــة     البسه وما أدراك ما البسه يازينها وياحلوها بس لايغرنكم بساسة الشوارع القذرات اللي ماتربن شوفو اللي متربيات صح وبنات حموله طيبه وجميلات شهادات تطعيم وجواز سفر .. والله لو احلف ان مافيه ولا ربعكم معه جواز سفر وهي تتندح من دولة لدولة بنت العز والدلال وغير هذا اكلها من برا .. ومتنوع .. شِي سمك شِي دجاج شِي مرءه شِي اكلات مجففه انتم اذا اتقطعتوا من التنويع سويتو دجاج فحم ودجاج مندي وبيوم ميلادكم سويتوه مشوي ولها بيتها الخاص الللي اذا شفتوه ودكم انتم تسكنون فيه ولها امشاطها الخاصة وبودرتها وعطولها الخاصة وغير هذا تعليقاتها الراقيه الحلوة والله لو هذي وحده منكن الاقيها ماتغير الشباصة اللي بشعرها اسبوعين متتاليين بس شوفو البسة المتربية بنت العز كل يوم لها جرس وتعليقة لون وشكل ارخص بسة من بنات العز صح مو الخرابيط بقيمة الف وسبع مية ريال هذي ارخصهن انتم ياشباب خلوكم على اكل النيص والجراد والقنافذ والضفادع ابرك لكم وخلو البساسه والاشياء الناعمة واليااي للبنوتات

عذبه


حسيت أن البساسه أهم منا
أحنا نمرض ونموت ماحد درى عنا ...

والأكل أن وافقنا أهلنا يتعشون قلطنا معهم
والا مالنا إلا مطاريس المطاعم ...


بعدين عن الغلط ياراعية ورق العنب ,,

[انتظرتك]

اقتباس:  المشاركة الأصلية كتبت بواسطة gondwana     اكيد انا احب الحيوانات الاليفه بغض النظر عن انها قطو او غيره بس ماعمري خاطرت ولمسته.. إلا إذا كانت ربوه .. واكثر شيءاحبها الأرانب انظف والطف وفي الوقت الحالي اتوقعها تقليد لا اكثر ..

جندوانا

أشوف الارنب ماشي سوقه بينكن
غريبه وش معنى الارنب !

مصيبة أن كان الأمر مجرد تقليد
لأننا نخشى أن يتطور الأمر إلي تربية الكلاب

صحيح يوجد الآن من يربي الكلاب
لكن عددهم لا يذكر ....

فكما هو معروف أن الكلاب نجسه وآثم مربيها
بعكس القطط ,,,

[بنت رجـــال]

يممممممممه أنآ اخاف ألمس أي شيء غير الأنسان .!
عندي فوبيآ ضدّ كل كل كل شيء وتجين حاله هستيريه أفقد توازني وأطيح مغمن عليّ .!~~

وهـ كل شيء عندي يخوّف خصوصآ البساسه والحمآم ~~~~

شكرآ لك

[قـتـالـه]

اقتباس:  المشاركة الأصلية كتبت بواسطة انتظرتك     قتاله من وين تشترين لها قواطي اللحم ؟؟؟

انت تزعلني منك ياانتظرتك
بستي ماتاكل قواطي وع
المنيو حقها يختلف على مدار الاسبوع
مرقوق بالفقع .. وكبسة لحم حاشي
وتحلي بتطلي

[مطزاز]

اي شي يحب الزبايل وياكل فيران اكرررررررررررررررررررررررررررررهه يع يعيين

[قوتشي]

والله خــــــوش موضوع ,,

اثر " البس " مب هين
له قصص وحكايات مع العالم ,,

والله عسنا نربي عيالنا نربي قطاووه